(ուժը կորցրել է 30.11.98 թիվ 758 որոշում)
i
ՀԱՅԿԱԿԱՆ ԽՍՀ ՄԻՆԻՍՏՐՆԵՐԻ ԽՈՐՀՈՒՐԴ
ՈՐՈՇՈՒՄ
11 հունվարի 1990 թ. թիվ 13
ԽՍՀՄ ՄԻՆԻՍՏՐՆԵՐԻ ԽՈՐՀՐԴԻ 1989 Թ. ԴԵԿՏԵՄԲԵՐԻ 21-Ի «ԱՌՈՂՋԱՊԱՀՈՒԹՅԱՆ ՀԻՄՆԱՐԿՆԵՐՈՒՄ ՍՆՆԴԻ, ԴԵՂՈՐԱՅՔԻ ՈՒ ՓԱՓՈՒԿ ԳՈՒՅՔԻ ԾԱԽՍՄԱՆ ՆՈՐՄԱՆԵՐԸ ԲԱՐՁՐԱՑՆԵԼՈՒ ԵՎ ՈՐՈՇ ԿԱՏԵԳՈՐԻԱՆԵՐԻ ՀԻՎԱՆԴՆԵՐԻ ԱՆՎՃԱՐ ԱՄԲՈՒԼԱՏՈՐԱՅԻՆ ԲՈՒԺՄԱՆ ՄԱՍԻՆ» ԹԻՎ 1120 ՈՐՈՇՈՒՄԸ
Հայկական ԽՍՀ Մինիստրների խորհուրդը որոշում է.
Ընդունել ի ղեկավարություն և տեղեկացնել շահագրգռված կազմակերպություններին, որ ԽՍՀՄ Մինիստրներ խորհուրդը 1989 թ. դեկտեմբերի 21-ի «Առողջապահության հիմնարկներում սննդի, դեղորայքի ու փափուկ գույքի ծախսման նորմաները բարձրացնելու և որոշ կատեգորիաների հիվանդների անվճար ամբուլատորային բուժման մասին» թիվ 1120 որոշմամբ ԽՍՀՄ Գերագույն խորհրդի 1989 թ. հոկտեմբերի 31-ի «ԽՍՀՄ տնտեսական ու սոցիալական զարգացման 1990 թվականի պլանի մասին» որոշմանը համապատասխան ու առողջապահության նյութատեխնիկական բազայի բարելավման նպատակով`
ա) սահմանել է` 1990 թ. հունվարի 1-ից իրագործել հետևյալ միջոցառումները.
ստացիոնարներում և մանկական սանատորիաներում հիվանդների սննդի ծախսերի հաշվարկային նորմաներ մտցնել համաձայն նշված որոշման թիվ 1 հավելվածի (կցվում է).
ծննդատներում (բաժանմունքներում) և նորածինների բաժանմունքներում պլանավորել հիվանդների սննդի, դեղորայքի ու փափուկ գույքի ձեռքբերման ծախսերը, ըստ ծննդամահճակալի ու նորածնի մահճակալի` առանձին-առանձին, նշված որոշման թիվ 2 հավելվածի համաձայն չափերով (կցվում է).
ամբուլատորային բուժման պայմաններում անվճար դեղորայք ստանալու իրավունք տվող հիվանդությունների ցանկի մեջ մտցնել այն հիվանդությունների տեսակներն ու բնակչության կատեգորիաները, որոնց վերապահվում է այդ արտոնությունը, համաձայն նշված որոշման թիվ 3 հավելվածի (կցվում է).
բ) սահմանել է, որ նշված որոշմանը համապատասխան մտցվող` սննդի ու դեղորայքի ձեռքբերման ծախսերի չափերը այսուհետև կիրառվում են մինչև ՍՄԿԿ Կենտկոմի և ՍՍՀՄ Մինիստրների խորհրդի 1988 թ. նոյեմբերի 2-ի թիվ 580 որոշում) նախատեսված ծախսերի առավել բարձր նորմաների անցնելը.
գ) ուժը կորցրած է ճանաչել ՍՍՀՄ Մինիստրների խորհրդի 1987 թ. օգոստոսի 6-ի թիվ 905 որոշման թիվ 3 հավելվածը (Հայկական ՍՍՀ Մինիստրների խորհրդի 1987 թ. սեպտեմբերի 12-ի թիվ 579 որոշում) բոլոր պրոֆիլների ծննդաբերական բաժանմունքների համար փափուկ գույքի ձեռքբերման համար ծախսերի հաշվարկային նորմաների մասում:
ՀԱՎԵԼՎԱԾ ԹԻՎ 3
ԽՍՀՄ Մինիստրների խորհրդի 1989 թ.
դեկտեմբերի 21-ի թիվ 1120 որոշման
ԱՄԲՈՒԼԱՏՈՐ ԲՈՒԺՄԱՆ ՊԱՅՄԱՆՆԵՐՈՒՄ ԴԵՂՈՐԱՅՔԻ ԱՆՎՃԱՐ ՍՏԱՑՄԱՆ ԻՐԱՎՈՒՆՔ ՏՎՈՂ ՀԻՎԱՆԴՈՒԹՅՈՒՆՆԵՐԻ ՏԵՍԱԿՆԵՐԻ ԵՎ ԲՆԱԿՉՈՒԹՅԱՆ ԱՅՆ ԿԱՏԵԳՈՐԻԱՆԵՐԻ ՑԱՆԿԸ, ՈՐՈՆՑ ՎԵՐԱՊԱՀՎՈՒՄ Է ԱՅԴ ԱՐՏՈՆՈՒԹՅՈՒՆԸ
Հիվանդությունների տեսակները`
բեխտերևի հիվանդություն
պարկինսոնի հիվանդություն
միաստենիա
միոպատիա
Մարիի մոզժեշկային ատակսիա
միոկարդի ինֆարկտ (առաջին վեց ամիսը)
սրտի, լյարդի փոխադրում
մանկական ուղեղի կաթվածահարումներ
վաղ սեռական զարգացում
Ս Պ Ի Դ
Բնակչության այն կատեգորիաները, որոնց ամբուլատորային բուժման
համար դեղորայքը տրվում է անվճար
Չեռնոբիլի ԱԷԿ-ի վթարի ժամանակ տուժած երեխաները
Չեռնոբիլի ԱԷԿ-ի վթարի ժամանակ տուժած շրջաններում ապրող հղի
կանայք: