040.0145.210214
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
30 հունվարի 2014 թվականի N 145-Ն
«ՊԵՏԱԿԱՆ ՆՊԱՍՏՆԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ԿԻՐԱՐԿՈՒՄՆ ԱՊԱՀՈՎԵԼՈՒ ՄԱՍԻՆ
(4-րդ մաս)
II. ԳՆԱՀԱՏՄԱՆ ՀԱՄԱԿԱՐԳԻ ՏԵՂԵԿԱՏՎԱԿԱՆ ԲԱԶԱՅՈՒՄ ԱՄՐԱԳՐՎԱԾ ՏՎՅԱԼՆԵՐԻ ՓՈՓՈԽՈՒԹՅՈՒՆՆԵՐԻ ԿԱՏԱՐՈՒՄԸ ԵՎ ՍՈՑԻԱԼԱԿԱՆ ԱՋԱԿՑՈՒԹՅԱՆ ՏՐԱՄԱԴՐՄԱՆ ԻՐԱՎՈՒՆՔԻ ԴԻՏԱՐԿՈՒՄԸ
30. Տեղական տեղեկատվական բազայում ընտանիքի կազմում և պայմաններում տեղի ունեցած փոփոխություններն ամրագրվում են դրա մասին փաստաթղթերը ներկայացնելուց անմիջապես հետո` մեկօրյա ժամկետում:
31. Ընտանիքի որևէ անդամի սոցիալական խմբի ժամկետը լրանալու դեպքում տվյալ սոցիալական խմբի, դրանով պայմանավորված եկամտի չափի հանումը և սոցիալական խմբի փոփոխումը կատարվում են տվյալ ամսվա ընթացքում մաթեմատիկական ծրագրային եղանակով:
32. Հաշմանդամության ժամկետի երկարացման վերաբերյալ տվյալ փոփոխության ամրագրումը կատարվում է ընտանիքի չափահաս անդամներից մեկի կողմից փաստաթուղթ ներկայացվելու դեպքում: Եթե այն ներկայացվում է ժամկետի լրացման օրվանից 3 ամսվա ընթացքում, ապա, անկախ ֆունկցիոնալության սահմանափակման աստիճանից, ժամկետը վերականգնվում է նախորդ ժամկետի լրացման ամսաթվից սկսած, իսկ եկամուտը ներկայացված փաստաթղթում ամրագրված տվյալին համապատասխան:
(32-րդ կետը փոփ. 18.05.2023 թիվ 752-Ն / գործողությունը տարածվում է 2023 թվականի փետրվարի 1-ից ծագած հարաբերությունների վրա / որոշում)
33. Եթե ընտանիքի հղի անդամի հղիության ժամկետը լրանում է և 2 ամսվա ընթացքում ներկայացվում է երեխայի ծննդյան վկայականը, ապա դրա արդյունքում ձեռք բերված անապահովության միավորը վերականգնվում է ընտանիքի հղի անդամի հղիության ժամկետի լրացման ամսաթվից սկսած:
34. Կենտրոնական տեղեկատվական բազան թարմացվում է ոչ պակաս, քան ամիսը մեկ անգամ, տարածքային կենտրոնների տրամադրած արդիականացված տեղեկատվական բազաների միջոցով` մինչև տվյալ ամսվան հաջորդող ամսվա 8-ը ներառյալ:
(34-րդ կետը փոփ. 30.01.15 թիվ 70-Ն որոշում)
35. Կենտրոնական տեղեկատվական բազայում իրականացվում են`
1) համադրումներ ընտանիքների կամ նրանց անդամների կրկնակի հաշվառումները հայտնաբերելու նպատակով` ամբողջ կենտրոնական տեղեկատվական բազայում.
2) տարբեր նախարարություններից և պետական այլ մարմիններից, ինչպես նաև կազմակերպություններից, անկախ կազմակերպական-իրավական ձևից, ստացված տեղեկատվական հարակից բազաների մշակում և համադրում.
3) ուղղումներ (միայն չափահաս անձանց տվյալների) անձը հաստատող փաստաթղթի հիման վրա ամրագրված տվյալներում (ազգանունը, անունը, հայրանունը, ծննդյան օրը, ամիսը, տարեթիվը, անձը հաստատող փաստաթղթի սերիան և համարը)` բնակչության պետական ռեգիստրի տեղեկատվական բազայում առկա տվյալների հետ համադրման ժամանակ հայտնաբերված անհամապատասխանությունների դեպքում.
4) կենսաթոշակի, մինչև երկու տարեկան երեխայի խնամքի, ծերության, հաշմանդամության, կերակրողին կորցնելու դեպքում նպաստների, ընտանիքում 3-րդ և յուրաքանչյուր հաջորդ երեխայի ծննդյան կապակցությամբ վճարվող դրամական աջակցության, պարգևավճարների չափերի փոփոխությունները` Հայաստանի Հանրապետության կառավարության որոշմամբ դրանց չափի բարձրացման դեպքում` բարձրացման ամսվան հաջորդող ամսվա ընթացքում, բացառությամբ սույն որոշման 6.2-րդ կետով նախատեսված դեպքերի.
5) վճարման ռեեստրների մուտքագրումներ:
(35-րդ կետը փոփ. 31.03.2022 թիվ 415-Ն, 09.02.2023 թիվ 154-Ն /գործողությունը տարածվում է 2022 թվականի հոկտեմբերի 1-ից հետո ծագած
հարաբերությունների վրա / որոշումներ)
36. Գնահատման համակարգի միջոցով իրականացվող սոցիալական աջակցության ծրագրերում ընդգրկվում են տվյալ ծրագրի համար սահմանված սոցիալական տվյալներ ունեցող և անապահովության սահմանային միավորից բարձր անապահովության միավոր ունեցող ընտանիքները:
37. Գնահատման համակարգի տվյալների հիման վրա իրականացվող սոցիալական աջակցության բաշխման ծրագրերում չեն ընդգրկվում (անկախ սույն կարգի 36-րդ կետով նախատեսված պայմանների բավարարումից)`
1) կրկնակի հաշվառված կամ ընտանիքի կրկնակի հաշվառված անդամ ունեցող ընտանիքները` մինչև կրկնակի հաշվառումից դուրս գալը.
2) ծրագրի իրականացման պահին նախորդած 12 ամսվա ընթացքում չփաստագրված ընտանիքները:
III. ՏԵՂԵԿԱՏՎԱԿԱՆ ՀՈՍՔԵՐԻ ՓՈԽԱՆԱԿՈՒՄԸ
38. Տարածքային կենտրոնը տեղեկատվական բազայի փոփոխությունները` արդիականացված տվյալները, փոխանցում է կենտրոնական տեղեկատվական բազան շահագործող կազմակերպությանը` առցանց:
39. Տեղական տեղեկատվական բազայում տվյալ ամսվա ընթացքում կատարված փոփոխություններն արխիվացվում են տվյալ ամսվա վերջին օրացուցային օրվա դրությամբ:
40. Կենտրոնական տեղեկատվական բազան շահագործող կազմակերպությունից ամենամսյա արդիականացված տեղական տեղեկատվական բազաները 15-օրյա ժամկետում փոխանցվում են տարածքային կենտրոններին` առցանց:
41. Հարակից բազաներից ստացված տվյալների և գնահատման համակարգի տեղեկատվական բազայում առկա տվյալների հետ համադրման արդյունքները կենտրոնական տեղեկատվական բազան շահագործող կազմակերպությունը փոխանցում է տարածքային կենտրոններին` Ծառայության միջոցով` էլեկտրոնային ցուցակների ձևով:
(41-րդ կետը փոփ. 13.07.17 թիվ 841-Ն, 25.03.2021 թիվ 396-Ն որոշումներ)
Հավելված N 7
ՀՀ կառավարության
2014 թվականի հունվարի 30-ի
N 145-Ն որոշման
ՏԵՂԵԿԱՏՎՈՒԹՅՈՒՆ ՍՈՑԻԱԼԱԿԱՆ ԲԱՆԿԻ, ԸՆՏԱՆԻՔՆԵՐԻ ԱՆԱՊԱՀՈՎՈՒԹՅԱՆ ԳՆԱՀԱՏՄԱՆ ՀԱՄԱԿԱՐԳԻ ՏԵՂԵԿԱՏՎԱԿԱՆ ԲԱԶԱՅՈՒՄ ՀԱՇՎԱՌՎԱԾ ԱՆՁԱՆՑ ՄԱՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՈՒԹՅՈՒՆՆԵՐԻ ԵՎ ԱՅԼ ՊԵՏԱԿԱՆ ՄԱՐՄԻՆՆԵՐԻ, ԻՆՉՊԵՍ ՆԱԵՎ ԿԱԶՄԱԿԵՐՊՈՒԹՅՈՒՆՆԵՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ ՄԻՋԵՎ ՓՈԽԱՆԱԿՎՈՂ
._________________________________________________________________________.
|NN |Նախարարու- |Բովանդա- |Անհրաժեշտ|Պարբերակա-|Ժամկետը|Կրիչը |Հայաստանի|
|ը/կ|թյան, այլ |կությունը|տվյալները|նությունը | | |Հանրապե- |
| |պետական | | | | | |տության |
| |մարմնի, | | | | | |աշխատանքի|
| |կազմակեր- | | | | | |և սոցիա-|
| |պության | | | | | |լական |
| |անվանումը | | | | | |հացերի |
| | | | | | | |նախարա- |
| | | | | | | |րության |
| | | | | | | |կողմից |
| | | | | | | |տրամա- |
| | | | | | | |դրվող |
| | | | | | | |տվյալի |
| | | | | | | |բովանդա- |
| | | | | | | |կությունը|
|___|___________|_________|_________|__________|_______|________|_________|
| 1 | 2 | 3 | 4 | 5 | 6 | 7 | 8 |
|___|___________|_________|_________|__________|_______|________|_________|
|1. |Հայաստանի |անձնական |դիմելու |յուրաքանչ-|հաջորդ |էլեկտրոն|Սեփականա-|
| |Հանրապետու-|օգտագործ-|նախորդ |յուր ամիս |ամսվա |նային |տիրոջ |
| |թյան |ման |տարում | |10-ը |եղանակով|հանրային |
| |տարածքային |փոխադրա- |տեխնիկա- | | | |ծառայու- |
| |կառ. և ենթ|միջոցներ |կան | | | |թյունների|
| |նախարարու- | |զննում | | | |համարանիշ|
| |թյուն | |անցած | | | | |
| | | |փոխադրա- | | | | |
| | | |միջոցի | | | | |
| | | |սեփականա-| | | | |
| | | |տիրոջ | | | | |
| | | |ազգանունը| | | | |
| | | |անունը, | | | | |
| | | |փոխադրա- | | | | |
| | | |միջոցի | | | | |
| | | |մակնիշը, | | | | |
| | | |հաշվառման| | | | |
| | | |համարա- | | | | |
| | | |նիշը, | | | | |
| | | |նույնա- | | | | |
| | | |կանացման | | | | |
| | | |համարը | | | | |
|___|___________|_________|_________|__________|_______|________|_________|
|2. |Հայաստանի |1. |փոխադրա- |առցանց |առցանց |առցանց` |ընտանեկան|
| |Հանրապետու-|անձնական |միջոցի |հարցման |հարցման|վեբ |կամ սո- |
| |թյան |օգտագործ-|սեփականա-|համաձայն |օրը |ծառայու-|ցիալական |
| |ոստիկանու |ման |տիրոջ | | |թյան |նպաստի |
| |թյուն |փոխադրա- |անունը, | | |միջոցով |իրավունք |
| | |միջոցներ |հայրա- | | | |ունեցող |
| | |2. բնակ- |նունը, | | | |(կամ |
| | |չության |ազգանու- | | | |հավակնող)|
| | |պետական |նը, | | | |անձանց |
| | |ռեգիստ- |անձնագրի | | | |անունը, |
| | |րում |սերիան, | | | |ազգանու- |
| | |հաշվառված|համարը, | | | |նը, |
| | |անձանց |բնակու- | | | |հայրանու-|
| | |մասին |թյան | | | |նը, |
| | | |վայրը, | | | |ծննդյան |
| | | |տրանսպոր-| | | |ամսաթիվը,|
| | | |տային | | | |հանրային |
| | | |միջոցի | | | |ծառայու- |
| | | |հաշվառման| | | |թյունների|
| | | |համարա- | | | |համարա- |
| | | |նիշը և | | | |նիշը |
| | | |մակնիշը, | | | | |
| | | |նույնա- | | | | |
| | | |կանացման | | | | |
| | | |համարը | | | | |
| | | |Հայաստանի| | | | |
| | | |Հանրապե- | | | | |
| | | |տության | | | | |
| | | |կառավա- | | | | |
| | | |րության | | | | |
| | | |2011 | | | | |
| | | |թվականի | | | | |
| | | |մայիսի | | | | |
| | | |26-ի | | | | |
| | | |N 713-Ն | | | | |
| | | |որոշման | | | | |
| | | |համաձայն | | | | |
|___|___________|_________|_________|__________|_______|________|_________|
|3. |«Հայաստանի |էլեկտրա- |բաժանորդի|տարեկան |սեպտեմ-|մագնիսա-| |
| |էլեկտրական |էներգիայի|անունը, |մեկ անգամ,|բերի |կան | |
| |ցանցեր» ՓԲԸ|անհատ |հայրանու-|տվյալ |25-ը |կրիչով | |
| |(համաձայ- |բաժանորդ-|նը, ազգա-|տարվա | | | |
| |նությամբ) |ներ |նունը, |(6-րդ, | | | |
| | | |բնակու- |7-րդ և | | | |
| | | |թյան |8-րդ | | | |
| | | |վայրը, |ամիսների) | | | |
| | | |անձնագրի |ծախսը | | | |
| | | |սերիան, | | | | |
| | | |համարը, | | | | |
| | | |բաժանորդի| | | | |
| | | |քարտի | | | | |
| | | |համարը, | | | | |
| | | |էլեկտրա- | | | | |
| | | |էներգիայի| | | | |
| | | |սպառման | | | | |
| | | |ամսական | | | | |
| | | |չափը, | | | | |
| | | |սոցիալա- | | | | |
| | | |կան ապա- | | | | |
| | | |հովության| | | | |
| | | |քարտի | | | | |
| | | |համարը | | | | |
|___|___________|_________|_________|__________|_______|________|_________|
|4. |Հայաստանի |մաքսային |անունը, |յուրաքանչ-|հաջորդ |էլեկտրո-| |
| |Հանրապետու-|վճարներ |հայրանու-|յուր ամիս |ամսվա |նային | |
| |թյան | |նը, ազգա-| |25-ը |եղանակով| |
| |պետական | |նունը, | | | | |
| |եկամուտների| |բնակու- | | | | |
| |կոմիտե | |թյան | | | | |
| | | |վայրը, | | | | |
| | | |անձնագրի | | | | |
| | | |սերիան, | | | | |
| | | |համարը և | | | | |
| | | |մաքսային | | | | |
| | | |վճարների | | | | |
| | | |չափը, | | | | |
| | | |սոցիալա- | | | | |
| | | |կան ապա- | | | | |
| | | |հովության| | | | |
| | | |քարտի | | | | |
| | | |համարը | | | | |
|___|___________|_________|_________|__________|_______|________|_________|
|5. |Հայաստանի |մահացածի,|Հայաստանի|Հայաստանի |Հայաս- |առցանց` | |
| |Հանրապետու-|ծնվածի, |Հանրապե- |Հանրապե- |տանի |վեբ | |
| |թյան |նորածնի |տության |տության |Հանրա- |ծառայու-| |
| |արդարադա- |ծնողների |կառավա- |կառավա- |պետու- |թյան | |
| |տության |տվյալները|րության |րության |թյան |միջոցով | |
| |նախարարու- | |2011 |2011 |կառավա-| | |
| |թյան | |թվականի |թվականի |րության| | |
| | | |մայիսի |մայիսի |2011 | | |
| |քաղաքացիա- | |26-ի |26-ի |թվականի| | |
| |կան | |N 723-Ն |N 723-Ն |մայիսի | | |
| |կացության | |որոշման |որոշման |26-ի | | |
| |ակտերի | |համաձայն |համաձայն |N 723-Ն| | |
| |գրանցման | | | |որոշման| | |
| |գործակալու-| | | |համա- | | |
| |թյուն | | | |ձայն | | |
| | |_________|_________|__________|_______|________|_________|
| | |ամուսնա- |հայրու- |առցանց |առցանց |առցանց` | |
| | |լուծված- |թյան |հարցման |հարցման|վեբ | |
| | |ների |որոշման |համաձայն |օրը |ծառայու-| |
| | |տվյալները|վկայականի| | |թյան | |
| | | |համարը, | | |միջոցով | |
| | | |ամուսնա- | | | | |
| | | |լուծու- | | | | |
| | | |թյան վկա-| | | | |
| | | |յականի | | | | |
| | | |համարը, | | | | |
| | | |ամուսնա- | | | | |
| | | |լուծու- | | | | |
| | | |թյան օրը,| | | | |
| | | |ամիսը, | | | | |
| | | |տարեթիվը | | | | |
|___|___________|_________|_________|__________|_______|________|_________|
|6. |Հայաստանի |ՍՊԸ |կազմակեր-|յուրաքանչ-|հաջորդ |առցանց` | |
| |Հանրապետու-|_________|պության |յուր ամիս |ամսվա |վեբ | |
| |թյան |ՓԲԸ |անվանու- | |10-ը |ծառայու-| |
| |արդարա- |_________|մը, | | |թյան | |
| |դատության |ԲԲԸ |գտնվելու | | |միջոցով | |
| |նախարարու- |_________|վայրը, | | | | |
| |թյան |ԼՏՀ |գրանցված | | | | |
| |իրավաբանա- |_________|անդամների| | | | |
| |կան անձանց |ԼՊՀ |անուննե- | | | | |
| |պետական |_________|րը, | | | | |
| |ռեգիստրի |վստահու- |հայրա- | | | | |
| |գործակալու-|թյան վրա |նունները,| | | | |
| |թյուն |հիմնված |ազգանուն-| | | | |
| | |ընկերու- |ները, | | | | |
| | |թյուն |բնակու- | | | | |
| | | |թյան | | | | |
| | | |վայրերը, | | | | |
| | | |անձնագրե-| | | | |
| | | |րի և | | | | |
| | | |վկայական-| | | | |
| | | |ների | | | | |
| | | |համարներն| | | | |
| | | |ու | | | | |
| | | |գրանցման | | | | |
| | | |ամսաթվե- | | | | |
| | | |րը, | | | | |
| | | |ամիսները,| | | | |
| | | |տարեթվե- | | | | |
| | | |րը, | | | | |
| | | |հանրային | | | | |
| | | |ծառայու- | | | | |
| | | |թյունների| | | | |
| | | |համարա- | | | | |
| | | |նիշը | | | | |
|___|___________|_________|_________|__________|_______|________|_________|
|7. |Հայաստանի |1. սեփա- |1. ֆիզի- |առցանց |առցանց |առցանց` |անշարժ |
| |Հանրապետու-|կանատիրոջ|կական անձ|հարցման |հարցման|վեբ |գույքի |
| |թյան |(համա- |հանդիսա- |համաձայն |օրվան |ծառայու-|օտարման |
| |կադաստրի |սեփականա-|ցող սեփա-| |հաջոր- |թյան |գործարք- |
| |կոմիտե |տերերի) |կանատիրոջ| |դող |միջոցով |ներով |
| | |մասին |(համա- | |10-րդ | |սեփակա- |
| | |տվյալներ |սեփականա-| |օրը | |նության |
| | | |տերերի) | | | |իրավունք |
| | | |անձը | | | |ձեռք բե- |
| | | |հաստատող | | | |րողների, |
| | | |փաստաթղթի| | | |հողի |
| | | |տվյալները| | | |սեփականա-|
| | | |(սերիան | | | |տերերի, |
| | | |և | | | |հողը |
| | | |համարը), | | | |վարձակա- |
| | | |հանրային | | | |լողների |
| | | |ծառայու- | | | |հանրային |
| | | |թյունների| | | |ծառայու- |
| | | |համարա- | | | |թյունների|
| | | |նիշը | | | |համարա- |
| | |2. գյուղա|2. անշարժ| | | |նիշը |
| | |տնտեսական|գույքի | | | | |
| | |նշանակու-|գտնվելու | | | | |
| | |թյան |վայրը, | | | | |
| | |հողամա- |հողամասի | | | | |
| | |սերի |և շինու-| | | | |
| | |տվյալներ |թյունների| | | | |
| | | |կադաստ- | | | | |
| | | |րային | | | | |
| | | |ծածկա- | | | | |
| | | |գրերը, | | | | |
| | | |կադաստրա-| | | | |
| | | |յին ար- | | | | |
| | | |ժեքները, | | | | |
| | | |գյուղա- | | | | |
| | | |տնտեսական| | | | |
| | | |հողամա- | | | | |
| | | |սերի | | | | |
| | | |կադաստրա-| | | | |
| | | |յին զուտ | | | | |
| | | |եկամուտի | | | | |
| | | |չափը | | | | |
| | |3. |3. | | | | |
| | |գործարքի |գործարքի | | | | |
| | |մասին |տեսակը, | | | | |
| | | |պայմանա- | | | | |
| | | |գրի գինը,| | | | |
| | | |գործարքից| | | | |
| | | |ծագող | | | | |
| | | |իրավունք-| | | | |
| | | |ների | | | | |
| | | |պետական | | | | |
| | | |գրանցման | | | | |
| | | |ամսաթիվը | | | | |
|___|___________|_________|_________|__________|_______|________|_________|
|8. |«Գազպրոմ |բնական |բաժանորդի|նախորդ 12 |յուրա- |էլեկտրո-| |
| |Արմենիա» |գազի |անունը, |ամիսների |քանչ- |նային | |
| |ՓԲԸ |բնակիչ |հայրանու-|ծախսը |յուր |եղանակով| |
| |(համաձայ- |բաժանորդ-|նը, | |ամսվա | | |
| |նությամբ) |ներ |ազգանու- | |25-ը | | |
| | | |նը, | | | | |
| | | |բնակու- | | | | |
| | | |թյան | | | | |
| | | |վայրը, | | | | |
| | | |անձնագրի | | | | |
| | | |սերիան, | | | | |
| | | |համարը, | | | | |
| | | |բաժանորդի| | | | |
| | | |քարտի | | | | |
| | | |համարը, | | | | |
| | | |բնական | | | | |
| | | |գազի | | | | |
| | | |սպառման | | | | |
| | | |ամսական | | | | |
| | | |չափը, | | | | |
| | | |հանրային | | | | |
| | | |ծառայու- | | | | |
| | | |թյունների| | | | |
| | | |համարանի-| | | | |
| | | |շի համարը| | | | |
|___|___________|_________|_________|__________|_______|________|_________|
|9. |Հայաստանի |ՀՀ-ից ելք|ՀՀ-ից |յուրա- |հաջորդ |էլեկտրո-|Տեղեկատ- |
| |Հանրապետու-|ու մուտքի|դուրս |քանչյուր |ամսվա |նային |վություն |
| |թյան |վերա- |եկող կամ |ամիս |10-ը |եղանակով|ընտանիք- |
| |ազգային |բերյալ |մուտք | | | |ների |
| |անվտան- | |գործող | | | |անապահո- |
| |գության | |անձի | | | |վության |
| |ծառայու- | |ազգա- | | | |գնահատման|
| |թյուն | |նունը, | | | |համակար- |
| | | |անունը, | | | |գում |
| | | |անձնագրի | | | |հաշվառված|
| | | |համարը, | | | |ընտանիք- |
| | | |ՀՀ-ից | | | |ների |
| | | |ելքի կամ | | | |անդամների|
| | | |մուտքի | | | |կողմից |
| | | |օրը, | | | |ՀՀ-ից |
| | | |ամիսը, | | | |ելքի կամ |
| | | |տարեթիվը | | | |մուտք |
| | | | | | | |գործելու |
| | | | | | | |վերաբեր- |
| | | | | | | |յալ, |
| | | | | | | |նշելով |
| | | | | | | |տվյալ |
| | | | | | | |անձի |
| | | | | | | |(անձանց) |
| | | | | | | |ազգա- |
| | | | | | | |նունը, |
| | | | | | | |անունը, |
| | | | | | | |անձնագրի |
| | | | | | | |համարը, |
| | | | | | | |ՀՀ-ից |
| | | | | | | |ելքի կամ |
| | | | | | | |մուտքի |
| | | | | | | |օրը, |
| | | | | | | |ամիսը, |
| | | | | | | |տարեթիվը |
|___|___________|_________|_________|__________|_______|________|_________|
|10.|«Վեոլիա |խմելու |բաժանորդի|նախորդ 12 |յուրա- |էլեկտրո-| |
| |Ջուր» ՓԲԸ |ջրի մատա-|անունը, |ամիսների |քանչ- |նային | |
| |(համաձայ- |կարարման |հայրանու-|ծախսը |յուր |եղանակով| |
| |նությամբ) |և ջրահե-|նը, ազգա-| |ամսվա | | |
| | |ռացման |նունը, | |25-ը | | |
| | |(կեղտա- |բնակու- | | | | |
| | |ջրերի |թյան | | | | |
| | |մաքրման) |վայրը, | | | | |
| | |ծառայու- |անձնագրի | | | | |
| | |թյունների|սերիան, | | | | |
| | |բնակիչ |համարը, | | | | |
| | |բաժանորդ-|բաժանորդի| | | | |
| | |ներ |քարտի | | | | |
| | | |համարը, | | | | |
| | | |խմելու | | | | |
| | | |ջրի | | | | |
| | | |սպառման | | | | |
| | | |ամսական | | | | |
| | | |չափը, | | | | |
| | | |հանրային | | | | |
| | | |ծառայու- | | | | |
| | | |թյունների| | | | |
| | | |համարա- | | | | |
| | | |նիշը | | | | |
._________________________________________________________________________.
Ըստ անհրաժեշտության` Հայաստանի Հանրապետության նախարարությունների, այլ պետական մարմինների և Հայաստանի Հանրապետության աշխատանքի և սոցիալական հարցերի նախարարության միջև տվյալները փոխանակվում են համատեղ համաձայնեցված ձևաչափերով:
(7-րդ հավելվածը փոփ. 12.01.17 թիվ 3-Ն, 13.07.17 թիվ 841-Ն, 31.03.2022 թիվ 415-Ն որոշումներ)
Հավելված N 8
ՀՀ կառավարության
2014 թվականի հունվարի 30-ի
N 145-Ն որոշման
ԿԱՐԳ
ԸՆՏԱՆԵԿԱՆ ԿԱՄ ՍՈՑԻԱԼԱԿԱՆ ՆՊԱՍՏԻ ԿԱՄ ՀՐԱՏԱՊ ՕԳՆՈՒԹՅԱՆ ՆՇԱՆԱԿՄԱՆ ԵՎ ՎՃԱՐՄԱՆ
1. Սույն ակտով կարգավորվում են ընտանեկան կամ սոցիալական նպաստի (այսուհետ` երկուսը միասին` նպաստ) կամ հրատապ օգնության նշանակման և վճարման հետ կապված հարաբերությունները:
(1-ին կետը փոփ. 31.03.2022 թիվ 415-Ն որոշում)
2. Նպաստի և հրատապ օգնության վճարումը կատարվում է Հայաստանի Հանրապետության պետական բյուջեից` համապատասխան Ծառայության տարածքային կենտրոնին (այսուհետ` տարածքային կենտրոն) այդ նպատակով հատկացված ֆինանսական միջոցների սահմանում:
(2-րդ կետը փոփ. 04.06.15 թիվ 582-Ն որոշում)
3. Նպաստի և հրատապ օգնության համար ֆինանսական միջոցների չափերն ըստ տարածքային կենտրոնների, հաշվի առած ընտանիքների անապահովության գնահատման կարգով որոշված աղքատ ընտանիքների թիվը, ընտանիքի անապահովության սահմանային մեծության միավորը, ընտանեկան նպաստի բազային մասը և ընտանիքի յուրաքանչյուր անչափահաս (մինչև 18 տարեկան) անդամին տրվող հավելման չափերը, սահմանում է Հայաստանի Հանրապետության կառավարությունը:
4. Նպաստը նշանակվում է ընտանիքների անապահովության գնահատման համակարգում (այսուհետ` գնահատման համակարգ) հաշվառված` (փաստագրված) ընտանիքի անապահովության սահմանային մեծության միավորից բարձր միավոր ունեցող ընտանիքին` «Սոցիալական աջակցության մասին» Հայաստանի Հանրապետության օրենքի 36.2-րդ հոդվածով սահմանված կարգով դիմելու ամսվան հաջորդող ամսվանից` մինչև նպաստի վճարման դադարեցման հիմքերի առաջացումը:
(4-րդ կետը փոփ. 31.03.2022 թիվ 415-Ն որոշում)
5. Գնահատման համակարգում հաշվառվելու համար տարածքային կենտրոն ներկայացված դիմում-հայտարարագիրը համարվում է նպաստ նշանակելու համար տրված դիմում, իսկ այն ներկայացնող անձը` դիմող:
(5-րդ կետը փոփ. 30.01.15 թիվ 70-Ն, 21.04.2023 թիվ 548-Ն որոշումներ)
6. Տարածքային կենտրոնի աշխատողի կողմից տվյալ ընտանիքի համար կազմված Հայաստանի Հանրապետության կառավարության 2014 թվականի հունվարի 30-ի N 145-Ն որոշման N 3 հավելվածի 42-րդ կետով սահմանված սոցիալական գործը համարվում է նպաստի գործ, որը պահպանում է տարածքային կենտրոնը` Հայաստանի Հանրապետության օրենսդրությամբ սահմանված կարգով:
7. Ընտանիքը գնահատման համակարգում հաշվառելու (փաստագրելու), ինչպես նաև դրանից հետո ընտանիքի անապահովության միավորի փոփոխության դեպքերում, որը հանգեցնում է տվյալ ընտանիքի ընտանեկան կամ սոցիալական նպաստի իրավունք ձեռք բերելուն կամ իրավունքը կորցնելուն կամ ընտանեկան նպաստի չափի կամ նպաստի տեսակի փոփոխության, տարածքային կենտրոնի տվյալ տարածքն սպասարկող աշխատողը տպում է տեղեկատվական բազայում ձևավորված` տվյալ ընտանիքի սոցիալական անձնագրի առաջին էջը, որը պահպանվում է սոցիալական գործում:
8. Տարածքային կենտրոնի տվյալ տարածքն սպասարկող աշխատողը Հայաստանի Հանրապետության կառավարության 2014 թվականի հունվարի 30-ի N 145-Ն որոշման N 3 հավելվածի 47-րդ կետով սահմանված տնային այցելության արձանագրությունը` եզրակացության ու նպաստ նշանակելու կամ մերժելու առաջարկության հետ միասին, ներկայացնում է տարածքային կենտրոնի ղեկավարին, որը բաժնի պետի կամ գլխավոր մասնագետի առաջարկության հիման վրա ընդունում է որոշում տվյալ ընտանիքին նպաստ նշանակելու մասին:
9. Նպաստ նշանակելու կամ մերժելու որոշման մասին դիմողն իրազեկվում է Հայաստանի Հանրապետության աշխատանքի և սոցիալական հարցերի նախարարության (այսուհետ` նախարարություն) և Ծառայության պաշտոնական կայքէջերում տեղակայված տեղեկատվությունից:
(9-րդ կետը փոփ. 31.03.2022 թիվ 415-Ն որոշում)
10. Ընտանիքի` նպաստի իրավունքի ձեռքբերման դեպքում տարածքային կենտրոնի տվյալ տարածքն սպասարկող աշխատողը տեղեկատվական բազայում դիմումների էլեկտրոնային մատյանում մուտքագրում է դիմումը, ստանում և տպում է նպաստի նշանակման մասին կարգադրությունը` համաձայն N 1 ձևի:
11. Եթե ընտանիքի կազմում կա որոշակի ժամկետով սոցիալական խումբ ունեցող մի քանի անդամ, ապա նպաստը վճարվում է մինչև սոցիալական խմբերի ամենավաղ ժամկետը լրանալու ամիսը ներառյալ: Տվյալ ընտանիքի նպաստի իրավունքը տվյալ սոցիալական խմբի ժամկետը լրանալու ամսվա վերջին օրվա դրությամբ վերանայվում է գնահատման համակարգի տեղեկատվական բազայում` ծրագրային եղանակով, և նպաստի իրավունքի պահպանման դեպքում` անկախ նպաստի տեսակի փոփոխությունից, նպաստի վճարումը շարունակվում է մինչև հաջորդ ժամկետը լրանալը` ընտանիքի անապահովության միավորի տվյալ տիրույթի համար սահմանված չափով:
12. Եթե լրանում է ընտանիքի հաշմանդամություն ունեցող անդամի հաշմանդամության ժամկետը, և այդ պահին չի ներկայացվում համապատասխան փաստաթուղթ, ու չի պահպանվում նպաստի իրավունքը, ապա այդ ընտանիքին նպաստի վճարումը կասեցվում է 3 ամսով:
13. Եթե լրանում է ընտանիքի հղի անդամի հղիության ժամկետը, և այդ պահին չի ներկայացվում երեխայի ծննդյան վկայականը, և չի պահպանվում նպաստի իրավունքը, ապա նպաստի վճարումը կասեցվում է 2 ամսով:
14. Եթե լրանում է ընտանիքի հաշմանդամություն ունեցող անդամի հաշմանդամության ժամկետը, և այդ ընտանիքը 3 ամսվա ընթացքում ներկայացնում է համապատասխան փաստաթուղթ հաշմանդամություն ունեցող անձ ճանաչվելու մասին, անկախ ֆունկցիոնալության սահմանափակման աստիճանի փոփոխությունից, և դրա արդյունքում ձեռք է բերում անապահովության սահմանային մեծության միավորից բարձր միավոր, ապա նպաստի վճարումը շարունակվում է կասեցված ամսվանից` ընտանիքի անապահովության միավորի տվյալ տիրույթի համար սահմանված չափով:
(14-րդ կետը փոփ. 18.05.2023 թիվ 752-Ն / գործողությունը տարածվում է 2023 թվականի փետրվարի 1-ից ծագած հարաբերությունների վրա / որոշում)
15. Եթե լրանում է ընտանիքի հղի անդամի հղիության ժամկետը, և 2 ամսվա ընթացքում ներկայացվում է երեխայի ծննդյան վկայականը, և ընտանիքն արդյունքում ձեռք է բերում ընտանիքի անապահովության սահմանային մեծության միավորից բարձր միավոր, ապա նպաստի վճարումը շարունակվում է կասեցված ամսվանից` ընտանիքի անապահովության միավորի տվյալ տիրույթի համար սահմանված չափով` անկախ նպաստի տեսակի փոփոխությունից:
16. Ընտանիքի անապահովության միավորի փոփոխության դեպքում, որը հանգեցնում է նպաստի չափի կամ տեսակի փոփոխության, տարածքային կենտրոնի տվյալ տարածքն սպասարկող աշխատողը տեղեկատվական բազայում ստանում և տպում է նպաստի նշանակման մասին կարգադրությունը (N 1 ձև):
17. Ընտանիքի կազմի փոփոխությամբ կամ ընտանիքի անչափահաս անդամի 18 տարեկանը լրանալու պատճառով նպաստի տեսակի փոփոխության դեպքում` տարածքային կենտրոնի տվյալ տարածքն սպասարկող աշխատողը տեղեկատվական բազայում ստանում և տպում է նպաստի նշանակման մասին կարգադրությունը (N 1 ձև):
18. Սույն կարգի 10-րդ, 16-րդ և 17-րդ կետերով սահմանված կարգադրությունները տեղադրվում են սոցիալական գործում:
19. Նպաստը կամ հրատապ օգնությունը նշանակվում և վճարվում է դիմողին` անկանխիկ կամ կանխիկ եղանակով` հաշվի առնելով «Պետական նպաստների մասին» օրենքի 8-րդ հոդվածի 5-10-րդ մասերը:
(19-րդ կետը փոփ. 30.01.15 թիվ 70-Ն, 21.04.2023 թիվ 548-Ն որոշումներ)
19.1. Կանխիկ եղանակով վճարելիս վճարման պահին դիմողի բացակայության դեպքում նպաստը կամ հրատապ օգնությունը վճարվում է դիմողի ընտանիքի սոցիալական անձնագրում նշված այլ չափահաս անդամին:
(19.1-ին կետը լրաց. 21.04.2023 թիվ 548-Ն որոշում)
19.2. Դիմողի փոփոխության դեպքում, սույն կարգի 19-րդ կետի պահանջների հաշվառմամբ, նպաստը նշանակվում և վճարվում է ընտանիքի այլ չափահաս անդամին` ներկայացված դիմումի հիման վրա, որը ստորագրում են ընտանիքի բոլոր չափահաս անդամները:
(19.2-րդ կետը լրաց. 21.04.2023 թիվ 548-Ն որոշում)
19.3. Դիմողը կարող է ցանկացած ժամանակ դիմել տարածքային կենտրոն` նպաստ ստանալու եղանակը փոխելու համար, եթե «Պետական նպաստների մասին» օրենքի 8-րդ հոդվածի 7-րդ մասի համաձայն` նպաստը կարող է վճարվել անկանխիկ կամ կանխիկ եղանակով:
(19.3-րդ կետը լրաց. 21.04.2023 թիվ 548-Ն որոշում)
19.4 Նպաստի կամ հրատապ օգնության գումարը վճարման ցուցակում ընդգրկված լինելու և դիմողի կամ ընտանիքի որևէ չափահաս անդամի կողմից չստանալու դեպքում, այն ներառվում է հաջորդ ամսվա վճարման ցուցակ, բայց ոչ ավելի, քան մինչև նպաստ ստանալու իրավունքը դադարեցնելու ամիսը կամ հաջորդ հաշվառման (փաստագրման) ամիսը ներառյալ:
(19.4-րդ կետը լրաց. 21.04.2023 թիվ 548-Ն որոշում)
20. Նպաստը կամ հրատապ օգնությունը Հայաստանի Հանրապետության օրենսդրությամբ սահմանված կարգով կարող է վճարվել նաև քաղաքացու օրինական ներկայացուցչին (խնամակալ, հոգաբարձու):
21. Միայնակ բնակվող կենսաթոշակառուին նշանակված, բայց նրա մահվան պատճառով չվճարված նպաստը կամ հրատապ օգնությունը` ներառյալ մահվան ամիսը, վճարվում է հուղարկավորությունը կազմակերպած անձին` համայնքի ղեկավարի տված տեղեկանքի հիման վրա, եթե նա դիմել է միայնակ բնակվող կենսաթոշակառուի մահվան ամսվան հաջորդող երկու ամիսների ընթացքում:
(21-րդ կետը փոփ. 31.03.2022 թիվ 415-Ն որոշում)
22. Նպաստի վճարումը դադարեցվում է նպաստ ստանալու իրավունքը դադարեցնելու օրվանից, բացառությամբ սույն կարգի 23-րդ կետում նշված դեպքի:
(22-րդ կետը փոփ. 21.04.2023 թիվ 548-Ն որոշում)
23. Նպաստը տրամադրելու որոշման համար հիմք հանդիսացած տվյալների (փաստաթղթերի) ոչ հավաստի լինելը պարզվելու կամ նպաստի իրավունք տվող` ընտանիքի եկամուտներում կամ ընտանիքի կազմում ու պայմաններում տեղի ունեցած փոփոխությունների վերաբերյալ հավաստի տեղեկություններով փաստաթղթեր չներկայացվելու հիմքով նպաստ ստանալու իրավունքը դադարեցնելու դեպքում նպաստի վճարումը դադարեցվում է դրանց հայտնաբերման ամսվանից:
(23-րդ կետը փոփ. 21.04.2023 թիվ 548-Ն որոշում)
24. Ընտանիքի` նպաստ ստանալու իրավունքը դադարեցնելու դեպքում տարածքային կենտրոնի տվյալ տարածքն սպասարկող աշխատողը տեղեկատվական բազայում ստանում և տպում է նպաստի վճարման դադարեցման մասին կարգադրությունը` համաձայն N 2 ձևի, որը հաշվառվում է դիմում-հայտարարագրերի հաշվառման մատյանում` համաձայն Հայաստանի Հանրապետության կառավարության 2014 թվականի հունվարի 30-ի N 145-Ն որոշման N 3 հավելվածի N 2 ձևի:
(24-րդ կետը փոփ. 21.04.2023 թիվ 548-Ն որոշում)
25. Նպաստի վճարման դադարեցման որոշման մասին դիմողն իրազեկվում է սույն կարգի 9-րդ կետով սահմանված կարգով:
26. Նպաստի վճարման դադարեցման դեպքում սոցիալական գործերի հաշվառման էլեկտրոնային մատյանի «Ծանոթագրություն» սյունակում նշվում են նպաստի վճարման դադարեցման մասին որոշումը և ամսաթիվը:
27-32. (27-32-րդ կետերն ուժը կորցրել են 31.03.2022 թիվ 415-Ն որոշում)
33. Տարածքային կենտրոնը մինչև յուրաքանչյուր ամսվա 8-ը ներառյալ Ծառայություն է ներկայացնում տեղեկատվություն` համաձայն N 4 ձևի, այն ընտանիքների մասին, որոնց`
1) ընտանիքի անապահովության գնահատման միավորը վերականգնվել է.
2) ոչ նպաստառուի մեղքով չստացած նպաստի գումարները վերականգնվել են.
3) նշանակվել են ընտանիքում երեխայի ծննդյան կամ երեխայի առաջին դասարան ընդունվելու կամ ընտանիքի անդամի մահվան դեպքում միանվագ հրատապ օգնություններ:
(33-րդ կետը փոփ. 30.01.15 թիվ 70-Ն, 25.03.2021 թիվ 396-Ն որոշումներ)
34. Ծառայության պատասխանատու վարչությունում տեղեկատվության ուսումնասիրությունից հետո համապատասխան փոփոխություններ են կատարվում գնահատման համակարգի տեղեկատվական բազայում:
(34-րդ կետը փոփ. 25.03.2021 թիվ 396-Ն որոշում)
35. (35-րդ կետն ուժը կորցրել է 19.09.2019 թիվ 1249-Ն որոշում)
(35-րդ կետը փոփ. 12.01.17 թիվ 3-Ն որոշում)
36. Հրատապ օգնության համար դիմողը «Պետական նպաստների մասին» Հայաստանի Հանրապետության օրենքի 19-րդ, 20-րդ և 21-րդ հոդվածներով սահմանված ժամկետում տարածքային կենտրոն է ներկայացնում դիմում` համաձայն N 5 ձևի, և`
1) ընտանիքում երեխայի (երեխաների) ծննդյան դեպքում տվյալ երեխայի (երեխաների) ծննդյան վկայականը (վկայականները), իսկ կյանքի 4 շաբաթվա ընթացքում մահացած երեխայի (երեխաների) համար` երեխայի ծննդի պետական գրանցման փաստը հաստատելու մասին փաստաթուղթ` տրված քաղաքացիական կացության ակտերի գրանցման մարմնի կողմից.
2) երեխայի առաջին դասարան ընդունվելու դեպքում` տվյալ երեխայի հանրակրթական ուսումնական հաստատության առաջին դասարան ընդունվելու մասին տեղեկանք.
3) ընտանիքի անդամի մահվան դեպքում` մահվան վկայականը:
(36-րդ կետը փոփ. 05.11.15 թիվ 1289-Ն որոշում)
37. Միանվագ հրատապ օգնության նշանակման մասին կարգադրությունը` համաձայն N 6 ձևի, լրացվում և կարվում է սոցիալական գործում:
38. Եռամսյակային հրատապ օգնությունը նշանակվում է նպաստի իրավունք չունեցող և «0» միավորից բարձր անապահովության միավոր ունեցող ընտանիքին` անհետաձգելի լուծում պահանջող` կյանքի դժվարին իրավիճակում հայտնվելու դեպքում` «Սոցիալական աջակցության մասին» Հայաստանի Հանրապետության օրենքով սահմանված խորհրդի (այսուհետ` խորհուրդ) առաջարկությամբ` հաշվի առնելով «Պետական նպաստների մասին» Հայաստանի Հանրապետության օրենքի 22-րդ հոդվածի 4-րդ մասով սահմանված հանգամանքները:
39. Ընտանիքին եռամսյակային հրատապ օգնություն նշանակելու համար տարածքային կենտրոնի տվյալ տարածքն սպասարկող աշխատողը Հայաստանի Հանրապետության կառավարության 2014 թվականի հունվարի 30-ի N 145-Ն որոշման N 3 հավելվածի 47-րդ կետով սահմանված կարգով կատարում է տնային այցելություն և ներկայացնում առաջարկություն եռամսյակային հրատապ օգնության նշանակելու հարցը խորհրդի քննարկմանը ներկայացնելու վերաբերյալ:
40. Տարածքային կենտրոնն ընթացիկ եռամսյակի վերջին ամսվա վերջին 10 աշխատանքային օրվա ընթացքում խորհուրդ է ներկայացնում այն ընտանիքների ցուցակը` համաձայն N 7 ձևի, որոնց եռամսյակային հրատապ օգնություն նշանակելու մասին դիմումներն ուսումնասիրվել են սույն կարգի 39-րդ կետով սահմանված կարգով:
41. Տարածքային կենտրոնի ղեկավարը խորհուրդ է ներկայացնում տեղեկատվություն հաջորդ եռամսյակում հրատապ օգնության նշանակման համար ունեցած ֆինանսական միջոցների չափի մասին:
42. Խորհուրդը քննարկում է եռամսյակային հրատապ օգնություն նշանակելու համար ներկայացված դիմումները և 5 աշխատանքային օրվա ընթացքում նախապատրաստում հիմնավորված առաջարկություն այն ընտանիքների վերաբերյալ, որոնց նախատեսվում է հաջորդ եռամսյակում նշանակել հրատապ օգնություն: Տարածքային կենտրոնը խորհրդից ստացված ցուցակները կարում է առանձին թղթապանակում և պահում ֆինանսական փաստաթղթերին համահավասար:
(42-րդ կետը փոփ. 12.01.17 թիվ 3-Ն որոշում)
43. Եռամսյակային հրատապ օգնությունը նշանակում է տարածքային կենտրոնը` Հայաստանի Հանրապետության տվյալ տարվա պետական բյուջեով կենսամակարդակի բարձրացմանն ուղղված նպաստների համար հատկացված միջոցների շրջանակներում, որը մշտադիտարկվում է Ծառայության պատասխանատու վարչության կողմից:
(43-րդ կետը փոփ. 25.03.2021 թիվ 396-Ն որոշում)
44. Եռամսյակային հրատապ օգնությունը նշանակվում է 3 ամիս ժամկետով:
45. Եռամսյակային հրատապ օգնության նշանակման մասին կարգադրությունը` համաձայն N 8 ձևի, լրացվում և կարվում է սոցիալական գործում:
46. Եռամսյակային հրատապ օգնության վճարումը դադարեցվում է տվյալ եռամսյակի ընթացքում, եթե`
1) տվյալ ընտանիքի փաստագրման ժամկետը լրացել է այդ եռամսյակի ընթացքում, և չեն ներկայացվել անհրաժեշտ փաստաթղթերը.
2) տվյալ ընտանիքը կամ ընտանիքի անդամներից մեկը կրկնակի է հաշվառված.
3) ընտանիքի անապահովության միավորն այդ եռամսյակի ընթացքում դարձել է «0» կամ ընտանիքը ձեռք է բերել նպաստի իրավունք.
4) պարզվում է, որ ընտանիքի որևէ անդամի ներկայացրած` հրատապ օգնությունը տրամադրելու որոշման համար հիմք հանդիսացած տվյալները (փաստաթղթերը) հավաստի չեն:
(46-րդ կետը փոփ. 21.04.2023 թիվ 548-Ն որոշում)
46.1. Սույն կարգի 46-րդ կետի 1-3-րդ ենթակետերում նշված դեպքերում եռամսյակային հրատապ օգնության վճարումը դադարեցվում է եռամսյակային հրատապ օգնություն ստանալու իրավունքը դադարեցնելու օրվանից, իսկ 4-րդ ենթակետում նշված դեպքում` հրատապ օգնությունը տրամադրելու որոշման համար հիմք հանդիսացած տվյալների (փաստաթղթերի) ոչ հավաստի լինելը պարզվելու ամսվանից:
(46.1-ին կետը լրաց. 21.04.2023 թիվ 548-Ն որոշում)
47. Նպաստի և հրատապ օգնության կանխիկ վճարման ցուցակները (այսուհետ` վճարման ցուցակ) կազմվում են էլեկտրոնային տարբերակով` գնահատման համակարգի կենտրոնական տեղեկատվական բազան շահագործող կազմակերպության կողմից (այսուհետ` կազմակերպություն)` տարածքային կենտրոնների տրամադրած ամենամսյա տեղեկատվության հիման վրա:
(47-րդ կետը փոփ. 24.06.2021 թիվ 1053-Ն, 31.03.2022 թիվ 415-Ն որոշումներ)
48. Նպաստը և հրատապ օգնությունը վճարվում են յուրաքանչյուր ամիս (անհրաժեշտության դեպքում` 2 ամսվանը միասին) վճարման ցուցակներով` համաձայն NN 9 և 10 ձևերի:
49. Բնակչությանը` ընտանեկան կամ սոցիալական նպաստ կամ հրատապ օգնություն ստացող ընտանիքների մասին իրազեկվում է սույն կարգի 9-րդ կետով սահմանված ձևով:
(49-րդ կետը փոփ. 31.03.2022 թիվ 415-Ն որոշում)
50. Կազմակերպությունը վճարման ցուցակները (կանխիկ և անկանխիկ) կազմելուց հետո`
1) նույն աշխատանքային օրվա ընթացքում դրա մասին տեղեկացնում է տարածքային կենտրոնների ղեկավարներին` նրանց պաշտոնական էլեկտրոնային փոստին հաղորդագրություն ուղարկելու միջոցով.
2) տարածքային կենտրոններին տրամադրում է իրավասություն` 24 ժամվա ընթացքում վճարման ցուցակներում նպաստի վճարման թույլտվությունը որոշելու համար, որից հետո
3) մեկ աշխատանքային օրվա ընթացքում տարածքային կենտրոնների նշումների հիման վրա փոփոխված կանխիկ վճարման ցուցակները (որում ներառում է նաև ընտանիքի բոլոր ներկա չափահաս անդամների տվյալները) փոխանցում է համապատասխան վճարող կազմակերպություն և Ծառայություն, իսկ անկանխիկ վճարման ցուցակները` Ծառայություն:
(50-րդ կետը փոփ. 31.03.2022 թիվ 415-Ն որոշում)
51. (51-րդ կետն ուժը կորցրել է 31.03.2022 թիվ 415-Ն որոշում)
52. (52-րդ կետն ուժը կորցրել է 31.03.2022 թիվ 415-Ն որոշում)
53. Վճարման ցուցակների գլխամասում նշվում են տարեթիվը, ամիսը, տարածքային կենտրոնի, վճարող կազմակերպության, բնակավայրի անվանումները և վճարող կազմակերպության համարը:
(53-րդ կետը փոփ. 31.03.2022 թիվ 415-Ն որոշում)
54. Վճարման ցուցակի ամեն տողում նշվում են մեկ նպաստառու կամ հրատապ օգնություն ստացող ընտանիքի մասին տվյալները:
55. (55-րդ կետն ուժը կորցրել է 31.03.2022 թիվ 415-Ն որոշում)
56. Վճարման ցուցակի վերջում նշվում են ցուցակում գրանցված նպաստառու կամ հրատապ օգնություն ստացող ընտանիքների թվի, վճարման ենթակա նպաստի կամ հրատապ օգնության, գումարների չափերի ամփոփ տվյալները:
(56-րդ կետը փոփ. 31.03.2022 թիվ 415-Ն որոշում)
57. (57-րդ կետն ուժը կորցրել է 31.03.2022 թիվ 415-Ն որոշում)
58. (58-րդ կետն ուժը կորցրել է 31.03.2022 թիվ 415-Ն որոշում)
59. (59-րդ կետն ուժը կորցրել է 31.03.2022 թիվ 415-Ն որոշում)
60. Վճարող կազմակերպությունը վճարումն ավարտելուց հետո 3 օրացուցային օրվա ընթացքում`
1) կազմակերպություն է հանձնում լրացված վճարման ցուցակները (այդ թվում` ռեեստրները).
2) Ծառայություն է հանձնում փոխադարձ հաշվետվության ակտի` համաձայն N 12 ձևի, 2 օրինակ:
(60-րդ կետը փոփ. 31.03.2022 թիվ 415-Ն որոշում)
60.1. Կազմակերպությունը 2 աշխատանքային օրվա ընթացքում կատարում է ռեեստրների մուտքագրում և Ծառայություն է ներկայացնում վճարումների մասին ամփոփ տեղեկատվություն:
(60.1-ին կետը լրաց. 31.03.2022 թիվ 415-Ն որոշում)
60.2. Ծառայությունը կազմակերպությունից ստացված տեղեկատվության հիման վրա 2 աշխատանքային օրվա ընթացքում կնքում է փոխադարձ հաշվետվության ակտերը, որի 2-րդ օրինակը վերադարձվում է վճարող կազմակերպությանը:
(60.2-րդ կետը լրաց. 31.03.2022 թիվ 415-Ն որոշում)
61. (61-րդ կետն ուժը կորցրել է 31.03.2022 թիվ 415-Ն որոշում)
Ձև N 1
ԿԱՐԳԱԴՐՈՒԹՅՈՒՆ N ՆՊԱՍՏԸ ՆՇԱՆԱԿԵԼՈՒ ՄԱՍԻՆ
Քաղաքացի __________________________________ ընտանիքին
(անունը, հայրանունը, ազգանունը)
բնակության վայրը ____________________________________________________
մինչև 18 տարեկան անդամները ______, սոցիալական անձնագիր N _________,
անապահովության միավորը _____________
նշանակել նպաստ` վճարելով _________ դրամ:
Վճարել` սկսած ____ ________________ 20 թ-ից:
Հաշվարկը կատարեց ____________________ ______________________________
(ստորագրությունը) (անունը, հայրանունը, ազգանունը)
Ծառայության տարածքային
կենտրոնի
ղեկավար _________________ _________________________
(ստորագրությունը) (անունը, հայրանունը,
ազգանունը)
____ ______________ 20 թ.
Կ.Տ.
(1-ին ձևը փոփ. 04.06.15 թիվ 582-Ն որոշում)
Ձև N 2
_________________ Ծառայության տարածքային կենտրոն
ԿԱՐԳԱԴՐՈՒԹՅՈՒՆ N ՆՊԱՍՏԻ ՎՃԱՐՈՒՄԸ ԴԱԴԱՐԵՑՆԵԼՈՒ ՄԱՍԻՆ
Քաղաքացի __________________________________________________ ընտանիքին
(անունը, հայրանունը, ազգանունը)
սոցիալական անձնագրի N ___, միավորը ___, մինչև 18 տարեկան անձանց
թիվը_____
դադարեցնել նպաստի վճարումը, քանի որ ընտանիքի անապահովության միավորը
կազմում է ______:
Սպասարկող աշխատող ____________________ __________________________
(ստորագրությունը) (անունը, ազգանունը)
Ծառայության տարածքային
կենտրոնի
ղեկավար ___________________________________________
(ստորագրությունը) (անունը, հայրանունը,
ազգանունը)
____ ______________ 20 թ.
Կ.Տ.
(2-րդ ձևը փոփ. 04.06.15 թիվ 582-Ն, 05.11.15 թիվ 1289-Ն որոշումներ)
-----------------------------------------------------------
ԻՐՏԵԿ - 05.11.15 թիվ 1289-Ն որոշման 1-ին կետի 2-րդ ենթակետով նախատեսված
փոփոխություններն արդեն իսկ կատարվել էին 04.06.15 թիվ 582-Ն
որոշմամբ
-----------------------------------------------------------
Ձև N 3
(3-րդ ձևն ուժը կորցրել է 31.03.2022 թիվ 415-Ն որոշում)
Ձև N 4
ՏԵՂԵԿԱՏՎՈՒԹՅՈՒՆ
Ծառայության _________________ տարածքային կենտրոն
(բաժնի) կողմից 20 թ. _______________ ամսվա ընտանիքի չստացած նպաստի
գումարի վերականգնման և հրատապ օգնություն նշանակելու մասին
._____________________________________________________________________.
|NN | |Նպաստի և եռամսյակային հրատապ |
|ը/կ| |օգնության վերականգնվող գումարը |
| | |__________________________________|
| | |նպաստը |եռամսյակային|ընդամենը`|
| | | |հրատապ |գումարի |
| | | |օգնությունը |չափը |
| | |___________|____________|_________|
| | |ընտա-|գու- |ընտա- |գու- | |
| | |նիքի |մարի |նիքի |մարի | |
| | |թիվը |չափը |թիվը |չափը | |
|___|______________________________|_____|_____|______|_____|_________|
|1. |Տարածքային կենտրոն | | | | | |
|___|______________________________|_____|_____|______|_____|_________|
|2. |Նպաստի գործի տեղափոխությունը | | | | | |
|___|______________________________|_____|_____|______|_____|_________|
|3. |Դատարանի որոշումը | | | | | |
|___|______________________________|_____|_____|______|_____|_________|
|4. |Համակարգի աշխատողի մեղքը | | | | | |
|___|______________________________|_____|_____|______|_____|_________|
|5. |Հարգելի պատճառով չստացած | | | | | |
|___|______________________________|_____|_____|______|_____|_________|
|6. |Միայնակ կենսաթոշակառուի մահ | | | | | |
|___|______________________________|_____|_____|______|_____|_________|
|7. |Երեխայի ծննդյան միանվագ հրատապ| | | | | |
| |օգնություն | | | | | |
|___|______________________________|_____|_____|______|_____|_________|
|8. |Երեխայի առաջին դասարան | | | | | |
| |ընդունվելու միանվագ հրատապ | | | | | |
| |օգնություն | | | | | |
|___|______________________________|_____|_____|______|_____|_________|
|9. |Ընտանիքի անդամի մահվան դեպքում| | | | | |
| |միանվագ հրատապ օգնություն | | | | | |
|___|______________________________|_____|_____|______|_____|_________|
|10.|Տարածքային կենտրոնի | | | | | |
| |կողմից | | | | | |
| |վերականգնված, այդ թվում | | | | | |
| |(11+...+20) | | | | | |
|___|______________________________|_____|_____|______|_____|_________|
|11.|«ՈՉ» (բարեկեցիկ) | | | | | |
|___|______________________________|_____|_____|______|_____|_________|
|12.|«01» (նպաստի կամ օգնություն | | | | | |
| |ստանալու իրավունքից զրկված) | | | | | |
|___|______________________________|_____|_____|______|_____|_________|
|13.|«02» (ավտոմեքենա) | | | | | |
|___|______________________________|_____|_____|______|_____|_________|
|14.|«03» (անհատ ձեռնարկատեր) | | | | | |
|___|______________________________|_____|_____|______|_____|_________|
|15.|«04» (կամավոր հրաժարված) | | | | | |
|___|______________________________|_____|_____|______|_____|_________|
|16.|«05» (էլեկտրաէներգիա) | | | | | |
|___|______________________________|_____|_____|______|_____|_________|
|17.|«06» (մաքսային) | | | | | |
|___|______________________________|_____|_____|______|_____|_________|
|18.|«08» (առևտրային | | | | | |
| |կազմակերպության հիմնադիր) | | | | | |
|___|______________________________|_____|_____|______|_____|_________|
|19.|«09» (բնական գազ) | | | | | |
|___|______________________________|_____|_____|______|_____|_________|
|19.|«Վ» (վարկային պարտավորություն)| | | | | |
|1 | | | | | | |
|___|______________________________|_____|_____|______|_____|_________|
|20.|«Կ» (անշարժ գույք) | | | | | |
|___|______________________________|_____|_____|______|_____|_________|
|21.|Ընդամենը (1+...+10) | | | | | |
._____________________________________________________________________.
Ծառայության տարածքային
կենտրոնի
ղեկավար _________________ ______________________
(ստորագրությունը) (անունը, ազգանունը)
Կ.Տ. __ _______ 20 թ.
Ծառայության աշխատող ___________ ___________________ __ _______ 20 թ.
(ստորագրու- (անունը, ազգանունը)
թյունը)
Գնահատման համակարգի
տեղեկատվական բազան ___________ ___________________ __ _______ 20 թ.
շահագործող (ստորագրու- (անունը, ազգանունը)
կազմակերպության թյունը)
աշխատող
(4-րդ ձևը փոփ. 04.06.15 թիվ 582-Ն, 12.01.17 թիվ 3-Ն, 26.12.2019 թիվ 1923-Ն, 25.03.2021 թիվ 396-Ն որոշումներ)
-----------------------------------------------------------
ԻՐՏԵԿ - շարունակությունը հաջորդ մասերում