(ուժը կորցրել է 06.08.15 թիվ 886-Ն որոշում)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
10 հոկտեմբերի 1992 թ. թիվ 503
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՎԱՐՉՈՒԹՅԱՆ ԳՅՈՒՄՐԻԻ ՕԴԱՆԱՎԱԿԱՅԱՆԻ ՄԱՔՍԱՅԻՆ ԿԵՏ ՍՏԵՂԾԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Համաձայնվել Գյումրիի օդանավակայանի մաքսային կետ ստեղծելու մասին Հայաստանի Հանրապետության մաքսային վարչության առաջարկության հետ:
2. Գյումրիի օդանավակայանի մաքսային կետի պահպանման նպատակով Հայաստանի Հանրապետության մաքսային վարչությանը 1992 թվականին հաստատված բյուջետային հատկացումները լրացուցիչ ավելացնել 82,0 հազ. ռուբլով, 1992 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի միջոցների հաշվին:
3. Հայաստանի Հանրապետության մաքսային վարչությանը` մեկամսյա ժամկետում Հայաստանի Հանրապետության կառավարությանն առընթեր ավիացիայի գլխավոր վարչության, պատգամավորների Գյումրիի քաղխորհրդի գործկոմի, հանրապետության համապատասխան նախարարությունների, պետական վարչությունների և գերատեսչությունների հետ համատեղ որոշել Հայաստանի Հանրապետության մաքսային վարչության Գյումրիի օդանավակայանի մաքսային կետի պետական սահմանի անցակետի տարածքն ու մաքսային վերահսկողության գոտին և ապահովել մաքսային կետի գործունեությունը: