(ուժը կորցրել է 04.09.08 թիվ 14-Ն հրաման)
i
112.0179.230402
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«23» 04 2002 Թ.
ՊԵՏԱԿԱՆ ԳՐԱՆՑՄԱՆ ԹԻՎ 11202071
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԵՐՔԻՆ ԳՈՐԾԵՐԻ ՆԱԽԱՐԱՐ ՀՐԱՄԱՆ
22 ապրիլի 2002 թվականի N 179
i
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՃԱՆԱՊԱՐՀԱՅԻՆ ԵՐԹԵՎԵԿՈՒԹՅԱՆ ՊԱՏՇԱՃ ԿԱԶՄԱԿԵՐՊՈՒՄՆ ԱՊԱՀՈՎԵԼՈՒ ՄԱՍԻՆ
Հայաստանի Հանրապետության տարածքում ավտոտրանսպորտի պատշաճ շահագործումը երաշխավորելու, վարորդների կարգապահությունը բարձրացնելու, երթևեկության անվտանգությունն ապահովելու, վթարայնության հնարավորությունները նվազագույնի հասցնելու, տվյալ բնագավառում բարոյա-հոգեբանական մթնոլորտը բարելավելու, ինչպես նաև «Վարչական իրավախախտումների վերաբերյալ» Հայաստանի Հանրապետության օրենսգրքի 123 հոդվածի 4-րդ մասի հետևողական կիրարկումն ապահովելու նպատակով.
Հրամայում եմ`
1. Միջոցներ ձեռնարկել ծառայողական և անձնական օգտագործման ավտոմեքենաների արտաքին տեսքը և կահավորումը Հայաստանի Հանրապետությունում գործող ԳՈՍՏ 5727-88 պահանջներին համապատասխանեցնելու ուղղությամբ: Վարագուրապատումը թույլատրել սույն հրամանի հավելված 1-ում նախատեսված պաշտոնատար անձանց սպասարկող ծառայողական ավտոմեքենաներին:
i
2. ՈՒժեղացնել պայքարը ավտոտրանսպորտային միջոցները հատուկ լուսային և ձայնային ազդանշաններով կահավորելու (Հայաստանի Հանրապետության կառավարության 1998 թվականի հունիսի 16-ի N 367 որոշմանը համապատասխան) օրինականության ուղղությամբ:
3. Համապատասխան թույլտվությունները (հավելված 2) տրամադրվում են տրանսպորտային միջոցի հերթական տարեկան տեխնիկական զննության ժամանակ` տվյալ տրանսպորտային միջոցը համապատասխան պաշտոնատար անձին հատկացնելու մասին փաստաթղթերի հիման վրա:
4. ՀՀ ՆԳՆ ՊԱՏ վարչությանը (պետ` Մ. Օհանյան)`
ա) հնգօրյա ժամկետում ապահովել սույն հրամանի 3-րդ կետով սահմանված կարգով առաջին անգամ տրվող թույլտվության կտրոնների տրամադրումը,
բ) ապահովել անհրաժեշտ քանակի թույլտվության կտրոնների պատրաստումը` տվյալ տարվա պետական տեխնիկական զննությունն անցած և ցանկով նախատեսված ավտոմեքենաներին հատկացնելու համար,
գ) անհապաղ ձեռնամուխ լինել սույն հրամանի 1-ին և 2-րդ կետերով նախատեսված միջոցառումների իրականացմանը, անհրաժեշտության դեպքում համագործակցել ՆԳՆ այլ ծառայությունների հետ:
5. Երևան քաղաքի ՆԳ վարչության պետին, ՆԳՆ մարզային վարչությունների պետերին` անմիջական մասնակցություն և աջակցություն ցուցաբերել սույն հրամանով նախատեսված միջոցառումների իրականացմանը:
6. Սույն հրամանի պահանջների կատարման հսկողությունը հանձնարարել ՀՀ ՆԳ նախարարի առաջին տեղակալ, ոստիկանության գեներալ-մայոր Ա. Մահտեսյանին:
Հավելված 1
ՀՀ ՆԳ նախարարի
«22» ապրիլի 2002թ.
թիվ 179 հրամանի
ՑԱՆԿ
ՎԱՐԱԳՈՒՐԱՊԱՏՈՒՄԸ ԹՈՒՅԼԱՏՐՎՈՂ ԾԱՌԱՅՈՂԱԿԱՆ ԱՎՏՈՄԵՔԵՆԱՆԵՐՈՎ ՍՊԱՍԱՐԿՎՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԻՇԽԱՆՈՒԹՅԱՆ ՄԱՐՄԻՆՆԵՐԻ ԵՎ ԿԱԶՄԱԿԵՐՊՈՒԹՅՈՒՆՆԵՐԻ ՊԱՇՏՈՆՆԵՐԻ
1. Հայաստանի Հանրապետության Նախագահ
2. Ամենայն Հայոց Կաթողիկոս
3. Հայաստանի Հանրապետության Ազգային ժողովի նախագահ
4. Հայաստանի Հանրապետության վարչապետ
5. Հայաստանի Հանրապետության նախկին նախագահ
6. Հայաստանի Հանրապետության սահմանադրական դատարանի նախագահ
7. Հայաստանի Հանրապետության անվտանգության խորհրդի անդամներ
8. Հայաստանի Հանրապետության Նախագահի աշխատակազմի ղեկավար
9. Հայաստանի Հանրապետության կառավարության անդամներ
10 Հայաստանի Հանրապետության Ազգային ժողովի նախագահի տեղակալներ
11. Հայաստանի Հանրապետության գլխավոր դատախազ
12. Հայաստանի Հանրապետության վճռաբեկ դատարանի նախագահ
i
13. Հայաստանի Հանրապետության Ազգային ժողովի մշտական հանձնաժողովների նախագահներ
(14-15-րդ կետերը հանվել են 30.04.02 թիվ 199 հրաման)
(ցանկը փոփ. 16.07.02 թիվ 299 հրաման)
Հավելված 2
ՀՀ ՆԳ նախարարի
«22» ապրիլի 2002թ.
թիվ 179 հրամանի
ՆԿԱՐԱԳԻՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԻՇԽԱՆՈՒԹՅԱՆ ՄԱՐՄԻՆՆԵՐԻ ԵՎ ԿԱԶՄԱԿԵՐՊՈՒԹՅՈՒՆՆԵՐԻ ԾԱՌԱՅՈՂԱԿԱՆ ԱՎՏՈՄԵՔԵՆԱՆԵՐԻ ՎԱՐԱԳՈՒՐԱՊԱՏՄԱՆ ԹՈՒՅԼՏՎՈՒԹՅԱՆ ԿՏՐՈՆԻ
1. Կտրոնը 105 մմ x 75 մմ չափերով միակողմանի քարտի տեսքով ինքնասոսնձվող փաստաթուղթ է:
2. Կտրոնի հիմնագույնը փոփոխվում է ամեն տարի և չի համընկնում տվյալ տարվա պետական տեխնիկական զննության կտրոնի հիմնագույնին:
3. Կտրոնի վերին միջնամասում, որպես վերտառություն տպագրվում են «ԹՈՒՅԼՏՎՈՒԹՅՈՒՆ ավտոմեքենայի ետևի դիտապակին վարագուրապատելու» բառերը:
Կտրոնի միջնամասում` ձախից նշվում է տվյալ տարվա տարեթիվը, աջ մասում պատկերվում է մարդատար ավտոմեքենա, իսկ ներքևում տպագրվում են` «Թույլատրվում է ---------- համարանիշի ավտոմեքենան վարագուրապատել պետական տեխնիկական զննության N -------- կտրոնի առկայության դեպքում» բառերը:
Կտրոնի ներքևի ձախ մասում տպագրվում են «ՀՀ ՆԳՆ պետավտոտեսչության վարչության պետ ---------- Կ.Տ.» բառերը, իսկ աջ մասում` կտրոնի համարը:
(ազգանուն, ստորագրություն)
4. Կտրոնը փակցվում է ավտոմեքենայի դիմապակու ներքևի աջ անկյունում:
._____________________________________________________.
| ԹՈՒՅԼՏՎՈՒԹՅՈՒՆ |
| ավտոմոբիլի ետևի դիտապակին վարագուրապատելու |
| |
| 2002 թ. |
| |
| Թույլատրվում է __________________ համարանիշի |
| ավտոմոբիլը վարագուրարատել պետական տեխնիկական |
| զննության N __________ կտրոնի առկայության դեպքում: |
| ՀՀ ՆԳՆ պետավտոտեսչության ._________. |
| վարչության պետ ___________________ Կ.Տ. | N 000 | |
| (ազգանուն, ստորագրություն) ._________. |
._____________________________________________________.