ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
16 օգոստոսի 2022 թվականի N 936-Ա
ԵՂԻՇԵ ԿԻՐԱԿՈՍՅԱՆԻՆ ԱՄԵՐԻԿԱՅԻ ՄԻԱՑՅԱԼ ՆԱՀԱՆԳՆԵՐ ԳՈՐԾՈՒՂԵԼՈՒ ՄԱՍԻՆ
Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասով և հիմք ընդունելով Հայաստանի Հանրապետության կառավարության 2005 թվականի դեկտեմբերի 29-ի N 2335-Ն որոշումը`
1. Միջազգային իրավական հարցերով ներկայացուցիչ Եղիշե Կիրակոսյանին 2022 թվականի սեպտեմբերի 18-28-ը ներառյալ գործուղել Ամերիկայի Միացյալ Նահանգներ` Հայաստանի Հանրապետության շահերի պաշտպանությունն իրականացնող իրավախորհրդատուների, գործընկերների, պաշտոնատար անձանց հետ աշխատանքային հանդիպումներ ունենալու, ինչպես նաև Ամերիկայի Հայ Ազգային Կոմիտեի (այսուհետ` ANCA) հրավերով Լոս Անջելեսում կայանալիք «ANCA-WR ամենամյա գալա» մրցանակաբաշխությանը և «ANCA-WR ժողովրդական համաժողովը Արցախի վերաբերյալ» խորագրով համաժողովին մասնակցելու նպատակով:
2. Եղիշե Կիրակոսյանի` ԱՄՆ գործուղման օրապահիկի (սեպտեմբերի 18-ից 21-ը` Վաշինգտոն, սեպտեմբերի 21-23-ը` Բոստոն, սեպտեմբերի 23-28-ը` Լոս Անջելես, սեպտեմբերի 27-ին` Սան Ֆրանցիսկո), Երևան-Վաշինգտոն, Վաշինգտոն-Նյու Յորք, Նյու Յորք-Բոստոն, Լոս Անջելես-Սան Ֆրանցիսկո-Լոս Անջելես ուղղություններով ավիատոմսերի, սեպտեմբերի 18-22-ը ներառյալ ժամանակահատվածի գիշերավարձի և գործուղմանն առնչվող այլ ծախսերը կատարել Հայաստանի Հանրապետության 2022 թվականի պետական բյուջեով վարչապետի աշխատակազմի պահպանման ծախսերում արտաքին գործուղումների համար նախատեսված միջոցների հաշվին:
(2-րդ կետը փոփ. 14.09.2022 թիվ 1057-Ա որոշում)
3. Ընդունել ի գիտություն, որ Բոստոն-Լոս Անջելես, Լոս Անջելես-Երևան ուղղություններով ավիատոմսերի և սեպտեմբերի 23-28-ը ներառյալ գիշերավարձի ծախսերը հոգում է հրավիրող կողմը:
4. Միջազգային իրավական հարցերով ներկայացուցչին` գործուղումից վերադառնալուց հետո եռօրյա ժամկետում վարչապետի աշխատակազմ ներկայացնել ԱՄՆ գործուղման արդյունքների մասին հաշվետվություն:
Հայաստանի Հանրապետության
վարչապետ Ն. Փաշինյան
2022 թ. օգոստոսի 16
Երևան