040.0680.030602
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«3» հունիսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
3 հունիսի 2002 թվականի N 680
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԿԱՌԱՎԱՐՄԱՆ ՀԱՄԱԿԱՐԳԻ ԿԱՌՈՒՑՎԱԾՔԱՅԻՆ ԲԱՐԵՓՈԽՈՒՄՆԵՐԻ ԻՐԱԿԱՆԱՑՄԱՆ ՀԵՏԵՎԱՆՔՈՎ ՎԵՐԱԿԱԶՄԱԿԵՐՊՎԱԾ ՄԱՐՄԻՆՆԵՐԻ ԱՇԽԱՏՈՂՆԵՐԻ ՊԱՇՏՈՆԱՅԻՆ ԴՐՈՒՅՔԱՉԱՓԵՐԻ ՄԱՍԻՆ
Հայաստանի Հանրապետության պետական կառավարման համակարգի կառուցվածքային բարեփոխումների իրականացման հետևանքով Հայաստանի Հանրապետության կառավարության 2002 թվականի մարտի 6-ի NN 196, 197, 198, 199, 200, 202 և 203 որոշումներով գործակալությունների, տեսչությունների կամ վարչությունների վերակազմակերպված մարմինների աշխատողների վարձատրության հարցերը կանոնակարգելու նպատակով Հայաստանի Հանրապետության կառավարությունը որոշում է.
1. Մինչև «Քաղաքացիական ծառայողների վարձատրության մասին» Հայաստանի Հանրապետության օրենքի ընդունումը պահպանել Հայաստանի Հանրապետության պետական կառավարման համակարգի կառուցվածքային բարեփոխումների իրականացման հետևանքով վերակազմակերպված մարմինների աշխատողների նախկին պաշտոնային դրույքաչափերը` «Հայաստանի Հանրապետության 2002 թվականի պետական բյուջեի մասին» Հայաստանի Հանրապետության օրենքով համապատասխան մարմինների պահպանման ծախսերի համար նախատեսված միջոցների հաշվին:
2. Սույն որոշումն ուժի մեջ է մտնում պաշտոնական հրապարակման պահից: