(ուժը կորցրել է 21.08.08 թիվ 926-Ա որոշում)
i
040.1102.010802
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«1» օգոստոսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
25 հուլիսի 2002 թվականի N 1102-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՅՈՒՆ ԶԱՐԳԱՑՄԱՆ ԱԶԳԱՅԻՆ ԽՈՐՀՈՒՐԴ ՍՏԵՂԾԵԼՈՒ ՄԱՍԻՆ
Հայաստանի Հանրապետությունում կայուն զարգացման ազգային հայեցակարգի և ռազմավարության մշակման համաշխարհային գործընթացին Հայաստանի Հանրապետության ակտիվ մասնակցությունն ապահովելու և այդ շրջանակներում իրականացվող աշխատանքները համակարգելու նպատակով Հայաստանի Հանրապետության կառավարությունը որոշում է.
1. Ստեղծել Հայաստանի Հանրապետության կայուն զարգացման ազգային խորհուրդ և հաստատել դրա կազմը` համաձայն հավելվածի:
2. Հայաստանի Հանրապետության բնապահպանության նախարարին` կայուն զարգացման գործընթացի հետագա անհրաժեշտ աշխատանքների իրականացման նպատակով նախարարությունում ստեղծել համապատասխան քարտուղարություն և հաստատել դրա կազմն ու աշխատակարգը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՀՈՒԼԻՍԻ 31-ԻՆ
Հավելված
Հայաստանի Հանրապետության
կառավարության 2002 թվականի
հուլիսի 25-ի N 1102-Ա որոշման
ԿԱԶՄ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՅՈՒՆ ԶԱՐԳԱՑՄԱՆ ԱԶԳԱՅԻՆ ԽՈՐՀՐԴԻ
ՀՀ վարչապետ (խորհրդի նախագահ)
ՀՀ տարածքային կառավարման և ենթակառուցվածքների
գործունեությունը համակարգող նախարար (խորհրդի նախագահի տեղակալ)
ՀՀ բնապահպանության նախարար (խորհրդի նախագահի տեղակալ)
ՀՀ արտաքին գործերի նախարար
ՀՀ առևտրի և տնտեսական զարգացման նախարար
ՀՀ առողջապահության նախարար
ՀՀ սոցիալական ապահովության նախարար
ՀՀ քաղաքաշինության նախարար
ՀՀ ֆինանսների և էկոնոմիկայի նախարար
ՀՀ գյուղատնտեսության նախարար
ՀՀ Ազգային ժողովի սոցիալական, առողջապահության և բնապահպանության
հարցերով մշտական հանձնաժողովի նախագահ (համաձայնությամբ)
ՀՀ գիտությունների ազգային ակադեմիայի նախագահ
Հայաստանի Հանրապետությունում ՄԱԿ-ի մշտական ներկայացուցիչ
Կայուն զարգացման և բնապահպանության ոլորտի հասարակական
կազմակերպությունների ներկայացուցիչ (համաձայնությամբ)
Երիտասարդության հարցերով հասարակական կազմակերպությունների
ներկայացուցիչ (համաձայնությամբ)
Գործարար ոլորտի հասարակական կազմակերպությունների
ներկայացուցիչ (համաձայնությամբ)