040.0665.010602
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«1» հունիսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
1 հունիսի 2002 թվականի N 665
i
ԳՈԳԱՐԱՆԻ «ԶԱՐԹՈՆՔ» ԿՐԹԱԿԱՆ, ՄՇԱԿՈՒԹԱՅԻՆ ԵՎ ՍՈՑԻԱԼԱԿԱՆ ԶԱՐԳԱՑՄԱՆ ՀԻՄՆԱԴՐԱՄԻ ԲԱՐԵԳՈՐԾԱԿԱՆ ԾՐԱԳՐԻ ՇՐՋԱՆԱԿՆԵՐՈՒՄ ԻՐԱԿԱՆԱՑՎԵԼԻՔ ՓՈԽՀԱՏՈՒՑՄԱՆ ՄԱՍԻՆ
Հաշվի առնելով այն հանգամանքը, որ Գոգարանի «Զարթոնք» կրթական, մշակութային և սոցիալական զարգացման հիմնադրամի ծրագիրը Հայաստանի Հանրապետության կառավարության մարդասիրական օգնության կենտրոնական հանձնաժողովի 2001 թվականի մայիսի 23-ի «Շվեյցարական ԿԱԶԱ մարդասիրական հիմնադրամի և Գոգարանի «Զարթոնք» կրթական, մշակութային և սոցիալական զարգացման հիմնադրամի կողմից 2001 թվականին համատեղ իրականացվող` Հայաստանի Հանրապետության Լոռու մարզի Գոգարան գյուղի դպրոցի կառուցման և կահավորման ծրագրի մասին» N Մ-151 որոշմամբ որակվել է բարեգործական, ինչպես նաև Հայաստանի Հանրապետության կառավարության 2002 թվականի փետրվարի 13-ի «Մարդասիրական օգնության և բարեգործական ծրագրերի մասին» N 136 որոշմանը համապատասխան` Հայաստանի Հանրապետության կառավարությունը որոշում է.
i
1. «Հայաստանի Հանրապետության 2002 թվականի պետական բյուջեի մասին» Հայաստանի Հանրապետության օրենքի 11-րդ հոդվածի «ժե» կետով սահմանված կարգով Գոգարանի «Զարթոնք» կրթական, մշակութային և սոցիալական զարգացման հիմնադրամին (ՀՀ, Լոռու մարզ, գ. Գոգարան, ՀՎՀՀ` 06926179) փոխհատուցել նշված ծրագրի շրջանակներում «Հայնախագիծ» փակ բաժնետիրական ընկերության կողմից (ՀՀ, քաղ. Երևան, Չարենցի 1, ՀՎՀՀ` 01503291) 2001 թվականի օգոստոսի 28-ին կնքված N 509-2000/2001 ՀՀ պայմանագրի հիման վրա 2002 թվականի ապրիլի 15-ի N 10 ակտով կատարված աշխատանքների դիմաց հաշվարկված ավելացված արժեքի հարկի մինչև 66610 դրամ գումարը:
2. Սույն որոշումն ուժի մեջ է մտնում 2002 թվականի հունիսի 1-ից: