(ուժը կորցրել է 17.02.05 թիվ 168-Ա որոշում)
i
040.1497.011002
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«1» հոկտեմբերի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
1 օգոստոսի 2002 թվականի N 1497-Ա
i
ՌՈՒՍԱՍՏԱՆԻ ԴԱՇՆՈՒԹՅՈՒՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԿԱՆ ՆԵՐԿԱՅԱՑՈՒՑՉՈՒԹՅՈՒՆ ՍՏԵՂԾԵԼՈՒ ՄԱՍԻՆ
Հայաստանի Հանրապետության կառավարության 1993 թվականի սեպտեմբերի 10-ի «Արտասահմանում Հայաստանի Հանրապետության առևտրական ներկայացուցչությունների մասին» N 457 որոշմանը համապատասխան և հիմք ընդունելով 1992 թվականի սեպտեմբերի 30-ին Երևան քաղաքում ստորագրված «Հայաստանի Հանրապետության կառավարության և Ռուսաստանի Դաշնության կառավարության միջև ազատ առևտրի մասին» համաձայնագրի դրույթները` Հայաստանի Հանրապետության կառավարությունը որոշում է.
1. Ռուսաստանի Դաշնությունում գրանցված և այնտեղ գործունեություն իրականացնող «Արմիմպորտ» ընկերությանը Հայաստանի Հանրապետության կառավարության 1993 թվականի սեպտեմբերի 10-ի N 457 որոշմամբ հաստատված կանոնադրության 12-րդ կետով սահմանված կարգով օժտել Ռուսաստանի Դաշնությունում Հայաստանի Հանրապետության առևտրական ներկայացուցչության լիազորություններով:
2. Հայաստանի Հանրապետության առևտրի և տնտեսական զարգացման նախարարին` «Արմիմպորտ» ընկերության հետ կնքել համաձայնագիր` Հայաստանի Հանրապետության կառավարության 1993 թվականի սեպտեմբերի 10-ի N 457 որոշմամբ սահմանված կարգով:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՕԳՈՍՏՈՍԻ 5-ԻՆ