ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
21 նոյեմբերի 1992 թ. թիվ 593
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅԱՆՆ ԱՌԸՆԹԵՐ ԲԱՐՁՐԱԳՈՒՅՆ ՈՐԱԿԱՎՈՐՄԱՆ ՀԱՆՁՆԱԺՈՂՈՎԻ ՍՏԵՂԾՄԱՆ ՄԱՍԻՆ
Նկատի ունենալով գիտության զարգացման գործում գիտնականների որակավորման չափանիշները սահմանող և դրանք վերահսկող համակարգի կարևորությունը, Հայաստանի Հանրապետության կառավարությունը որոշում է.
1. Ստեղծել Հայաստանի Հանրապետության բարձրագույն կրթության և գիտության նախարարությանն առընթեր բարձրագույն որակավորման հանձնաժողով:
2. Բարձրագույն որակավորման հանձնաժողովի նախագահ նշանակել Արեգ Խաչիկի Գրիգորյանին:
3. Հայաստանի Հանրապետության բարձրագույն կրթության և գիտության նախարարությանը` մինչև 1992 թվականի դեկտեմբերի 20-ը Հայաստանի Հանրապետության կառավարության հաստատմանը ներկայացնել Հայաստանի Հանրապետության բարձրագույն կրթության և գիտության նախարարությանն առընթեր բարձրագույն որակավորման հանձնաժողովի կանոնադրությունը, կառուցվածքը, գիտնականների որակավորման աստիճանակարգը: