040.1487.270902
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«27» սեպտեմբերի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
19 սեպտեմբերի 2002 թվականի N 1487-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԳՈՒՅՔԸ ՄԱՍՆԱՎՈՐԵՑՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1.-9.(1-9-րդ կետերն ուժը կորցրել է 11.03.04 թիվ 295-Ն որոշում)
i
10. Հաշվեկշռային մեթոդով 105538 հազ. դրամ գնահատված ակտիվներ ունեցող «Ճանապարհների շինարարական նորոգման» պետական փակ բաժնետիրական ընկերության բաժնետոմսերն ուղղակի վաճառքի ձևով մասնավորեցնել իր աշխատավորական կոլեկտիվին:
11. Սահմանել «Ճանապարհների շինարարական նորոգման» պետական փակ բաժնետիրական ընկերության բաժնետոմսերի գինը` 14615 հազ. դրամ, որը համապատասխանում է 14615 բաժնետոմսի` յուրաքանչյուրը 1000 դրամ անվանական արժեքով:
12. Մասնավորեցման ենթակա «Ճանապարհների շինարարական նորոգման» պետական փակ բաժնետիրական ընկերության բաժնետոմսերի գնահատված արժեքը 14615 հազ. դրամ է, որը համապատասխանում է 14615 բաժնետոմսի` յուրաքանչյուրը 1000 դրամ անվանական արժեքով:
13. Սահմանել ուղղակի վաճառքի ձևով մասնավորեցման ենթակա բաժնետոմսերի գինը` 3654 հազ. դրամ, որը համապատասխանում է մասնավորեցման ենթակա բաժնետոմսերի գնահատված արժեքի 25 տոկոսին:
14. «Ճանապարհների շինարարական նորոգման» պետական փակ բաժնետիրական ընկերության պարտավորությունները 2002 թվականի ապրիլի 1-ի դրությամբ կազմել են 33511 հազ. դրամ, այդ թվում`
առևտրական կրեդիտորական պարտքերի գծով` 30075 հազ. դրամ,
կարճաժամկետ կրեդիտորական պարտքեր Հայաստանի Հանրապետության պետական բյուջեին` 935 հազ. դրամ,
անձնակազմին աշխատանքի վարձատրության գծով` 1447 հազ. դրամ,
սոցիալական ապահովագրության գծով` 1054 հազ. դրամ:
15. «Ճանապարհների շինարարական նորոգման» պետական փակ բաժնետիրական ընկերությանը 1998-2000 թվականների տնտեսական գործունեության արդյունքներով վճարման ենթակա շահութաբաժինների գծով պարտավորություններ չունի:
16. Վճարումները կատարել 3-ամսյա ժամկետում` Հայաստանի Հանրապետության արժույթով:
17. Աբովյան քաղաքի Պիոներական փողոցում գտնվող 547,81 քառ. մետր տարածք զբաղեցնող «Գառնի» կինոթատրոնի դահլիճային մասը կազմող «փոքր» օբյեկտը մասնավորեցնել դասական աճուրդով:
18. Սահմանել մասնավորեցվող պետական գույքի մեկնարկային գինը` 2000 հազ. դրամ:
19. Հայաստանի Հանրապետության պետական գույքի կառավարման նախարարին` աճուրդն իրականացնել 2-ամսյա ժամկետում:
20. Վճարումները կատարել Հայաստանի Հանրապետության արժույթով:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՍԵՊՏԵՄԲԵՐԻ 25-ԻՆ