040.1359.110902
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«11» սեպտեմբերի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
29 օգոստոսի 2002 թվականի N 1359-Ա
ԵՂՎԱՐԴԻ ՔԱՂԱՔԱՅԻՆ ՀԱՄԱՅՆՔԻՆ ՇԵՆՔ ՕՏԱՐԵԼՈՒ ՄԱՍԻՆ
i
Հայաստանի Հանրապետության կառավարությունը որոշում է.
1. «Գյուղատնտեսական տեխնիկայի փորձարկում և ներդրում» պետական փակ բաժնետիրական ընկերության գույքի կազմից Հայաստանի Հանրապետության օրենսդրությամբ սահմանված կարգով առանձնացնել 12219,0 հազար դրամ մնացորդային արժեքով Եղվարդ քաղաքում գտնվող ագրոլաբորատորիայի շենքը և հանձնել Հայաստանի Հանրապետության գյուղատնտեսության նախարարության տնօրինությանը` ընկերության կանոնադրական կապիտալը նվազեցնելով մնացորդային արժեքի գումարի և դրա արդյունքում առաջացող ավելացված արժեքի հարկի` 2443,8 հազար դրամ գումարի չափով:
2. Հայաստանի Հանրապետության գյուղատնտեսության նախարարության տնօրինությանը հանձնված Եղվարդ քաղաքում գտնվող ագրոլաբորատորիայի շենքը մասնակի հատուցմամբ 2000-2001 թվականների Հայաստանի Հանրապետության պետական բյուջեներով հատկացվելիք ու Եղվարդի քաղաքային համայնքին չտրամադրված դոտացիաների 5306,9 հազար դրամ գումարի դիմաց, սեփականության իրավունքով, օտարել Եղվարդի քաղաքային համայնքին` վերջինիս համաձայնությամբ որպես արվեստի դպրոցի շենք օգտագործելու պայմանով:
3. Առաջարկել Կոտայքի մարզի Եղվարդի քաղաքապետին մեկամսյա ժամկետում Հայաստանի Հանրապետության գյուղատնտեսության նախարարի հետ համատեղ ապահովել Եղվարդ քաղաքում գտնվող ագրոլաբորատորիայի շենքի օտարման պայմանագրի սահմանված կարգով կնքումն ու գույքային իրավունքների պետական գրանցումը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՍԵՊՏԵՄԲԵՐԻ 9-ԻՆ