040.1206.210802
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«21» օգոստոսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
8 օգոստոսի 2002 թվականի N 1206-Ա
ԿՈՏԱՅՔԻ ՄԱՐԶԻ ԶՈՎՈՒՆՈՒ ԳՅՈՒՂԱԿԱՆ ՀԱՄԱՅՆՔԻՆ ՇԵՆՔ ՕՏԱՐԵԼՈՒ ՄԱՍԻՆ
i
Հայաստանի Հանրապետության կառավարությունը որոշում է.
1. «Երևանի կապի միջոցների գիտահետազոտական ինստիտուտ» փակ բաժնետիրական ընկերության գույքի կազմից Հայաստանի Հանրապետության օրենսդրությամբ սահմանված կարգով առանձնացնել 7704 հազար դրամ մնացորդային արժեքով` Զովունի գյուղում գտնվող լաբորատորիայի մասնաշենքը` հարակից շինություններով, և հանձնել Հայաստանի Հանրապետության առևտրի և տնտեսական զարգացման նախարարության տնօրինությանը` ընկերության կանոնադրական կապիտալը նվազեցնելով մնացորդային արժեքի և դրա արդյունքում առաջացող ավելացված արժեքի հարկի 1540.8 հազար դրամ գումարների չափով:
2. Հայաստանի Հանրապետության առևտրի և տնտեսական զարգացման նախարարության տնօրինության` սույն որոշման 1-ին կետում նշված գույքը, մասնակի հատուցմամբ, 1999-2001 թվականների Հայաստանի Հանրապետության պետական բյուջեներով հատկացվելիք և Զովունու գյուղական համայնքին չտրամադրված դոտացիաների 3986,6 հազար դրամ գումարի դիմաց սեփականության իրավունքով օտարել Զովունու գյուղական համայնքին` վերջինիս համաձայնությամբ որպես բնակարանային ֆոնդ օգտագործելու պայմանով:
3. Առաջարկել Կոտայքի մարզի Զովունու գյուղական համայնքի ղեկավարին մեկամսյա ժամկետում Հայաստանի Հանրապետության առևտրի և տնտեսական զարգացման նախարարի հետ համատեղ ապահովել սույն որոշման 1-ին կետում նշված գույքի օտարման մասին պայմանագրի` Հայաստանի Հանրապետության օրենսդրությամբ սահմանված կարգով կնքումն ու գույքային իրավունքների պետական գրանցումը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՕԳՈՍՏՈՍԻ 15-ԻՆ