040.0402.150402
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«15» ապրիլի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
15 ապրիլի 2002 թվականի N 402
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՆԱԽԱՐԱՐՈՒԹՅԱՆԸ ԳՈՒՅՔ ՎԱՃԱՌԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության Տավուշի մարզպետարանի տնօրինության` «Սպիտակ լիճ» պանսիոնատի գույքը (Հայաստանի Հանրապետության Տավուշի մարզ, քաղ. Իջևան) մեկամսյա ժամկետում հանձնել Հայաստանի Հանրապետության պետական գույքի կառավարման նախարարության տնօրինությանը:
2. Թույլատրել Հայաստանի Հանրապետության պետական գույքի կառավարման նախարարությանը «Սպիտակ լիճ» պանսիոնատի գույքը (այսուհետև` գույք) վաճառել բաց դասական աճուրդով:
3. Հայաստանի Հանրապետության պետական գույքի կառավարման նախարարությանը`
ա) աճուրդը կազմակերպել և անցկացնել սույն որոշումն ուժի մեջ մտնելուց հետո 2-ամսյա ժամկետում.
i
բ) սահմանել գույքի վաճառքի մեկնարկային գինը` 2000,34 հազար դրամ` հաշվարկված Հայաստանի Հանրապետության կառավարության 1994 թվականի փետրվարի 25-ի «Պետական սեփականություն հանդիսացող հիմնական միջոցների օտարման կարգի հաստատման մասին» N 92 որոշմամբ հաստատված կարգով.
գ) աճուրդի անցկացման օրվանից մեկամսյա ժամկետում գնորդի հետ կնքել գույքի առուվաճառքի պայմանագիր:
4. Աճուրդի հաղթողը պարտավոր է`
ա) աճուրդի արձանագրությունն ստանալու օրվանից 5-օրյա ժամկետում «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին վճարել գույքի վաճառքի գումարը.
բ) իր միջոցների հաշվին վճարել անշարժ գույքի վաճառքից ծագող գույքային իրավունքների պետական գրանցման հետ կապված վճարներն ու տուրքերը:
5. Հայաստանի Հանրապետության Տավուշի մարզպետին` 2-ամսյա ժամկետում ապահովել գնորդի հետ համապատասխան հողօգտագործման պայմանագրի կնքումը:
6. Սույն որոշումն ուժի մեջ է մտնում 2002 թվականի ապրիլի 15-ից: