040.0736.110602
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«11» հունիսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
11 մայիսի 2002 թվականի N 736-Ն
i
ՉԱՓՄԱՆ ՄԻՋՈՑՆԵՐԻ ԱՐՏԱԴՐՈՒԹՅԱՆ ԵՎ ՆՈՐՈԳՄԱՆ ԳՈՐԾՈՒՆԵՈՒԹՅԱՆ ԻՐԱԿԱՆԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Համաձայն Հայաստանի Հանրապետության կառավարության 2001 թվականի սեպտեմբերի 24-ի «Լիցենզավորման մասին» Հայաստանի Հանրապետության օրենքի կիրարկումն ապահովելու մասին» N 895 որոշման 6-րդ կետի «գ» ենթակետի` Հայաստանի Հանրապետության կառավարությունը որոշում է.
Հաստատել չափման միջոցների արտադրության և նորոգման գործունեության իրականացման կարգը` համաձայն հավելվածի:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՀՈՒՆԻՍԻ 7-ԻՆ
Հավելված
Հայաստանի Հանրապետության
կառավարության 2002 թվականի
մայիսի 11-ի N 736-Ն որոշման
ԿԱՐԳ
ՉԱՓՄԱՆ ՄԻՋՈՑՆԵՐԻ ԱՐՏԱԴՐՈՒԹՅԱՆ ԵՎ ՆՈՐՈԳՄԱՆ ԳՈՐԾՈՒՆԵՈՒԹՅԱՆ ԻՐԱԿԱՆԱՑՄԱՆ
1. Սույն կարգով սահմանվում է Հայաստանի Հանրապետության չափման միջոցների արտադրության և նորոգման գործունեության իրականացման կարգը:
2. Չափման միջոցների արտադրության և նորոգման գործունեության իրականացման համար հիմք են հանդիսանում չափման միջոցների տեսակի հաստատման սերտիֆիկատն ու չափման միջոցների արտադրության ու նորոգման գործունեություն իրականացնելու համար տրված լիցենզիան:
3. Չափման միջոցների արտադրության և նորոգման գործունեության իրականացման համար լիցենզավորված անձն արտադրության ենթակա չափման միջոցները Հայաստանի Հանրապետության օրենսդրությամբ սահմանված կարգով ներկայացնում է պետական փորձարկումների, տեսակի հաստատման և գրանցման` չափման միջոցների պետական գրանցումների մատյանում:
4. Լիցենզավորված անձինք չափման միջոցների արտադրության և նորոգման գործունեության իրականացման ժամանակ պարտավոր են պահպանել իրավական ակտերով, այդ թվում` նաև սույն կարգով սահմանված պարտադիր պահանջները կամ պայմանները:
5. Լիցենզավորված անձը չափման միջոցների արտադրության և նորոգման գործունեության իրականացման ժամանակ ղեկավարվում է տվյալ չափման միջոցի արտադրության ու նորոգման համար անհրաժեշտ կոնստրուկտորատեխնոլոգիական փաստաթղթերով, տեխնիկական պայմաններով և չափումների կատարման վկայագրված մեթոդիկաներով:
6. Չափման միջոցների արտադրության և նորոգման համար անհրաժեշտ կոնստրուկտորատեխնոլոգիական փաստաթղթերը չպետք է հակասեն ազգային ստանդարտների պահանջներին:
7. Չափման միջոցների արտադրությամբ և նորոգմամբ զբաղվող անձնակազմը պետք է ունենա մասնագիտական որակավորում:
8. Չափման միջոցների արտադրության և նորոգման գործունեության իրականացման համար արտադրամասերը, գործունեության ոլորտին համապատասխան, պետք է հագեցած լինեն անհրաժեշտ չափման միջոցներով ու փորձարկման սարքավորումներով:
Յուրաքանչյուր սարքավորում, չափման միջոց պետք է ունենա գրանցման քարտ, որը համաձայն ՀՍՏ ԳՕՍՏ 2.601-97 «Կոնստրուկտորական փաստաթղթերի միասնական համակարգ. Շահագործման փաստաթղթեր» ստանդարտի, ներառում է`
սարքավորման և չափման միջոցի անվանումները, գործարանային համարները, արտադրող իրավաբանական անձի անվանումը.
նորոգման և տեխնիկական սպասարկման մասին տվյալներ:
Չափման միջոցների արտադրության և նորոգման ընթացքում կիրառվող չափման միջոցներն ու փորձարկման սարքավորումները պետք է համապատասխանեն նորմատիվ և շահագործման փաստաթղթերով սահմանված պահանջներին ու ապահովեն չափումների կատարման անհրաժեշտ ճշգրտությունը:
Չափման միջոցների արտադրության և նորոգման գործընթացում օգտագործվող չափման միջոցները ենթակա են ստուգաչափման:
Արտադրությունից և նորոգումից հետո չափման միջոցները պետք է ենթարկվեն ստուգաչափման:
9. Արտադրական շինությունները (արտադրամասերը, տեղամասերը), որտեղ իրականացվում են չափման միջոցների արտադրություն և նորոգում, պետք է պաշտպանված լինեն այնպիսի գործոնների ազդեցությունից, ինչպիսիք են բարձր ջերմաստիճանը, խոնավությունը, գազերով աղտոտվածությունը, աղմուկը, ռադիացիան, ինչպես նաև` մագնիսական, էլեկտրական, այլ ֆիզիկական դաշտերից և պետք է համապատասխանեն CH-245 «Արդյունաբերական ձեռնարկությունների նախագծման սանիտարական նորմեր» նորմատիվ փաստաթղթի պահանջներին: