040.0427.180402
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«18» ապրիլի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
18 ապրիլի 2002 թվականի N 427
i
ՀԱՅԿԱԿԱՆ ԳՅՈՒՂԱՏՆՏԵՍԱԿԱՆ ԱԿԱԴԵՄԻԱՅԻՆ ՈՒ ԵՐԵՎԱՆԻ ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՊԵՏԱԿԱՆ ՀԱՄԱԼՍԱՐԱՆԻՆ ԷԼԵԿՏՐՈՆԱՅԻՆ ՏԱԽԵՈՄԵՏՐ ԵՎ ԴԻՍՏՈՄԱՏ ԱՆՀԱՏՈՒՅՑ ՕԳՏԱԳՈՐԾՄԱՆ ՀԱՆՁՆԵԼՈՒ ՄԱՍԻՆ
Հաշվի առնելով Հայկական գյուղատնտեսական ակադեմիայի ու Երևանի ճարտարապետության և շինարարության պետական համալսարանի ուսումնական բազան նորագույն սարքավորումներով ու գործիքներով զինելու, ուսանողությանը գործնական աշխատանքների ընթացքում հիմնավոր գիտելիքներ հաղորդելու կարևորությունը, Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի համակարգի, հողի և անշարժ գույքի կառավարման համար արհեստավարժ մասնագետների պատրաստման անհրաժեշտությունը, ինչպես նաև Հայաստանի Հանրապետության կառավարության և Շվեյցարիայի Դաշնային խորհրդի միջև «Անշարժ գույքի կադաստրի համակարգին աջակցության նպատակով ֆինանսական և տեխնիկական համագործակցության մասին» համաձայնագրի շրջանակներում շվեյցարական կողմի համաձայնությունը և համաձայն Հայաստանի Հանրապետության քաղաքացիական օրենսգրքի 689-րդ հոդվածի` Հայաստանի Հանրապետության կառավարությունը որոշում է.
1. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի տնօրինության մեկական էլեկտրոնային տախեոմետր (ավտոմատ թեոդոլիտ) և դիստոմատ (տարածաչափական գործիք) անհատույց օգտագործման հանձնել Հայկական գյուղատնտեսական ակադեմիային ու Երևանի ճարտարապետության և շինարարության պետական համալսարանին` նշված գործիքները միայն ուսումնական նպատակով օգտագործելու պայմանով:
2. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին` տասնօրյա ժամկետում ապահովել նշված գործիքների սահմանված կարգով անհատույց օգտագործման հանձնելու պայմանագրերի կնքումը:
3. Սույն որոշումն ուժի մեջ է մտնում 2002 թվականի ապրիլի 18-ից: