106.0029.260202
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«26» 02 2002 Թ.
ՊԵՏԱԿԱՆ ԳՐԱՆՑՄԱՆ ԹԻՎ 10602038
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅՈՒՆ ՀՐԱՄԱՆ
31 հունվարի 2002 թվականի N 29
i
ՀԱՐԿՄԱՆ ՆՊԱՏԱԿՈՎ ՀԱՄԱԽԱՌՆ ԵԿԱՄՏԻՑ ՆՎԱԶԵՑՎՈՂ ԿՈՆՅԱԿԻ ՍՊԻՐՏՆԵՐԻ ԵՎ ԿՈՆՅԱԿՆԵՐԻ ԳԾՈՎ ՓԱՍՏԱՑԻ ԿՈՐՍՏԻ (ԲՆԱԿԱՆ ԿՈՐՍՏԻ) ՆՈՐՄԱՆԵՐԸ ՀԱՍՏԱՏԵԼՈՒ ՄԱՍԻՆ
ՀՀ կառավարության 2000 թվականի փետրվարի 3-ի «Հայաստանի Հանրապետության կառավարության 1999թ. ապրիլի 29-ի N 272 որոշման մեջ փոփոխություն կատարելու մասին» N 48 որոշմամբ սահմանված կարգի համաձայն, հարկման նպատակով համախառն եկամտից նվազեցվող գույքի փաստացի կորստի (բնական կորստի) հարցերը որոշակիորեն կարգավորելու նպատակով
ՀՐԱՄԱՅՈՒՄ ԵՄ`
1. Հաստատել «Հարկման նպատակով համախառն եկամտից նվազեցվող կոնյակի սպիրտների և կոնյակների գծով փաստացի կորստի (բնական կորստի) նորմաները»:
2. Նախարարության սննդի և վերամշակող արդյունաբերության գլխավոր վարչությանը (Մ. Գրիգորյան)` եռօրյա ժամկետում «Հարկման նպատակով համախառն եկամտից նվազեցվող կոնյակի սպիրտների և կոնյակների գծով փաստացի կորստի (բնական կորստի) նորմաները» ներկայացնել ՀՀ պետական եկամուտների նախարարություն` համաձայնեցման և ՀՀ արդարադատության նախարարություն` պետական գրանցման, համաձայն ՀՀ կառավարության 1996 թվականի հունվարի 15-ի «Գերատեսչական նորմատիվ ակտերի պետական գրանցման կարգի մասին» N 13 որոշման:
3. Սույն հրամանի կատարման հսկողությունը վերապահել նախարարի տեղակալ Լ. Ռուխկյանին:
Համաձայնեցված է` Հաստատված է`
ՀՀ պետական եկամուտների ՀՀ գյուղատնտեսության նախարարության
նախարարություն 31 հունվարի 2002 թ. N 29 հրամանով
«_____» _________ 2002 թ.
ՆՈՐՄԱՆԵՐ ՀԱՐԿՄԱՆ ՆՊԱՏԱԿՈՎ ՀԱՄԱԽԱՌՆ ԵԿԱՄՏԻՑ ՆՎԱԶԵՑՎՈՂ ԿՈՆՅԱԿԻ ՍՊԻՐՏՆԵՐԻ ԵՎ ԿՈՆՅԱԿՆԵՐԻ ԳԾՈՎ ՓԱՍՏԱՑԻ ԿՈՐՍՏԻ (ԲՆԱԿԱՆ ԿՈՐՍՏԻ)
1. ԸՆԴՀԱՆՈՒՐ ԴՐՈՒՅԹՆԵՐ
1. Սույն նորմատիվ ակտը մշակված է հիմք ընդունելով «Շահութահարկի մասին» Հայաստանի Հանրապետության օրենքի 21 հոդվածը և սահմանում է կոնյակի սպիրտների և կոնյակների պահպանման, հասունացման, հարստացման և տեղափոխման ընթացքում առաջացող բնական կորուստների թույլատրելի սահմանային նորմաները (չափերը):
2. Կոնյակի սպիրտի և կոնյակի բնական կորուստները հետևանք են դրանցում ընթացող ֆիզիկաքիմիական պրոցեսների և օդերևութաբանական գործոնների ազդեցության, տրանսպորտային միջոցների օգտագործման, ինչպես նաև պահպանման ժամանակ կոնյակի սպիրտների և կոնյակների որակական ու քանակական պարամետրերի փոփոխություններից (պակասորդից) առաջացած կորուստների:
3. Բնական կորուստներին չեն դասվում կոնյակի սպիրտների և կոնյակների պահպանման, հասունացման, հարստացման և տեղափոխման ընթացքում ստանդարտների, տեխնիկական պայմանների, տեխնիկական շահագործման և պահպանման կանոնների, ինչպես նաև տեխնոլոգիական պահանջների խախտման հետևանքով առաջացած կորուստները:
4. Բնական կորուստները արձանագրվում են և ենթակա են դուրսգրման սահմանված կարգով իրականացված գույքագրումների արդյունքների փաստացի տարբերությունների չափով, բայց ոչ ավելի, քան թույլատրելի սահմանային նորմաները:
2. ԿՈՆՅԱԿԻ ՍՊԻՐՏՆԵՐԻ, ՍՊԻՐՏԱՎՈՐՎԱԾ ՋՐԵՐԻ ԵՎ ԿՈՆՅԱԿՆԵՐԻ ՊԱՀՊԱՆՄԱՆ ԵՎ ՀԱՍՈՒՆԱՑՄԱՆ ԸՆԹԱՑՔՈՒՄ ԱՌԱՋԱՑՈՂ ԿՈՐՈՒՍՏՆԵՐԻ ՆՈՐՄԱՆԵՐԸ
1. Կոնյակի սպիրտների, սպիրտավորված ջրերի և կոնյակների բնական կորստի չափերը պահպանման և հասունացման ընթացքում հաշվարկվում են դրանց մեջ պարունակվող ջրազուրկ սպիրտի միջին ամսական քանակից (ծավալից): Ամսվա նորմատիվ կորուստները որոշվում են տարեկան նորմաները բաժանելով 12-ի: Պահպանման և հասունացման պրոցեսում գտնվող կոնյակի սպիրտների, սպիրտավորված ջրերի և կոնյակների միջին ամսական քանակը որոշվում է մեկ ամսվա օրական մնացորդների գումարը բաժանելով ամսվա օրերի քանակին:
i
2. Կոնյակի սպիրտների առաջին և երկրորդ տարվա պահպանման և հասունացման ընթացքում ընդունված բնական կորուստների նորմաները բոլոր տեսակի տարաներում նվազում են երրորդ տարվա հասունացման համար 5%-ի, իսկ չորրորդ տարվա հասունացման համար 10%-ի չափով: Հետագա տարիների հասունացման բնական կորուստները պահպանվում են չորրորդ տարվա կորուստի չափով:
Օրինակ` մինչև 70 դալ տարողությամբ կաղնե տակառում կոնյակի սպիրտի պահպանման և հասունացման ընթացքում բնական կորուստը կազմում է`
- երրորդ տարվա համար` 4,2- (4,2x 5): 100= 3,99%,
- չորրորդ տարվա համար` 3.99-(3.99x10): 100= 3,59%,
- հինգերորդ տարվա համար` 3.59%,
- վեցերորդ տարվա համար` 3.59% և այլն:
(2-րդ կետը խմբ. 09.09.02 թիվ 238-Ն հրաման )
3. ԿԱՂՆԵ ՏԱԿԱՌՆԵՐՈՒՄ ԿՈՆՅԱԿԻ ՍՊԻՐՏՆԵՐԻ ԵՎ ՍՊԻՐՏԱՎՈՐՎԱԾ ՋՐԵՐԻ ԱՌԱՋԻՆ ԵՎ ԵՐԿՐՈՐԴ ՏԱՐՎԱ ՊԱՀՊԱՆՄԱՆ ԵՎ ՀԱՍՈՒՆԱՑՄԱՆ ԸՆԹԱՑՔՈՒՄ ԱՌԱՋԱՑՈՂ ԿՈՐՈՒՍՏՆԵՐԻ ՆՈՐՄԱՆԵՐԸ
(տոկոսներով` կոնյակի սպիրտներում, սպիրտավորված ջրերում պարունակվող ջրազուրկ սպիրտի ընդհանուր քանակի նկատմամբ)
.______________________________________________________________________.
| Տակառների |Մինչև 70 |70-150 |150 դալ |մինչև 120 դալ |
| տարողությունը |դալ |դալ |և ավելի |բացօթյա պայմաններում|
|_________________|__________|_________|__________|____________________|
| Կորուստների | | | | |
| նորմաները (%) |4,2 | 2,8 | 2,5 | 7,0 |
.______________________________________________________________________.
4. ՊԱՀՊԱՆՄԱՆ ԵՎ ՀԱՍՈՒՆԱՑՄԱՆ ԸՆԹԱՑՔՈՒՄ ԿԱՂՆԵ ՏԱԿԱՌՆԵՐՈՒՄ ԿՈՆՅԱԿԻ ՍՊԻՐՏՆԵՐԻ ԵՎ ՍՊԻՐՏԱՎՈՐՎԱԾ ՋՐԵՐԻ ՆԵՐԾԾՄԱՆ ԿՈՐՈՒՍՏՆԵՐԻ ՆՈՐՄԱՆԵՐԸ *
(տոկոսներով` կոնյակի սպիրտներում, սպիրտավորված ջրերում պարունակվող ջրազուրկ սպիրտի ընդհանուր քանակի նկատմամբ)
Տակառներում, որոնք չեն օգտագործվել կոնյակի սպիրտի
կամ կոնյակի համար **` 1,2%
Տակառներում, որոնք օգտագործվել են կոնյակի սպիրտի
կամ կոնյակի համար **` 0,5%
ԾԱՆՈԹՈՒԹՅՈՒՆ.
*) Նշված նորմաները միանգամյա են, կիրառվում են տակառներում
կոնյակի սպիրտի և սպիրտավորված ջրերի լցման ժամանակ և ներծծման
արդյունք են:
**) Նոր, չօգտագործված տարողությունների թվին են պատկանում այն
տակառները, որոնց տակառատախտակից կորզվել է սպիրտը և որոնք 4 ամսից
ավելի եղել են դատարկ:
Կոնյակի սպիրտի կամ կոնյակի համար օգտագործված են համարվում այն տարողությունները, որոնք դատարկվել են կոնյակի սպիրտից կամ կոնյակից ոչ ավելի, քան 4 ամսվա ընթացքում:
5. ՄԵՏԱՂՅԱ ՊԱՀԱՄԱՆՆԵՐՈՒՄ ԿՈՆՅԱԿԻ ՍՊԻՐՏՆԵՐԻ, ՍՊԻՐՏԱՎՈՐՎԱԾ ՋՐԵՐԻ ԵՎ ԿՈԼԵՐԻ ՊԱՀՊԱՆՄԱՆ, ՀԱՍՈՒՆԱՑՄԱՆ ԵՎ ՀԱՐՍՏԱՑՄԱՆ ԸՆԹԱՑՔՈՒՄ ԱՌԱՋԱՑՈՂ ԿՈՐՈՒՍՏՆԵՐԻ ՆՈՐՄԱՆԵՐԸ
1. Առաջին և երկրորդ տարվա հասունացման համար (հաշված այն պահից, երբ կոնյակի սպիրտը թորելուց հետո լցվել է տարաների մեջ, տոկոսներով կոնյակի սպիրտներում, սպիրտավորված ջրերում և կոլերում պարունակող ջրազուրկ սպիրտի նկատմամբ)` 0,65%:
2. Թթվածնով կոնյակի սպիրտի հարստացման ժամանակ առաջացող կորուստների նորմաները կազմում են տարողությունների մեջ գտնվող ջրազուրկ սպիրտի քանակի 0,1%-ից ոչ ավելի:
i
3. Արծնապատ մետաղյա պահամաններում կոնյակի սպիրտների կաղնե տակառատախտակներում ներծծման կորուստների նորմաները կազմում են`
ա) առաջին լցման ընթացքում կոնյակի սպիրտների կորուստների նորմաները հաշվարկվում են հետևյալ բանաձևով`
Ն = Քx0.55%
որտեղ` Ն - սպիրտի կորուստն է (ջրազուրկ սպիրտ, լիտր)
Ք- բացարձակ չոր տակառատախտակների քաշը (կգ)
0.55 - 1 կգ բացարձակ չոր տակառատախտակներում ներծծվող սպիրտի
քանակը (ջ.ս.լ),
բ) երկրորդ և դրան հաջորդող լցման ընթացքում կոնյակի սպիրտների կորուստների նորմաները կազմում են տարողություններում առկա ջրազուրկ սպիրտի քանակի 0,4 %-ը:
(3-րդ կետը փոփ. 09.09.02 թիվ 238-Ն հրաման )
ԾԱՆՈԹՈՒԹՅՈՒՆ` Տակառատախտակների բացարձակ չոր քաշը որոշվում է 105օ C
ջերմաստիճանի պայմաններում տակառատախտակների 3-ից ոչ պակաս
նմուշի մոտ 100 գր. զանգվածը հաստատուն քաշի հասցնելով:
6. ԿՈՆՅԱԿՆԵՐԻ ՊԱՀՊԱՆՄԱՆ ԵՎ ՀԱՍՈՒՆԱՑՄԱՆ ԸՆԹԱՑՔՈՒՄ ԱՌԱՋԱՑՈՂ ԿՈՐՈՒՍՏՆԵՐԻ ՆՈՐՄԱՆԵՐԸ
(տոկոսներով` մեկ տարվա համար, հաշվարկված կոնյակում պարունակվող ջրազուրկ սպիրտի նկատմամբ)
.________________________________________________________________________.
| Տարաների տեսակները և | Կաղնե | Կաղնե |Արծնապատ մետաղյա|
| տարողությունները | տակառներում` |տակառներում` |պահամաններում |
| |(մինչև 150 դալ) |(150 դալից | |
| | |ավել) | |
|_______________________|_________________|_____________|________________|
| Կորուստների նորմաները | | 2,0 | 0,5 |
| (%) | 2,5 | | |
.________________________________________________________________________.
Կոնյակների ներծծումը փայտանյութում ետկուպաժային պահպանման և հասունացման ընթացքում կազմում են` (տոկոսներով` կոնյակում պարունակող ջրազուրկ սպիրտի նկատմամբ)
Տակառներում (բոչկա)` նախկինում կոնյակով լցված` 0,2%
Տակառներում (բուտ)` նախկինում կոնյակով լցված` 0,15%
7. ԿՈՆՅԱԿԻ ՍՊԻՐՏՆԵՐԻ ԵՎ ԿՈՆՅԱԿՆԵՐԻ ՏԵՂԱՓՈԽՄԱՆ ԺԱՄԱՆԱԿ ԱՌԱՋԱՑՈՂ ԿՈՐՈՒՍՏՆԵՐԻ ՆՈՐՄԱՆԵՐԸ
.______________________________________________________________________.
| |Բնական կորուստների առավելագույն|
| Տրանսպորտային միջոցը և | նորմաները տեղափոխման ընթացքում|
| տարայի տիպը | արտադրանքի ընդհանուր ծավալի |
| | նկատմամբ` տոկոսներով |
| |_______________________________|
| |Յուրաքանչյուր| Անկախ ճանապարհին|
| |օրվա համար | գտնվելու |
| | | ժամանակից |
|______________________________________|_____________|_________________|
| 1. Երկաթուղային և ջրային տրանսպորտով| | |
| կաղնե տակառներում (ներառյալ բեռնումը | 0,03 * | |
| և բեռնաթափումը) | | |
| 2. Երկաթուղային և ջրային տրանսպորտով| | |
| մետաղյա տարաներում (ներառյալ բեռնումը| 0,007 | |
| և բեռնաթափումը) | | |
| 3. Երկաթուղային ցիստեռններում | 0,0055 | |
| 4. Ավտոմոբիլային տրանսպորտով կաղնե | | 0,10 |
| տակառներում (ներառյալ բեռնումը և | | |
| բեռնաթափումը) | | |
| 5. Ավտոմոբիլային տրանսպորտով մետաղյա | | |
| տարաներում (ներառյալ բեռնումը և | 0,008 ** | |
| բեռնաթափումը) | | |
| 6. Ավտոմոբիլային ցիստեռններում | | 0,044 |
.______________________________________________________________________.
ԾԱՆՈԹՈՒԹՅՈՒՆ`
*) Արտադրանքը ճանապարհին ավելի, քան 8 օր մնալու դեպքում բնական
կորուստների առավելագույն նորմաները հաշվվում են ոչ ավելի, քան
0,24 %:
**) Արտադրանքը ճանապարհին ավելի, քան 10 օր մնալու դեպքում` ոչ ավելի,
քան 0,08 %: