ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
1 փետրվարի 2024 թվականի N 161-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2021 ԹՎԱԿԱՆԻ ՕԳՈՍՏՈՍԻ 12-Ի N 1324-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2021 թվականի օգոստոսի 12-ի «Օրինապահ հարկ վճարող համարելու չափանիշները և օրինապահ հարկ վճարողի հավաստագրի տրամադրման կարգը հաստատելու մասին» N 1324-Ն որոշման (այսուհետ` որոշում) 1-ին կետի 1-ին ենթակետով հաստատված Հավելված N 1-ում կատարել հետևյալ փոփոխությունները և լրացումները`
i
1) 1-ին կետի 2-րդ ենթակետում «ԱԱՀ (այդ թվում` պետական բյուջեից փոխհատուցման ենթակա ԱԱՀ գումար)» բառերը փոխարինել «0-ից մեծ ԱԱՀ-ի հարկման բազա» բառերով.
2) 1-ին կետի 7-րդ ենթակետը շարադրել հետևյալ խմբագրությամբ`
«7) դիտարկվող ժամանակահատվածի սկզբից և մինչև դիմումը ներկայացնելու օրը հարկային և (կամ) մաքսային մարմինների կողմից օրենսդրությամբ սահմանված կարգով հարկ վճարողի (պաշտոնատար անձի) նկատմամբ արձանագրած իրավախախտումների բացակայություն (այդ թվում, երբ արձանագրված իրավախախտումը վերաբերում է դիտարկվող ժամանակահատվածից տարբերվող ժամանակահատվածին): Սույն չափանիշի իմաստով իրավախախտում է համարվում նաև համալիր հարկային ստուգումների և ուսումնասիրությունների ընթացքում ստուգվող ժամանակահատվածի համար հարկ վճարողի կողմից հաշվարկների (հայտարարագրերի, այդ թվում` ճշտված) ներկայացումը և (կամ) ընդունված վարչական ակտերով (այդ թվում` ստուգման ակտերով կամ ուսումնասիրության արձանագրություններով) արձանագրված իրավախախտումները` անկախ այդ վարչական ակտերի անբողոքարկելի համարվելու համար օրենքով սահմանված ժամկետներից կամ այդ ակտերի բողոքարկված լինելու հանգամանքից.».
3) 1-ին կետի 8-րդ ենթակետում «քրեական կամ» բառերը հանել, իսկ «:» կետադրական նշանը փոխարինել «.» կետադրական նշանով.
4) 1-ին կետը 8-րդ ենթակետից հետո լրացնել հետևյալ բովանդակությամբ նոր 9-րդ և 10-րդ ենթակետերով`
«9) դիմումը ներկայացնելու օրվա դրությամբ հարկ վճարողի առնչությամբ կամ դրա պաշտոնատար անձի նկատմամբ քրեական օրենսգրքի 32-րդ գլխով նախատեսված տնտեսական հանցագործությունների կամ մաքսանենգության դեպքերի վերաբերյալ նախաձեռնված և չավարտված քրեական վարույթի բացակայություն.
10) դիմումում լրացված գործունեության ոլորտի (ոլորտների) համապատասխանում հարկ վճարողի կողմից իրականացվող փաստացի գործունեությանը:».
5) լրացնել հետևյալ բովանդակությամբ նոր 1.1-ին և 1.2-րդ կետերով`
i
«1.1. Դիտարկվող ժամանակահատվածի սկզբից մինչև դիմումը ներկայացնելու օրը հարկ վճարողի վերակազմակերպված լինելու դեպքում սույն կարգի 1-ին կետով սահմանված չափանիշներին բավարարելու պահանջների գնահատումը ներառում է նաև իրավանախորդ կազմակերպությունների գործունեության արդյունքները:
1.2. Սույն կարգի 1-ին կետի 3-րդ, 8-րդ և 9-րդ ենթակետերով սահմանված չափանիշներին բավարարելու պահանջների գնահատումը ներառում է նաև դիմումը ներկայացնելու օրվա դրությամբ հարկ վճարողի` փոխկապակցված համարվելու կամ փոխկապակցված ճանաչվելու համար ՀՀ հարկային օրենսգրքի 30-րդ հոդվածով սահմանված հիմքերի առկայության դեպքում հարկ վճարողի և վերջինիս հետ փոխկապակցված բոլոր հարկ վճարողների գործունեության վերաբերյալ տեղեկությունները:».
6) 2-րդ կետում «1 մլն» բառերը փոխարինել «4 մլն» բառերով.
i
7) 3-րդ կետը շարադրել հետևյալ խմբագրությամբ`
i
«Լիազորված տնտեսական օպերատորների ռեեստրում ընդգրկվելու համար դիմում ներկայացրած հարկ վճարողներին, որոնք բավարարում են «Մաքսային կարգավորման մասին» ՀՀ օրենքի 289-րդ հոդվածի 2-րդ, 3-րդ և 4-րդ մասերով սահմանված պայմաններին, և առկա չեն Եվրասիական տնտեսական միության մաքսային օրենսգրքի 434-րդ հոդվածի 5-րդ կետով սահմանված դիմումի ուսումնասիրությունը մերժելու հիմքերը, տրամադրվում է հավաստագիր համաձայն հավելված 2-ի ձև 3-ի` բացառապես լիազորված տնտեսական օպերատորների ռեեստրում ընդգրկվելու համար, եթե հարկ վճարողի սույն կարգի 2-րդ կետով սահմանված իրավախախտումների արդյունքում հաշվարկված կամ հարկային (մաքսային) մարմինների կողմից լրացուցիչ առաջադրված պարտավորությունների հանրագումարը չի գերազանցում դիտարկվող ժամանակահատվածի համար հարկ վճարողի կողմից ներկայացված հարկային հաշվարկներում արտացոլված ԱԱՀ-ով հարկման բազայի 0,8%-ը:»:
2. Որոշման 1-ին կետի 2-րդ ենթակետով հաստատված Հավելված N 2-ում կատարել հետևյալ փոփոխությունները և լրացումները`
i
1) 5-րդ կետի «N 2 ձևի» բառերը փոխարինել «ձև N 2-ի, իսկ լիազորված տնտեսական օպերատորների ռեեստրում ընդգրկվելու համար դիմում ներկայացրած հարկ վճարողին` համաձայն սույն հավելվածի ձև N 3-ի,» բառերով.
i
2) 7-րդ կետի «ցանկը հրապարակվում է» բառերը փոխարինել «ցանկերը հրապարակվում են» բառերով.
3) 9-րդ կետը շարադրել հետևյալ խմբագրությամբ`
i
«9) Օրինապահ հարկ վճարողի հավաստագրի գործողության ընթացքում հարկ վճարողը սույն հավելվածի N 2 ձևի նոր հավաստագիր ստանալու համար կարող է դիմել գործող հավաստագրի ժամկետի 12-րդ ամսվա 1-ից, իսկ սույն հավելվածի N 3 ձևի նոր հավաստագիր ստանալու համար կարող է դիմել հավաստագրի տրման օրվան հաջորդող ամսվա 1-ից: Նշված ժամկետներից շուտ ներկայացված դիմումները մերժվում են:».
i
4) ձև N 1-ի 7-րդ կետից հետո լրացնել հետևյալ բովանդակությամբ նոր 7.1-ին և 7.2-րդ կետերով`
._____________________________________________________________________.
|7.|ԼՏՕ ռեեստրում գրանցվելու համար մաքսային |օր |ամիս |տարի |
|1.|մարմին ներկայացված դիմումի ամսաթիվ կամ |____|______|____________|
|__|_________________________________________|________________________|
|7.|գործող ԼՏՕ վկայականի համար | |
|2.| | |
._____________________________________________________________________.
«.
5) ձև N 1-ը լրացնել հետևյալ բովանդակությամբ նոր 9-րդ կետով`
«9. ՀՀ հարկային օրենսգրքի համաձայն իրավանախորդ հանդիսացող կամ փոխկապակցված ճանաչված հարկ վճարողները.
._____________________________________________________________________.
|Հ/Հ|Հարկ վճարողի |Հարկ վճարողի անվանում|Իրավանախորդության, |
| |հաշվառման համար|(անուն ազգանուն) և |փոխկապակցվածության |
| |(ՀՎՀՀ) |իրավական տեսակ |___________________________|
| | | |Հիմք |Ամսաթիվ |
|___|_______________|_____________________|___________|_______________|
|1 | | | | |
|___|_______________|_____________________|___________|_______________|
._____________________________________________________________________.
«.
6) լրացնել նոր ձև N 3-ով` համաձայն հավելվածի:
i
3. Սույն որոշումն ուժի մեջ է մտնում պաշտոնական հրապարակման ամսվան հաջորդող երկրորդ ամսվա մեկից:
Հայաստանի Հանրապետության
վարչապետ Ն. Փաշինյան
2024 թ. փետրվարի 1
Երևան
Հավելված
ՀՀ կառավարության
2024 թվականի փետրվարի 1-ի
N 161-Ն որոշման
«Հավելված N 2
ՀՀ կառավարության
2021 թվականի օգոստոսի 12-ի
N 1324-Ն որոշման
Ձև N 3
ՀԱՎԱՍՏԱԳՐԻ ՕՐԻՆԱՊԱՀ ՀԱՐԿ ՎՃԱՐՈՂԻ
«:
Պաշտոնական հրապարակման օրը` 1 փետրվարի 2024 թվական: