ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԱՆՎՏԱՆԳՈՒԹՅԱՆ ԾԱՌԱՅՈՒԹՅԱՆ ՏՆՕՐԵՆԻ
ՀՐԱՄԱՆ
15 մարտի 2022 թվականի N 1-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԱՆՎՏԱՆԳՈՒԹՅԱՆ ԾԱՌԱՅՈՒԹՅԱՆ ՏՆՕՐԵՆԻ 2015 ԹՎԱԿԱՆԻ ՄԱՐՏԻ 11-Ի N 2-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները և ղեկավարվելով Հայաստանի Հանրապետության վարչապետի 2018 թվականի հունիսի 28-ի N 860-Լ որոշմամբ հաստատված Հայաստանի Հանրապետության ազգային անվտանգության ծառայության կանոնադրության 21-րդ կետի 15-րդ ենթակետով`
ՀՐԱՄԱՅՈՒՄ ԵՄ
1. Հայաստանի Հանրապետության ազգային անվտանգության ծառայության տնօրենի 2015 թվականի մարտի 11-ի «Հայաստանի Հանրապետության կողմից երրորդ երկրների հետ առևտրի դեպքում տեղեկատվության գաղտնի ստացման համար նախատեսված հատուկ տեխնիկական միջոցների Հայաստանի Հանրապետության մաքսային տարածք ներմուծման և Հայաստանի Հանրապետության մաքսային տարածքից արտահանման և արգելված տպագիր, աուդիովիզուալ և այլ կրիչների վրա տեղեկատվության Հայաստանի Հանրապետության մաքսային տարածք ներմուծման, Հայաստանի Հանրապետության մաքսային տարածքից արտահանման, Հայաստանի Հանրապետության մաքսային տարածքով տարանցիկ փոխադրման կանոնակարգը, Հայաստանի Հանրապետության մաքսային տարածք ներմուծումը և Հայաստանի Հանրապետության մաքսային տարածքից արտահանումը սահմանափակված` տեղեկատվության գաղտնի ստացման համար նախատեսված հատուկ տեխնիկական միջոցների և Հայաստանի Հանրապետության մաքսային տարածք ներմուծման, Հայաստանի Հանրապետության մաքսային տարածքից արտահանման և Հայաստանի Հանրապետության մաքսային տարածքով տարանցիկ փոխադրման նպատակով արգելված տպագիր, աուդիովիզուալ և այլ կրիչների վրա տեղեկատվության ցանկերը սահմանելու մասին» N 2-Ն հրամանում կատարել հետևյալ փոփոխությունները և լրացումները.
1) հրամանի նախաբանը շարադրել հետևյալ խմբագրությամբ.
«Համաձայն «Առևտրի և ծառայությունների մասին» օրենքի 2.1 հոդվածի 4-րդ մասի և Հայաստանի Հանրապետության կառավարության 2014 թվականի դեկտեմբերի 25-ի N 1524-Ն որոշման 6-րդ կետի`»,
2) (2-րդ ենթակետն ուժը կորցրել է 23.12.2022 թիվ 5-Ն հրաման)
3) 2-րդ հավելվածում`
ա. 1-ին կետի 2-րդ ենթակետում «8517 70 900 1-ից» թվերը փոխարինել «8517 79 000 1-ից» թվերով,
բ. 2-րդ կետի 2-րդ ենթակետից «9006 51 000 0-ից» և «9006 52 000 9-ից» թվերը հանել, իսկ «9006 53 100 0-ից» թվերից հետո լրացնել «9006 53 800 9-ից» և «9006 59 000 9-ից» թվերով,
գ. 2-րդ կետի 3-րդ ենթակետում «8525 80-ից» թվերը փոխարինել «8525 81-ից», «8525 82-ից», «8525 83-ից» և «8525 89-ից» թվերով:
2. (2-րդ կետն ուժը կորցրել է 23.12.2022 թիվ 5-Ն հրաման)
3. Հայաստանի Հանրապետության ազգային անվտանգության ծառայության տեղեկատվական անվտանգության և կառավարական կապի գլխավոր վարչության պետին` ապահովել սույն հրամանի տեղադրումը Հայաստանի Հանրապետության ազգային անվտանգության ծառայության պաշտոնական կայքի համապատասխան բաժնում:
ԳԵՆԵՐԱԼ-ՄԱՅՈՐ Ա. ԱԲԱԶՅԱՆ
Պաշտոնական հրապարակման օրը` 21 մարտի 2022 թվական: