Սեղմել Esc փակելու համար:
«ԱՃՈՒՐԴԻ ԿԵՆՏՐՈՆ» ՊԵՏԱԿԱՆ ՈՉ ԱՌԵՎՏՐԱՅ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

«ԱՃՈՒՐԴԻ ԿԵՆՏՐՈՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈ ...

 

 

040.1395.160902

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«16» սեպտեմբերի 2002 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

29 օգոստոսի 2002 թվականի N 1395-Ա

 

i

«ԱՃՈՒՐԴԻ ԿԵՆՏՐՈՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆԸ ԳՈՒՅՔ ՎԱՃԱՌԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

 

Հիմք ընդունելով Միացյալ Արաբական Էմիրությունների «Արեմպա Ինթերնեշնլ էլ Թի Դի Էֆ Զեդ Ի» (Arempa International Ltd. FZE) ընկերության առաջարկությունը և «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի առաջին մասին համապատասխան` Հայաստանի Հանրապետության կառավարությունը որոշում է.

1. Թույլատրել «Աճուրդի կենտրոն» պետական ոչ առևտրային կազմակերպությանը վաճառել սեփականության իրավունքով իրեն պատկանող` Երևանի Սայաթ-Նովայի 8 հասցեում գտնվող` 382 քառակուսի մետր ընդհանուր մակերեսով տարածքը` Միացյալ Արաբական Էմիրությունների «Արեմպա Ինթերնեշնլ էլ Թի Դի Էֆ Զեդ Ի» ընկերությանը` 50000 ԱՄՆ-ի դոլար արժեքով` ներառյալ ավելացված արժեքի հարկը, եթե գնորդը կստանձնի կատարել հետևյալ պարտավորությունները`

ա) օրենքով սահմանված կարգով կհրաժարվի իր նկատմամբ «Զվարթնոց» միջազգային օդանավակայան» փակ բաժնետիրական ընկերության ունեցած 369550 ԱՄՆ-ի դոլար գումարի պարտքից ու այդ պարտքի հետևանքով առաջացած տույժերից ու իրեն հասցված վնասներից, և

բ) Հայաստանի Հանրապետությանը կտրամադրի դրամաշնորհ` 100000 ԱՄՆ-ի դոլար գումարի չափով:

2. Սահմանել, որ`

ա) Երևանի Սայաթ-Նովայի 8 հասցեում գտնվող` 382 քառակուսի մետր ընդհանուր մակերեսով տարածքի վաճառքից ստացված միջոցները «Աճուրդի կենտրոն» պետական ոչ առևտրային կազմակերպությունը պետք է օգտագործի իր նոր տարածքի նորոգման ու կահավորման նպատակով.

բ) տարածքի վաճառքի պայմանագրի նախագիծը պետք է համաձայնեցվի Հայաստանի Հանրապետության պետական գույքի կառավարման նախարարի հետ:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2002 ԹՎԱԿԱՆԻ ՍԵՊՏԵՄԲԵՐԻ 11-ԻՆ

 

 

pin
ՀՀ կառավարություն
29.08.2002
N 1395-Ա
Որոշում