(ուժը կորցրել է 21.06.14 ՀՕ-100-Ն օրենք)
i
010.0354.120602
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ
Ընդունված է 2002 թվականի մայիսի 20-ին
«ՏԻԳՐԱՆ ՄԵԾ» ՇՔԱՆՇԱՆԻ ՄԱՍԻՆ
ՀՈԴՎԱԾ 1. «Տիգրան Մեծ» շքանշանը շնորհվում է Հայաստանի Հանրապետության մատուցած բացառիկ ծառայությունների համար:
i
ՀՈԴՎԱԾ 2. «Տիգրան Մեծ» շքանշանով պարգևատրվում են Հայաստանի Հանրապետության պետական գործիչները, զինված ուժերի և այլ զորքերի բարձրագույն հրամանատարական կազմի զինծառայողները, ինչպես նաև Հայաստանի Հանրապետության զինված ուժերի և այլ զորքերի զորամասերը:
(2-րդ հոդվածը փոփ. 02.05.06 ՀՕ-55-Ն օրենք)
ՀՈԴՎԱԾ 3. «Տիգրան Մեծ» շքանշանով պարգևատրելու միջնորդությունը ներկայացնում են Հայաստանի Հանրապետության կառավարության, պաշտպանության, ոստիկանության բնագավառի պետական լիազորված մարմնի և ազգային անվտանգության բնագավառների պետական լիազորված մարմինները:
(3-րդ հոդվածը փոփ. 02.05.06 ՀՕ-55-Ն օրենք)
ՀՈԴՎԱԾ 4. «Տիգրան Մեծ» շքանշանը կրում են կրծքի աջ կողմում, շքանշանների առկայության դեպքում` դրանցից առաջ:
ՀՈԴՎԱԾ 5. Սույն օրենքն ուժի մեջ է մտնում պաշտոնական հրապարակման պահից:
12 հունիսի 2002 թ.
ՀՕ-354-Ն