040.1114.100802
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«10» օգոստոսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
25 հուլիսի 2002 թվականի N 1114-Ա
ԵՐԵՎԱՆԻ ՇԵՆԳԱՎԻԹԻ N 2 ՄԱՆԿԱՊԱՏԱՆԵԿԱՆ ՄԱՐԶԱԴՊՐՈՑԻ ՄԱՍԻՆ
i
Երևանի Շենգավիթի թաղային համայնքի մարզական զարգացման նպատակով, ինչպես նաև հաշվի առնելով համայնքի ավագանու որոշումը` Հայաստանի Հանրապետության կառավարությունը որոշում է.
1. Երևանի քաղաքապետարանի «Շենգավիթ N 2 մանկապատանեկան մարզադպրոց» պետական հիմնարկը հանձնել Երևանի Շենգավիթի թաղային համայնքի ենթակայությանը, իսկ մարզադպրոցի գույքը` 2819,6 հազար դրամ հաշվեկշռային արժեքով, սեփականության իրավունքով հանձնել Երևանի Շենգավիթի թաղային համայնքին` նշված արժեքի չափով նվազեցնելով Հայաստանի Հանրապետության 1999 թվականի և 2000 թվականի պետական բյուջեներով նախատեսված համայնքի դոտացիաների գումարը:
2. Երևանի քաղաքապետին` մեկամսյա ժամկետում Երևանի Շենգավիթի թաղային համայնքի ղեկավարի հետ համատեղ ապահովել նշված մարզադպրոցի գույքի սահմանված կարգով հանձնման-ընդունման աշխատանքների կատարումը և գույքային իրավունքների պետական գրանցումը` համայնքի միջոցների հաշվին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՕԳՈՍՏՈՍԻ 5-ԻՆ