ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
1 դեկտեմբերի 2022 թվականի N 1824-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2017 ԹՎԱԿԱՆԻ ՀՈՒԼԻՍԻ 6-Ի N 817-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածը` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2017 թվականի հուլիսի 6-ի «Ծխախոտի արտադրանքի առավելագույն մանրածախ գինը մակնշելու կարգը սահմանելու մասին» N 817-Ն որոշման (այսուհետ` որոշում) մեջ կատարել հետևյալ փոփոխությունները և լրացումը.
i
1) որոշման նախաբանից հանել «և 85-րդ հոդվածի 1-ին, 2-րդ և 3-րդ մասերի 2-րդ կետերը» բառերը.
2) որոշման հավելվածում`
i
ա. 3-րդ կետի 2-րդ ենթակետում «և 19.1-ին կետերին» բառերը փոխարինել «, 19.1-ին և 20-րդ կետերին» բառերով,
i
բ. 4-րդ կետում «և 19.1-ին կետերով» բառերը փոխարինել «, 19.1-ին և 20-րդ կետերով» բառերով,
գ. լրացնել հետևյալ բովանդակությամբ 20-րդ կետով`
i
«20. Հայաստանի Հանրապետություն ծխախոտի արտադրանք ներմուծող կամ Հայաստանի Հանրապետությունում ծխախոտի արտադրանք արտադրող կազմակերպությունները և անհատ ձեռնարկատերերը հաշվետու ամսում ծխախոտի արտադրանքի վաճառքը նոր` ծխախոտի արտադրանքի տուփի վրա մակնշված առավելագույն մանրածախ գնից ավելի բարձր գնով կազմակերպելու դեպքում, բացառությամբ սույն կարգի 12-րդ և 19-րդ կետերով սահմանված դեպքերի, ծխախոտի վաճառքը նոր` բարձր գնով սկսելու օրվանից առնվազն երկու աշխատանքային օր առաջ ներկայացնում են սույն կարգի 11-րդ կետով սահմանված հայտարարությունը` դրանում որպես ծխախոտի արտադրանքի մակնշված առավելագույն մանրածախ գին նշելով նոր` ավելի բարձր մանրածախ գինը: Հայտարարությունը ներկայացվում է միայն փոփոխված առավելագույն մանրածախ գնով վաճառվող մակնիշի ծխախոտի արտադրանքի մասով և այդ մակնիշի ծխախոտի արտադրանքի համար առավելագույն մանրածախ գին է համարվում սույն կետին համապատասխան ներկայացված հայտարարության մեջ նշված գինը:»:
2. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրը:
Հայաստանի Հանրապետության
վարչապետ Ն. Փաշինյան
2022 թ. դեկտեմբերի 1
Երևան
Պաշտոնական հրապարակման օրը` 1 դեկտեմբերի 2022 թվական: