(ուժը կորցրել է 09.02.04 թիվ 21-Ն որոշում)
i
600.0062.300702
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«30» 07 2002 Թ.
ՊԵՏԱԿԱՆ ԳՐԱՆՑՄԱՆ ԹԻՎ 60002133
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿԱՅԻ ԿԱՐԳԱՎՈՐՈՂ ՀԱՆՁՆԱԺՈՂՈՎ
ՈՐՈՇՈՒՄ
23 նոյեմբերի 2001 թվականի N 62-Ն
ՀՈՂՄԱԷԼԵԿՏՐԱԿԱՅԱՆՆԵՐԻՑ ԱՌԱՔՎՈՂ ԷԼԵԿՏՐԱԷՆԵՐԳԻԱՅԻ ՍԱԿԱԳՆԵՐԻ ՄԱՍԻՆ
Ղեկավարվելով էներգետիկայի բնագավառում պետական քաղաքականության հիմնական սկզբունքներով, հիմք ընդունելով «Էներգետիկայի մասին» ՀՀ օրենքի 5-րդ հոդվածի 1-ին կետի ե), զ), ը), թ) և 17-րդ հոդվածի ա), բ) ենթակետերը, հաշվի առնելով Հայաստանի Հանրապետությունում ավելի քան երկամյա հողմապաշարագիտական հետազոտությունների խոստումնալից արդյունքները և հողմաէլեկտրակայանների կառուցման ու շահագործման նախնական տեխնիկատնտեսական հիմնավորումները, ինչպես նաև հանրապետության էներգիայի այլընտրանքային աղբյուրների արդյունավետ օգտագործման, ՀՀ էներգետիկական անվտանգության ապահովման, էներգետիկական անկախության բարձրացման և բնագավառում ներդրումների խրախուսման նպատակով ՀՀ էներգետիկայի կարգավորող հանձնաժողովը որոշում է.
1. Մինչև 2005 թվականի հունվարի 1-ը կառուցվող հողմային էլեկտրակայաններից առաքվող էլեկտրաէներգիայի վաճառքի սակագինը շահագործման առաջին տարվա համար սահմանել 5 ԱՄՆ ցենտ/կՎտժ-ին համարժեք դրամ` առանց ԱԱՀ-ի:
2. Շահագործման երկրորդ տարվանից սկսած` մինչև 2016թ. մարտի 21-ը ընկած ժամանակաշրջանի համար, սակագնի ճշգրտման սկզբունքները և մեխանիզմները` կապված սղաճի և ԱՄՆ դոլար-դրամ փոխարժեքի փոփոխության հետ, կամրագրվեն կառուցման լիցենզիայում:
3. Սույն որոշումը ուժի մեջ է մտնում 2002 թվականի հունվարի 1-ից: