ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐ
ՀՐԱՄԱՆ
18 մայիսի 2022 թվականի N 1-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐԻ 2012 ԹՎԱԿԱՆԻ ՕԳՈՍՏՈՍԻ 7-Ի N 836-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
i
Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածների 1-ին մասերով`
ՀՐԱՄԱՅՈՒՄ ԵՄ
1. Հայաստանի Հանրապետության պաշտպանության նախարարի 2012 թվականի օգոստոսի 7-ի «Կայազորային կարգապահական վաշտերի ցանկը և օրվա խստացված կարգացուցակը հաստատելու մասին» N 836-Ն հրամանի N 2 հավելվածի 2-րդ գլխի`
i
1) 9-րդ կետում «ԱՀՏԱ» հապավումը փոխարինել «բարոյահոգեբանական ապահովման» բառերով.
2) 10-րդ կետի երկրորդ պարբերությունը շարադրել հետևյալ խմբագրությամբ.
i
«Մարտական հերթապահություն իրականացնող զորամասերի հրամանատարների զեկուցագրերի հիման վրա կամ զորամիավորման (միավորման) հրամանատարի որոշմամբ, կայազորի պետի գրավոր հրամանով, անձնակազմը ներգրավել ինժեներական աշխատանքներում` երկուշաբթի-ուրբաթ օրերին ուսումնական պարապմունքների հաշվին, անձնախմբի պետ նշանակելով կարգապահական վաշտի սպաներից, անձնակազմի տեղափոխությունն իրականացնելով մարտական հերթապահություն իրականացնող զորամասի կամ զորամիավորման (միավորման) հրամանատարի կողմից նախորոշված տրանսպորտային միջոցով:»:
ՊԱՇՏՊԱՆՈՒԹՅԱՆ ՆԱԽԱՐԱՐ Ս. ՊԱՊԻԿՅԱՆ
Պաշտոնական հրապարակման օրը` 27 մայիսի 2022 թվական: