(ուժը կորցրել է 08.05.98 թիվ 278)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
31 հունվարի 1995 թ. թիվ 47
ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ` ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ՁԵՎՈՎ ՍԵՓԱԿԱՆԱՇՆՈՐՀՄԱՆ ԳՈՐԾԸՆԹԱՑԸ ԿԱՆՈՆԱԿԱՐԳԵԼՈՒ ՄԱՍԻՆ
Պետական ձեռնարկությունների` բաց բաժնետիրական ընկերությունների ձևով սեփականաշնորհման գործընթացը կարգավորելու նպատակով Հայաստանի Հանրապետության կառավարությունը որոշում է.
1. Հաստատել «Պետական ձեռնարկությունների` բաց բաժնետիրական ընկերությունների ձևով սեփականաշնորհման գործընթացի կանոնակարգը» (կցվում է):
i
2. Առաջարկել Հայաստանի Հանրապետության սեփականաշնորհման և ապապետականացման հարցերով զբաղվող լիազորված պետական կառավարման մարմնին` մինչև 1995 թ. փետրվարի 15-ը Հայաստանի Հանրապետության կառավարության հաստատմանը ներկայացնել սույն որոշմամբ հաստատված կանոնակարգով հիմնադրվող բաց բաժնետիրական ընկերությունների օրինակելի կանոնադրությունը:
/փոփ. 02.08.96 թիվ 238, 10.11.97 թիվ 502 որոշումներ/
3. ՀՀ կառավարությանն առընթեր պետական ունեցվածքի հաշվառման և ապապետականացման վարչությանը` մինչև 1995 թ. փետրվարի 15-ը հաստատել սույն որոշմամբ հաստատված կանոնակարգով ստեղծված բաժնետոմսերի բաժանորդագրությունն իրականացնող հանձնաժողովների կանոնադրությունը:
4. ՀՀ ֆինանսների նախարարությանը`
ա) մինչև 1995 թ. փետրվարի 15-ը ՀՀ կառավարության հաստատմանը ներկայացնել սույն որոշմամբ հաստատված կանոնակարգով հիմնադրվող բաց բաժնետիրական ընկերությունների բաժնետոմսերի թողարկման օրինակելի ազդագիրը.
բ) մինչև 1995 թ. փետրվարի 15-ը, Հայխնայբանկի ներկայացմամբ, Հայաստանի Հանրապետության պետական ունեցվածքի հաշվառման և ապապետականացման վարչության հետ համատեղ հաստատել սույն որոշմամբ հաստատված կանոնակարգով բաժնետոմսերի բաժանորդագրման նպատակով բացվող ժամանակավոր հաշիվների վարման, վճարումների իրականացման, վերադարձման և հաշվառման կարգը.
գ) մինչև 1995 թ. մայիսի 15-ը Հայաստանի Հանրապետության կառավարության հաստատմանը ներկայացնել բաց բաժնետիրական ընկերությունների կողմից բաժնետերերի գրանցամատյանի (ռեեստրի) վարման կարգը:
/փոփ. 02.08.96 թիվ 238 որոշում/
ՀԱՍՏԱՏՎԱԾ Է
ՀՀ ԿԱՌԱՎԱՐՈՒԹՅԱՆ 1995 Թ.
ՀՈՒՆՎԱՐԻ 31-Ի ԹԻՎ 47 ՈՐՈՇՄԱՄԲ
Կ Ա Ն Ո Ն Ա Կ Ա Ր Գ
ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ` ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ՁԵՎՈՎ ՍԵՓԱԿԱՆԱՇՆՈՐՀՄԱՆ ԳՈՐԾԸՆԹԱՑԻ
I. Ընդհանուր դրույթներ
1. Սույնով կարգավորվում է պետական ձեռնարկությունների և մասնակի անհատույց սեփականաշնորհման հիման վրա ստեղծված փակ բաժնետիրական ընկերությունների պետական բաժնեմասի (այսուհետև` պետական ձեռնարկություն) բաժնետոմսերի վաճառքի ձևով բաժանորդագրության ( այսուհետև` բաժանորդագրություն) իրականացման պայմանները, թողարկվող բաժնետոմսերի քանակի և անվանական արժեքի որոշման կանոնները, ընկերության հիմնադրման, գրանցման կարգը:
2. Սույն կանոնակարգի գործողությունը չի տարածվում բաց բաժնետիրական ընկերությունների պետական բաժնեմասի վաճառքի վրա:
3. Յուրաքանչյուր պետական ձեռնարկության բաց բաժնետիրական ընկերության (այսուհետև` ընկերություն) ձևով սեփականաշնորհման մասին ՀՀ կառավարության որոշմամբ սահմանվում են` բաժանորդագրության ժամկետները, այդ թվում աշխատավորական կոլեկտիվին վերապահված բաժնեմասի, թողարկվող բաժնետոմսերի նախնական քանակը, յուրաքանչյուր բաժնետոմսի անվանական արժեքը, բաժանորդագրությամբ չտեղաբաշխված բաժնետոմսերի տնօրինման պայմանները, բաժանորդագրությունը չկայացած համարելու պայմանները, ինչպես նաև ՀՀ օրենսդրությամբ սահմանված այլ տվյալներ:
II. Ընկերության հիմնադիրները և պետական գրանցումը
i
4. Ընկերության հիմնադիր է հանդիսանում Հայաստանի Հանրապետության սեփականաշնորհման և ապապետականացման հարցերով զբաղվող լիազորված պետական կառավարման մարմինը (այսուհետև` լիազորված պետական կառավարման մարմին):
Սեփականաշնորհվող պետական ձեռնարկության կառավարման ֆունկցիաները, մինչև բաժանորդագրության արդյունքներով ՀՀ օրենսդրությամբ սահմանված կարգով ընկերությունների ձևով պետական գրանցումը, իրականացնում է պետական կառավարման համապատասխան վերադաս մարմինը և (կամ) ձեռնարկության կառավարման մարմինները:
/փոփ. 02.08.96 թիվ 238, 10.11.97 թիվ 502 որոշումներ/
5. Պետական ձեռնարկությունն ընկերության ձևով սեփականաշնորհման մասին Հայաստանի Հանրապետության կառավարության համապատասխան որոշումն ընդունելուց հետո, որոշմամբ սահմանված կարգով և ժամկետներում, հիմնադիրը նախապատրաստում է ընկերության հիմնադիր և այլ փաստաթղթեր, գրանցում է բաժնետոմսերի թողարկման ազդագիրը և հիմնադրի իր իրավունքները փոխանցում է Հայաստանի Հանրապետության պետական ունեցվածքի հաշվառման և ապապետականացման վարչությանը (այսուհետև` վարչություն):
/փոփ. 02.08.96 թիվ 238 որոշում/
6. Ընկերության պետական գրանցումը կատարում է Հայաստանի Հանրապետության ձեռնարկությունների պետական ռեգիստրը հետևյալ փաստաթղթերի ներկայացմամբ`
վարչության կողմից հատկացված և Հայաստանի Հանրապետության ֆինանսների նախարարության կողմից վավերացված բաժանորդագրության արդյունքների ամփոփման համապատասխան փաստաթղթերի.
ընկերության բաժնետերերի հիմնադիր ժողովի արձանագրության.
հիմնադիր ժողովի կողմից ընդունված ընկերության կանոնադրության.
ՀՀ օրենսդրությամբ սահմանված այլ փաստաթղթերի:
7. Վարչությունը`
պարբերաբար կազմակերպում է բաժնետոմսերի բաժանորդագրման մասին տեղեկատվության հրապարակումը, այդ թվում տեղյակ պահելով համապատասխան նախարարություններին և գերատեսչություններին բաժնետոմսերի ընթացքի մասին.
կազմակերպում է բաժնետոմսերի բաժանորդագրումը, այդ թվում սեփականաշնորհվող ձեռնարկության աշխատավորական կոլեկտիվի անդամներին, ստեղծելով բաժնետոմսերի բաժանորդագրություն իրականացնող հանձնաժողով (այսուհետև հանձնաժողով).
վարում է բաժանորդագրության գրանցամատյանը.
հաստատում է բաժանորդագրության արդյունքները.
հրավիրում է ընկերության բաժնետերերի առաջին ժողովը.
բացում է ընկերության ժամանակավոր հաշիվը Հայխնայբանկում:
III. Բաժնետոմսերի բաժանորդագրությանը մասնակցելու
պայմանները
8. Բաժնետոմսերի բաժանորդագրությանը կարող են մասնակցել`
ՀՀ քաղաքացիները և քաղաքացիների խմբերը, սեփականաշնորհվող ձեռնարկության աշխատավորական կոլեկտիվի անդամները (այսուհետև` կոլեկտիվի անդամներ) կոլեկտիվի ընդհանուր ժողովի որոշմամբ իրենց հասանելիք բաժնետոմսերի քանակով, ոչ պետական ձեռնարկությունները.
ինվեստիցիոն հիմնադրամները, օտարերկրյա անձինք (այսուհետև` մասնակիցներ):
9. Սույն կանոնակարգի համաձայն մեկ մասնակցի կողմից բաժանորդագրվող բաժնետոմսերի քանակը չի սահմանափակվում, բացառությամբ ՀՀ օրենսդրությամբ սահմանված դեպքերի:
IV. Ընկերության հիմնադիր փաստաթղթերի և բաժնետոմսերի
թողարկման ազդագիրը
i
10. Ընկերության հիմնադիր փաստաթուղթը ընկերության կանոնադրությունն է, որը մշակվում է լիազորված պետական մարմնի կողմից:
/փոփ. 10.11.97 թիվ 502 որոշում/
11. Ընկերության կանոնադրության մեջ նշվում են`
օրենսդրական այն ակտերը, որոնց հիման վրա ստեղծվում է ընկերությունը.
ընկերության գործունեության առարկան և նպատակը.
ընկերության գտնվելու վայրը.
ընկերության բաժնետերերի ընդհանուր ժողովի հրավիրման կարգն ու պայմանները.
ընկերության բաժնետերերի ընդհանուր ժողովի բացառիկ իրավասության հարցերը և դրանց վերաբերյալ որոշումներ ընդունելու կարգն ու պայմանները.
ընկերության բաժնետերերի ընդհանուր ժողովում բաժնետերերի քվեարկման համար ձայների որոշման կարգն ու պայմանները, ելնելով մեկ բաժնետոմսը` մեկ ձայն սկզբունքից.
բաժնետոմսերի տեսակները և մեկ բաժնետոմսի անվանական արժեքը:
i
12. Բաժնետոմսերի թողարկման ազդագիրը լիազորված պետական կառավարման մարմնի կողմից ՀՀ ֆինանսների նախարարությունում գրանցելուց հետո, սահմանված կարգով հրապարակում է մամուլում: Բաժնետոմսերի թողարկման ազդագրով սահմանվում են`
բաժանորդագրության ժամկետները նշելով սկիզբը և ավարտը, այդ թվում կոլեկտիվի անդամներին հասանելիք բաժնետոմսերի բաժանորդագրության սկիզբը և ավարտը.
բաժանորդագրությամբ վաճառքի ենթակա բաժնետոմսերի նախնական քանակը և մեկ բաժնետոմսի անվանական արժեքը.
բաժնետոմսերի դիմաց վճարման պայմանները.
բաժանորդագրման իրականացման վայրը.
բաժնետերերի իրավունքները և պարտականությունները.
բաժանորդագրությունը չկայացած համարելու պայմանները.
այլ տվյալներ:
/փոփ. 10.11.97 թիվ 502 որոշում/
V. Բաժնետոմսերի բաժանորդագրության իրականացումը
13. Բաժնետոմսերի բաժանորդագրությունն սկսվում է ոչ շուտ, քան բաժնետոմսերի թողարկման ազդագրի հրապարակումից 10 օր հետո: Բաժանորդագրությունն իրականացվում է պետական ձեռնարկության սեփականաշնորհման մասին Հայաստանի Հանրապետության կառավարության որոշմամբ հաստատված ժամկետներում:
/խմբ. 02.08.96 թիվ 238 որոշում/
i
14. Բաժնետոմսերի բաժանորդագրությունն իրականացվում է բաժանորդագրման հայտերի (այսուհետև` հայտեր) ընդունման միջոցով: Մասնակիցների կամ նրանց լիազորված անձանց կողմից հայտերը լրացվում են սույն կանոնակարգին կից ձևերով (հավելված 1, 2, 3) և ներկայացվում են վարչությանը հայտում նշված գումարի մուծման մասին անդորրագրի հետ միասին: Մեկ մասնակիցը տվյալ բաժանորդագրությանը մասնակցելու համար կարող է ներկայացնել միայն մեկ հայտ:
Հայտի ներկայացման ժամկետ է համարվում վարչության կողմից հայտի ստացման օրը:
Վարչությունում հայտերը գրանցվում են բաժնետոմսերի բաժանորդագրության ընդհանուր գրանցամատյանում (այսուհետև` գրանցամատյան), ըստ հայտերի ներկայացման ժամկետների հաջորդականության: Գրանցամատյանի բոլոր էջերը պետք է լինեն համարակալված, կնքված վարչության կնիքով: Գրանցամատյանի վարումը պետք է իրականացվի դրամարկղային գրքերի վարման համար ՀՀ օրենսդրությամբ սահմանված կարգով:
/լրաց. 30.10.96 թիվ 340 որոշում/
15. Ընդհանուր գրանցամատյանում ըստ սյունակների հերթականության պետք է նշվեն`
ա) հայտի ներկայացման ժամկետը.
բ) մասնակցի անվանումը և հասցեն, ինչպես դա նշված է հայտում.
գ) բաժնետոմսերի քանակը հատերով.
դ) հայտում նշված բաժնետոմսերի քանակը, հատերով.
ե) բաժնետոմսերի համար առաջարկվող ընդհանուր գումարը, դրամներով.
զ) բաժնետոմսերի համար առաջարկվող գումարը առանց սեփականաշնորհման սերտիֆիկատների գումարի.
է) բաժնետոմսերի համար առաջարկվող գումարը սեփականաշնորհման սերտիֆիկատներով.
ը) հանձնաժողովի քարտուղարի ստորագրությունը:
16. Աշխատավորական կոլեկտիվի անդամների բաժանորդագրության համար վարվում է առանձին գրանցամատյան, որտեղ ըստ սյունակների հերթականության պետք է նշվեն`
ա) հայտերի ներկայացման ժամկետը.
բ) մասնակցի անվանումը և հասցեն, ինչպես դա նշված է հայտում.
գ) կոլեկտիվի ժողովի որոշմամբ հայտատուին հասանելիք բաժնետոմսերի քանակը, հատերով.
դ) հայցվող բաժնետոմսերի քանակը, հատերով.
ե) բաժնետոմսերի համար առաջարկվող ընդհանուր գումարը, դրամներով.
զ) բաժնետոմսերի համար առաջարկվող գումարը առանց սեփականաշնորհման սերտիֆիկատների գումարի.
է) բաժնետոմսերի համար առաջարկվող գումարը սեփականաշնորհման սերտիֆիկատներով.
ը) հանձնաժողովի քարտուղարի ստորագրությունը:
i
17. Բաժնետոմսերի փակ տեղաբաշխման բաժանորդագրության դեպքում Հայաստանի Հանրապետության կառավարության որոշման մեջ նշվում են բաժնետոմսերի փակ տեղաբաշխմամբ բաժանորդագրության մասնակիցները, վերջիններիս վերապահված բաժնետոմսերի քանակը կամ վաճառքի ենթակա պետական բաժնեմասում փակ տեղաբաշխման ենթակա բաժնեմասի չափը /տոկոսներով/, փակ տեղաբաշխման ժամկետները:
Եթե Հայաստանի Հանրապետության կառավարության համապատասխան որոշման մեջ նշված չեն ժամկետները, ապա բաժնետոմսերի փակ տեղաբաշխմամբ բաժանորդագրությունն ավարտվում է բաժնետոմսերի ազատ բաժանորդագրությունից առնվազն մեկ օր առաջ:
/լրաց. 30.10.96 թիվ 340 որոշում/
i
18. Այն դեպքում, երբ Հայաստանի Հանրապետության կառավարության համապատասխան որոշմամբ սահմանված են բաժնետոմսերի փակ տեղաբաշխմամբ բաժնետոմսերի բաժանորդագրությանը մասնակցելու իրավունք ունեցող մեկից ավելի մասնակիցներ, և նշված չեն նրանց փայաբաժինները, ապա մասնակիցների փայաբաժինները բաշխվում են հավասարաչափ: Ընդ որում, եթե մասնակիցներից որևէ մեկը հրաժարվում է իր փայաբաժնից /կամ հայտ չի ներկայացնում վարչություն/, ապա նրան հասանելիք փայաբաժնի վաճառքն իրականացվում է բաժնետոմսերի ազատ բաժանորդագրությամբ:
/լրաց. 30.10.96 թիվ 340 որոշում/
19. Ներկայացված հայտը մերժվում է, եթե հայտ ներկայացնող անձը`
i
խախտել է սույն կանոնակարգով սահմանված հայտերի ներկայացման ժամկետները և կարգը.
չի կարող հանդիսանալ սեփականաշնորհման սուբյեկտ.
ՀՀ օրենսդրությամբ սահմանված այլ դեպքերում:
Մերժված հայտերը գրանցվում են մեկ ընդհանուր առանձին գրանցամատյանում, որտեղ ըստ սյունակների հերթականության պետք է նշվեն`
ա) ձեռնարկության անվանումը.
բ) հայտի համարը.
գ) հայտի ներկայացման ժամկետը.
դ) հայտատուի անվանումը և հասցեն, ինչպես դա նշված է հայտում.
ե) բաժնետոմսերի քանակը, հայտերով.
զ) բաժնետոմսերի համար առաջարկվող ընդհանուր գումարը, դրամներով.
է) բաժնետոմսերի համար առաջարկվող գումարը առանց սեփականաշնորհման սերտիֆիկատների գումարի.
ը) բաժնետոմսերի համար առաջարկվող գումարը սեփականաշնորհման սերտիֆիկատներով.
թ) մերժման հիմքերը.
ժ) հանձնաժողովի քարտուղարի ստորագրությունը:
/փոփ. 02.08.96 թիվ 238 որոշում/
20. Բաժնետոմսերի համար վճարը մուծվում է Հայխնայբանկում բաժանորդագրության նպատակով բացված ընկերության ժամանակավոր հաշվին: Վճարը կարող է մուծվել բոլոր օրինական վճարման միջոցներով, այդ թվում` սեփականաշնորհման սերտիֆիկատներով: Ընդունված հայտերի դիմաց վճարը չի վերադարձվում, բացառությամբ բաժանորդագրությունը չկայացած համարվելու, հայտը մերժվելու և սույն կանոնակարգի 24-րդ կետում նշված դեպքերի:
Վճարը վերադարձվում է մասնակցի պահանջով տասը բանկային օրվա ընթացքում, ընդ որում, սեփականաշնորհման սերտիֆիկատներով մուծված վճարի գումարը վերադարձվում է սեփականաշնորհման սերտիֆիկատներով:
/խմբ. 02.08.96 թիվ 238 որոշում/
21. Բաժնետոմսերի բաժանորդագրության արդյունքները ամփոփվում են բաժանորդագրության ժամկետի ավարտից հետո երեք աշխատանքային օրվա ընթացքում: Բաժանորդագրության արդյունքների ամփոփման մասին կազմվում է արձանագրություն (հավելված թիվ 4):
Արձանագրությանը կցվում է բաժանորդագրության արդյունքներով կազմված բաժնետերերի նախնական գրանցամատյանից քաղվածք (բաԺնետերերի կազմի յուրաքանչյուր բաժնետիրոջ բաժնետոմսերի քանակը), որը հանդիսանում է արձանագրության անբաժան մասը և որի բոլոր էջերը ստորագրում են հանձնաժողովի նախագահը և քարտուղարը:
Վարչությունը բաժանորդագրության ժամկետի ավարտից հետո 10 օրվա ընթացքում Հայաստանի Հանրապետության ֆինանսների նախարարություն է ներկայացնում իր կողմից հաստատված բաժնետոմսերի բաժանորդագրության արդյունքների ամփոփման մասին արձանագրություն` 3 օրինակից, համաձայն թիվ 4 հավելվածի:
Հայխնայբանկը բաժանորդագրության ժամկետի ավարտից հետո 5 օրվա ընթացքում վարչություն է ներկայացնում տվյալներ ժամանակավոր հաշիվներում մուտքագրված վճարումների մասին:
Վարչությունը և Հայխնայբանկը, համատեղ ճշտելով և համաձայնեցնելով բաժանորդագրության ընթացքում պետական ձեռնարկության (կամ փակ բաժնետիրական ընկերության) բաժնետոմսերի համար սեփականաշնորհման սերտիֆիկատներով և դրամով կատարված վճարումների չափը, սահմանված կարգով կազմում են համապատասխան ակտ, որի մեկ օրինակը ներկայացվում է Հայաստանի Հանրապետության ֆինանսների նախարարություն:
Հայաստանի Հանրապետության ֆինանսների նախարարությունը, վերը նշված փաստաթղթերը ստանալուց հետո 5 աշխատանքային օրվա ընթացքում վավերացնում է բաժանորդագրության արդյունքների մասին արձանագրությունը և 2 օրինակ վերադարձնում վարչությանը:
/փոփ. 02.08.96 թիվ 238 որոշում/
VI. Բաժնետոմսերի բաժանորդագրության արդյունքում
մասնակիցներին հասանելիք բաժնետոմսերի քանակի որոշումը
i
22. Բաժնետոմսերի բաժանորդագրության ընթացքում ամեն մասնակցին հասանելիք բաժնետոմսերի քանակը, բացառությամբ աշխատավորական կոլեկտիվին և բաժնետոմսերի փակ տեղաբաշխմամբ բաժանորդագրության մասնակիցներին /եթե բաժնետոմսերի փակ տեղաբաշխմամբ բաժանորդագրություն նախատեսված է Հայաստանի Հանրապետության կառավարության համապատասխան որոշմամբ/ հասանելիք բաժնետոմսերի գումարային քանակի, հավասար է մասնակիցների կողմից ներկայացված և գրանցամատյանում գրանցված հայտերում նշված բաժնետոմսերի քանակին:
/լրաց. 30.10.96 թիվ 340 որոշում/
i
23. Բաժնետոմսերի բաժանորդագրությունը համարվում է չկայացած, եթե բաժանորդագրության արդյունքներով հաշվարկված բաժնետոմսերի գումարային քանակից (ԲՔԳ) հանած աշխատավորական կոլեկտիվի բաժնետոմսերի փակ տեղաբաշխմամբ բաժանորդագրության մասնակիցների /եթե բաժնետոմսերի փակ տեղաբաշխմամբ բաժանորդագրություն նախատեսված է Հայաստանի Հանրապետության կառավարության համապատասխան որոշմամբ/ կողմից բաժանորդագրված բաժնետոմսերի քանակը (ԱԿԲ) չի գերազանցում բաժանորդագրությամբ վաճառքի ենթակա բաժնետոմսերի նախնական քանակի (ԲՆՔ) և կոլեկտիվի կողմից փաստացի բաժանորդագրված քանակի (ԱԿԲ) տարբերության 25 տոկոսը, բանաձևի տեսքով`
(ԲՔԳ - ԱԿԲ) < 25/100="" x="" (բնք="" -="">
-
եթե Հայաստանի Հանրապետության կառավարության որոշումներով այլ բան չի նախատեսված:
/փոփ. 02.08.96 թիվ 238, 30.10.96 թիվ 340, 06.05.97 թիվ 123, 11.11.97 թիվ 501 որոշումներ/
24. Բաժնետոմսերի անվանական արժեքները ենթակա չեն փոփոխման բաժանորդագրության արդյունքում: Հայաստանի Հանրապետության կառավարության որոշմամբ կարող է սահմանվել բաժնետոմսերի հետևյալ անվանական արժեքներից մեկը` 100, 200, 500, 1000, 2000, 5000, 10000, 20000 դրամ:
/խմբ. 02.08.96 թիվ 238 որոշում/
i
25. Բաժնետոմսերի բաժանորդագրության արդյունքում բոլոր մասնակիցներին հասանելիք բաժնետոմսերի գումարային քանակը որոշվում է հետևյալ բանաձևով`
ԲԳՔ-(ԲՔԳ-ԱԿԲ)/((ԲՆՔ-ԱԿԲ)/ԲՆՔ)),
որտեղ`
ԲԳՔ-ն բաժանորդագրության արդյունքներով բոլոր մասնակիցներին հասանելիք բաժնետոմսերի քանակն է.
ԲՔԳ-ն բաժանորդագրության արդյունքներում սույն կանոնակարգի 14-րդ կետում նշված ընդհանուր գրանցամատյանում և սույն կանոնակարգի 16-րդ կետում նշված գրանցամատյանում գրանցված բաժնետոմսերի ընդհանուր գումարն է.
ԱԿԲ-ն բաժանորդագրության արդյունքներով սույն կանոնակարգի 16-րդ կետում նշված աշխատավորական կոլեկտիվի գրանցամատյանում գրանցված բաժնետոմսերի ընդհանուր գումարն է.
ԲՆՔ-ն Հայաստանի Հանրապետության կառավարության որոշմամբ սահմանված բաժանորդագրման ենթակա բաժնետոմսերի ընդհանուր քանակն է:
Այն դեպքում, երբ Հայաստանի Հանրապետության կառավարության համապատասխան որոշմամբ նախատեսված է բաժնետոմսերի փակ տեղաբաշխմամբ բաժանորդագրություն, ապա բաժնետոմսերի բաժանորդագրության արդյունքում բոլոր մասնակիցներին հասանելիք բաժնետոմսերի գումարային քանակը որոշվում է հետևյալ բանաձևով`
ԲԳՔ = [ԲՔԳ - (ԱԿԲ + ՓՏԲ)] / [ԱԿԲ + ՓՏԲ)] / ԲՆՔ,
որտեղ ՓՏԲ-ն փակ տեղաբաշխմամբ բաժանորդագրված բաժնետոմսերի ընդհանուր քանակն է:
/խմբ. 02.08.96 թիվ 238 որոշում, լրաց. 30.10.96 թիվ 340 որոշում/
i
26. Բաժանորդագրության արդյունքում աշխատավորական կոլեկտիվի անդամներին հասանելիք բաժնետոմսերի գումարային քանակը որոշվում է հետևյալ բանաձևով`
ԱԿՀ = ԲԳՔ - (ԲԳՔ - ԱԿԲ)
որտեղ`
ԱԿՀ-ն բաժանորդագրության արդյունքում աշխատավորական կոլեկտիվի անդամներին հասանելիք բաժնետոմսերի գումարային քանակն է:
Այն դեպքում, երբ Հայաստանի Հանրապետության կառավարության համապատասխան որոշմամբ նախատեսված է բաժնետոմսերի փակ տեղաբաշխմամբ կոլեկտիվի անդամներին և բաժնետոմսերի փակ տեղաբաշխմամբ բաժանորդագրության մասնակիցներին հասանելիք բաժնետոմսերի գումարային քանակը որոշվում է հետևյալ բանաձևով`
ԱԿՏՀ = ԲԳՔ - [ԲՔԳ - (ԱԿԲ + ՓՏԲ)],
որտեղ ԱԿՏՀ-ն բաժանորդագրության արդյունքում աշխատավորական կոլեկտիվի անդամներին և բաժնետոմսերի փակ տեղաբաշխմամբ բաժանորդագրության մասնակիցներին հասանելիք բաժնետոմսերի գումարային քանակն է:
Բաժանորդագրության արդյունքում աշխատավորական կոլեկտիվի անդամներին հասանելիք բաժնետոմսերի գումարային քանակը որոշվում է հետևյալ բանաձևով`
ԱԿՀ = [ԱԿԲ / (ԱԿԲ + ՓՏԲ)] x ԱԿՏՀ,
որտեղ ԱԿՀ-ն բաժանորդագրության արդյունքում աշխատավորական կոլեկտիվի անդամներին հասանելիք բաժնետոմսերի գումարային քանակն է:
Բաժանորդագրության արդյունքում բաժնետոմսերի փակ տեղաբաշխմամբ բաժանորդագրության մասնակիցներին հասանելիք բաժնետոմսերի գումարային քանակը որոշվում է հետևյալ բանաձևով`
ՓՏՀ = [ՓՏԲ / ԱԿԲ] x ԱԿՏՀ,
որտեղ ՓՏՀ-ն բաժանորդագրության արդյունքում բաժնետոմսերի փակ տեղաբաշխմամբ բաժանորդագրության մասնակիցներին հասանելիք բաժնետոմսերի գումարային քանակն է:
Այն դեպքում, երբ բաժանորդագրության արդյունքում աշխատավորական կոլեկտիվի անդամներին հասանելիք բաժնետոմսերի գումարային քանակը մեծ է բաժանորդագրության արդյունքներով սույն կանոնակարգի 14-րդ կետով նշված աշխատավորական կոլեկտիվի գրանցամատյանում գրանցված հայտերի ընդհանուր քանակից, ապա աշխատավորական կոլեկտիվի յուրաքանչյուր անդամին, որի հայտը գրանցված է համապատասխան գրանցամատյանում, հայտում նշված բաժնետոմսերի քանակը, բազմապատկվում է Կ = ԱԿՀ / ԱԿԲ գործակցով:
Այն դեպքում, երբ բաժանորդագրության արդյունքում աշխատավորական կոլեկտիվի անդամներին հասանելիք բաժնետոմսերի գումարային քանակը փոքր է բաժանորդագրության արդյունքներով սույն կանոնակարգի 14-րդ կետով նշված աշխատավորական կոլեկտիվի գրանցամատյանում գրանցված հայտերի ընդհանուր քանակից, ապա աշխատավորական կոլեկտիվի յուրաքանչյուր անդամին, որի հայտը գրանցված է համապատասխան գրանցամատյանում, հայտում նշված բաժնետոմսերի քանակը համապատասխանաբար բազմապատկվում է Կ = ԱԿՀ / ԱԿԲ գործակցով, իսկ ավելի վճարած գումարը վերադարձվում է սույն կանոնակարգի 14-րդ կետով սահմանված կարգով:
Եթե Հայաստանի Հանրապետության կառավարության համապատասխան որոշմամբ նախատեսված է բաժնետոմսերի փակ տեղաբաշխմամբ բաժանորդագրություն, փակ տեղաբաշխման ենթակա բաժնեմասի չափը վաճառքի ենթակա պետական բաժնեմասի նկատմամբ նշված է տոկոսներով և բաժանորդագրության արդյունքում աշխատավորական կոլեկտիվի անդամներին ու բաժնետոմսերի փակ տեղաբաշխմամբ բաժանորդագրության մասնակիցներին հասանելիք բաժնետոմսերի գումարային քանակը մեծ է բաժանորդագրության արդյունքներով աշխատավորական կոլեկտիվի գրանցամատյանում գրանցված և բաժնետոմսերի փակ տեղաբաշխմամբ բաժանորդագրության մասնակիցների կողմից բաժանորդագրված բաժնետոմսերի ընդհանուր քանակից, ապա աշխատավորական կոլեկտիվի յուրաքանչյուր անդամի /որի հայտը գրանցված է համապատասխան գրանցամատյանում/` հայտում նշված բաժնետոմսերի քանակը, ինչպես նաև բաժնետոմսերի փակ տեղաբաշխմամբ բաժանորդագրության մասնակիցների կողմից բաժանորդագրված բաժնետոմսերի քանակը բազմապատկվում են «Կ» գործակցով`
Կ = ԱԿՏՀ / [ԱԿԲ + ՓՏԲ]:
Ընդ որում, բաժնետոմսերի փակ տեղաբաշխմամբ բաժանորդագրության մասնակիցներին բաժանորդագրության արդյունքում ավելացվող բաժնետոմսերի արժեքը (ՓՏՀ - ՓՏԲ) մասնակիցների կողմից ենթակա չէ վճարման:
Այն դեպքում, երբ բաժանորդագրության արդյունքում աշխատավորական կոլեկտիվի անդամներին և բաժնետոմսերի փակ տեղաբաշխմամբ բաժանորդագրության մասնակիցներին հասանելիք բաժնետոմսերի գումարային քանակը փոքր է բաժանորդագրության արդյունքներով աշխատավորական կոլեկտիվի գրանցամատյանում գրանցված և բաժնետոմսերի փակ տեղաբաշխմամբ բաժանորդագրության մասնակիցների կողմից բաժնետոմսերի ընդհանուր քանակից, ապա աշխատավորական կոլեկտիվի յուրաքանչյուր անդամի /որի հայտը գրանցված է համապատասխան գրանցամատյանում/` հայտում նշված բաժնետոմսերի քանակը, ինչպես նաև բաժնետոմսերի փակ տեղաբաշխմամբ բաժանորդագրության մասնակիցների կողմից բաժանորդագրված բաժնետոմսերի քանակը բազմապատկվում են «Կ» գործակցով`
Կ = ԱԿՏՀ / [ԱԿԲ + ՓՏԲ],
իսկ ավելի վճարված գումարը վերադարձվում է:
/լրաց. 30.10.96 թիվ 340 որոշում/
VII. Բաժնետոմսերի բաժանորդագրության արդյունքում
ընկերության կանոնադրական հիմնադրամի չափի որոշումը
27. Այն դեպքում, երբ որպես սեփականաշնորհման օբյեկտ հանդես է գալիս պետական ձեռնարկությունը, բաժանորդագրության արդյունքում ընկերության կանոնադրական հիմնադրամի չափը սահմանվում է որպես սույն կանոնակարգի 23-րդ կետին համաձայն հաշվարկված բաժանորդագրության արդյունքում բոլոր մասնակիցներին հասանելիք բաժնետոմսերի գումարային քանակի և մեկ բաժնետոմսի անվանական արժեքի արտադրյալ, համաձայն հետևյալ բանաձևի`
ԿՀ = ԲԳՔ * ԲԱԱ,
որտեղ`
ԿՀ-ն ընկերության կանոնադրական հիմնադրամն է,
ԲԱԱ-ն մեկ բաժնետոմսի անվանական արժեքն է:
28. Այն դեպքում, երբ որպես սեփականաշնորհման օբյեկտ հանդես է գալիս մասնակի անհատույց սեփականաշնորհման հետևանքով վերակազմավորված փակ բաժնետիրական ընկերության պետական բաժնեմասը, ապա բաժանորդագրության արդյունքում ընկերության կանոնադրական հիմնադրամի չափը որոշվում է համաձայն հետևյալ բանաձևի`
ԿՀՔ = ԿԿ *ԿՀԸ / ԿՀՊ,
որտեղ`
ԿՀՔ-ն մասնակի անհատույց սեփականաշնորհման հետևանքով վերակազմավորված ընկերության հիման վրա ստեղծված բաց բաժնետիրական ընկերության կանոնադրական հիմնադրամի չափն է,
ԿԿ-ն բաժանորդագրության արդյունքում ստեղծված բաց բաժնետիրական ընկերության սեփականաշնորհված պետական բաժնեմասի արժեքն է,
ԿՀԸ-ն մասնակի անհատույց սեփականաշնորհման հետևանքով վերակազմավորված ընկերության գույքի վերագնահատված հաշվեկշռային արժեքն է,
ԿՀՊ-ն այդ ընկերության պետական բաժնեմասի վերագնահատված հաշվեկշռային արժեքն է:
Մասնակի անհատույց սեփականաշնորհման և ինվեստիցիոն սեփականաշնորհման սերտիֆիկատների կամ դրանց հիման վրա տրված բաժնետոմսերի անվանական արժեքը ենթակա է վերագնահատման, որը իրականացվում է բազմապատկելով մասնակի անհատույց սեփականաշնորհման և ինվեստիցիոն սեփականաշնորհման մասնակիցներին պատկանող սերտիֆիկատների կամ բաժնետոմսերի անվանական արժեքը Կ = ԿՀՔ / ԿԿ գործակցով: Ելնելով նշված վերագնահատման արդյունքներից մասնակի անհատույց սեփականաշնորհման և ինվեստիցիոն սեփականաշնորհման մասնակիցները պետք է վերագրանցվեն բաց բաժնետիրական ընկերության բաժնետերերի գրանցամատյանում, իսկ նրանց պատկանող սերտիֆիկատները կամ բաժնետոմսերը փոխանակվեն ընկերության բաժնետոմսերի հետ:
i
29. Վարչությունը Հայաստանի Հանրապետության օրենսդրությամբ սահմանված կարգով բաժնետերերի ռեեստրի վարումն ապահովելու նպատակով ընկերության բաժնետերերի առաջին ժողովում ընկերությանն է հանձնում բաժնետերերի կնքված անվանացանկը` յուրաքանչյուրին պատկանող բաժնետոմսերի քանակի նշումով, որի բոլոր էջերն ստորագրում են հանձնաժողովի նախագահը և հանձնաժողովի քարտուղարը:
Այն դեպքում, երբ ընկերության բաժնետերերի թիվը 50 և ավելի է, վարչությունն ընկերության հետ սեփականաշնորհման պայմանագիրը կնքում է ընկերության արժեթղթերի սեփականատերերի ռեեստրը կենտրոնացված կարգով մասնագիտացված կազմակերպության վարմանը հանձնելուց և ռեեստրի վարման համապատասխան պայմանագիր ունենալուց հետո միայն:
/լրաց. 10.11.97 թիվ 502 որոշում/
VIII. Ինվեստիցիոն հիմնադրամների մասնակցությունը
բաժանորդագրությանը
i
30. Այն դեպքում, երբ բաժանորդագրության արդյունքներով պարզվում է, որ ինվեստիցիոն հիմնադրամին պատկանող բաժնետոմսերի քանակը ընկերության բաժնետոմսերի ընդհանուր քանակի 40 տոկոսից ավելի է, ապա ինվեստիցիոն հիմնադրամը պարտավոր է ՀՀ օրենսդրությամբ չարգելված ձևերով ընկերության գրանցման պահից ոչ ուշ, քան վեցամսյա ժամկետում համապատասխանեցնել բաժնետոմսերի իր մասը 40 տոկոս սահմանափակմանը: Ինվեստիցիոն հիմնադրամն ավելցուկ բաժնետոմսերի նկատմամբ չի կարող ունենալ ձայնի իրավունք: Եթե նշված վեցամսյա ժամանակահատվածը լրանալուց հետո ինվեստիցիոն հիմնադրամին պատկանող բաժնետոմսերի քանակը գերազանցում է ընկերության բաժնետոմսերի ընդհանուր քանակի 40 տոկոսը, ապա ավելցուկ բաժնետոմսերը ենթակա են վարչության կողմից պարտադիր վաճառքի ՀՀ օրենսդրությամբ սահմանված կարգով: Վարչության կողմից վաճառքի ընթացքում ինվեստիցիոն հիմնադրամը չի ստանում ավելցուկ բաժնետոմսերի դիմաց շահաբաժինները:
/փոփ. 10.11.97 թիվ 502 որոշում/
IX. Բաժանորդագրությունը չկայացած համարելու հետևանքները
i
31. Սույն կանոնակարգի 23 կետով նախատեսված դեպքում վարչությունը բաժնետոմսերի բաժանորդագրության արդյունքներն ամփոփելուց հետո, տասնօրյա ժամկետում կազմում է համապատասխան արձանագրություն` նշելով ընդունված հայտերի թիվը և չիրացված բաժնետոմսերի ընդհանուր քանակը: Այդ արձանագրության հիման վրա վարչությունը հրապարակայնորեն հայտարարում է բաժանորդագրության չկայացման մասին, այդ մասին տեղյակ պահելով լիազորված պետական կառավարման մարմնին:
Այդ դեպքում տվյալ ձեռնարկության սեփականաշնորհումը իրականացվում է ՀՀ օրենսդրությամբ սահմանված կարգով:
/փոփ. 02.08.96 թիվ 238, 10.11.97 թիվ 502 որոշումներ/
ՀԱՎԵԼՎԱԾ 1
ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ` ԲԱՑ
ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ
ՁԵՎՈՎ ՍԵՓԱԿԱՆԱՇՆՈՐՀՄԱՆ ԳՈՐԾԸՆԹԱՑԻ
ԿԱՆՈՆԱԿԱՐԳԻ
Հ Ա Յ Տ
ՖԻԶԻԿԱԿԱՆ ԱՆՁԱՆՑ ՀԱՄԱՐ
(լրացվում է մասնակցի կողմից)
Հայտատու ես ___________________________________________________________
(անուն, հայրանուն, ազգանուն)
__________________________________________________________________________
(անձը հաստատող փաստաթուղթ` սերիա, թիվ, ամսաթիվ, տրման վայրը)
__________________________________________________________________________
Հասցեն ________________________________________________________________
ծանոթանալով ______________________________________________________________
(սեփականաշնորհվող ձեռնարկության անվանումը)
բաժնետոմսերի թողարկման ազդագրին, ցանկանում եմ բաժանորդագրվել
__________________________________________________________________________
(բաժնետոմսերի քանակը տառերով և թվերով)
և այդ նպատակով կցում եմ վճարման անդորրագիրը_____________________________
__________________________________________________________________________
(վճարման անդորրագրով նշված գումարը տառերով և թվերով, այդ թվում
__________________________________________________________________________
սեփականաշնորհման սերտիֆիկատներով)
Հայտատու` ________________________________
( Ա.Հ.Ա. ստորագրություն)
«______»____________________199 թ.
ՀԱՎԵԼՎԱԾ 2
ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ` ԲԱՑ
ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ՁԵՎՈՎ
ՍԵՓԱԿԱՆԱՇՆՈՐՀՄԱՆ ԳՈՐԾԸՆԹԱՑԻ
ԿԱՆՈՆԱԿԱՐԳԻ
Հ Ա Յ Տ
ԱՇԽԱՏԱՎՈՐԱԿԱՆ ԿՈԼԵԿՏԻՎԻ ԱՆԴԱՄՆԵՐԻ ՀԱՄԱՐ
Հայտատու _________________________________________________________________
(ձեռնարկության կամ ինվեստիցիոն հիմնադրամի անվանումը)
ի դեմս ___________________________________________________________________
(անուն, հայրանուն, ազգանուն, զբաղեցրած պաշտոնը)
որը գործում է ___________________________________________________հիման վրա
(փաստաթղթի անվանումը)
Իրավաբանական հասցեն` _____________________________________________________
պետական ձեռնարկության գրանցման համարը և վայրը`___________________________
_______________________________, ծանոթանալով _____________________________
__________________________________________________________________________
(սեփականաշնորհվող ձեռնարկության անվանումը)
բաժնետոմսերի թողարկման ազդագրին, ցանկանում ենք բաժանորդագրվել
__________________________________________________________________________
(բաժնետոմսերի քանակը տառերով և թվերով)
և այդ նպատակով կցում ենք վճարման անդորրագիրը_____________________________
__________________________________________________________________________
(վճարման անդորրագրով նշված գումարը տառերով և թվերով, այդ թվում
սեփականաշնորհման սերտիֆիկատներով)
ՀԱՅՏԱՏՈՒ`_____________________________
(Ա.Հ.Ա. ստորագրություն)
«________»___________________199 Թ.
ՀԱՎԵԼՎԱԾ 3
ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ` ԲԱՑ
ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ՁԵՎՈՎ
ՍԵՓԱԿԱՆԱՇՆՈՐՀՄԱՆ ԳՈՐԾԸՆԹԱՑԻ
ԿԱՆՈՆԱԿԱՐԳԻ
Հ Ա Յ Տ
ՍԵՓԱԿԱՆԱՇՆՈՐՀՎՈՂ ՁԵՌՆԱՐԿՈՒԹՅՈՒՆՆԵՐԻ ԱՇԽԱՏԱՎՈՐԱԿԱՆ ԿՈԼԵԿՏԻՎԻ ԱՆԴԱՄՆԵՐԻ ՀԱՄԱՐ
Համաձայն կոլեկտիվի ժողովի որոշման ___________________, ( արձանագրությունից
(ամսաթիվը)
քաղվածքը կցվում է) _______________________________________________________
(կոլեկտիվի ժողովի որոշմամբ հայտատուին հասանելիք
__________________________________________________________________________
բաժնետոմսերի քանակը)
Ես_____________________________________________________________________
(անուն, հայրանուն, ազգանուն)
_____________________________________________________________, ծանոթանալով
( անձը հաստատող փաստաթուղթ` սերիա, թիվ, ամսաթիվ)
__________________________________________________________________________
(սեփականաշնորհվող ձեռնարկության անվանումը)
բաժնետոմսերի թողարկման ազդագիր, ցանկանում եմ բաժանորդագրվել
__________________________________________________________________________
(բաժնետոմսերի քանակը տառերով և թվերով)
և այդ նպատակով կցում եմ վճարման անդորրագիրը _____________________________
__________________________________________________________________________
(վճարման անդորրագրով նշված գումարը տառերով և թվերով, այդ թվում
սեփականաշնորհման սերտիֆիկատներով)
ՀԱՅՏԱՏՈՒ` ____________________________
(Ա.Հ.Ա. ստորագրություն)
«_____»____________________199 Թ.
ՀԱՎԵԼՎԱԾ 4
ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ ԲԱՑ
ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ՁԵՎՈՎ
ՍԵՓԱԿԱՆԱՇՆՈՐՀՄԱՆ ԳՈՐԾԸՆԹԱՑԻ
ԿԱՆՈՆԱԿԱՐԳԻ
/խմբ. 02.08.96 թիվ 238 որոշում/
«Վավերացնում եմ» «Հաստատում եմ»
ՀՀ ֆինանսների նախարարի առաջին տեղակալ ՀՀ պետական ունեցվածքի հաշվառման և
ապապետականացման վարչության պետ _____________________________________ ___________________________________
«____» __________________ 199 թ. «____»__________________ 199 թ.
______________________________________________________________________ ԲԲԸ
ԱՐՁԱՆԱԳՐՈՒԹՅՈՒՆ ԹԻՎ
Բաժանորդագրության արդյունքների ամփոփման
«____»________________199 թ.
Հանձնաժողովի կազմը` Նախագահ ___________________________________________
(ա.հ.ա., ստորագրությունը) Քարտուղար _________________________________________
(ա.հ.ա., ստորագրությունը)
Բաժանորդագրության իրականացման հիմքերը. բաժանորդագրությունն իրականացվել է համաձայն ՀՀ կառավարության որոշման _____________________________________
(որոշման ամսաթիվը և համարը) և թողարկման ազդագրի _____________________________________________ 199 թ.
(թողարկման ազդագրի հրապարակման ամսաթիվը)
Բաժանորդագրության սկիզբը «____» 199 թ., ավարտը «____»________ 199 թ.
ՀՀ կառավարության որոշմամբ սահմանված բաժանորդագրման ենթակա բաժնետոմսերի ընդհանուր քանակը _________________________________________________________
(քանակը
__________________________________________________________________________
թվերով և տառերով)
Բաժանորդագրության արդյունքներով բաժանորդագրված բաժնետոմսերի ընդհանուր քանակը ___________________________________________________________________
(քանակը
__________________________________________________________________________
թվերով և տառերով)
Մեկ բաժնետոմսի անվանական արժեքը __________________________________________
(քանակը
__________________________________________________________________________
թվերով և տառերով)
Բաժնետոմսերի համար վճարված ընդհանուր գումարը _____________________________ ____________________________________________________________________ դրամ,
այդ թվում` սեփականաշնորհման սերտիֆիկատներով ______________________________
(քանակը
__________________________________________________________________________
թվերով և տառերով)
____________________________________________________________________ դրամ
Սեփականաշնորհվող ձեռնարկության կոլեկտիվի անդամների կողմից բաժանորդագրված բաժնետոմսերի քանակը ______________________________________________________
(քանակը
__________________________________________________________________________
թվերով և տառերով)
Բաժանորդագրության արդյունքներով բոլոր մասնակիցներին հասանելիք բաժնետոմսերի քանակը (ԲԳՔ) _____________________________________________________________
(քանակը
__________________________________________________________________________
թվերով և տառերով)
Բաժանորդագրության մասնակիցների կազմը և հասանելիք բաժնետոմսերի քանակը ՀՀ քաղաքացիների և քաղաքացիների խմբերը ___________________________________
(քանակը
__________________________________________________________________________
թվերով և տառերով)
կոլեկտիվի անդամներ (ԱԿՀ) _________________________________________________
(քանակը
__________________________________________________________________________
թվերով և տառերով)
ոչ պետական ձեռնարկություններ _____________________________________________
(քանակը
__________________________________________________________________________
թվերով և տառերով)
օտարերկրյա քաղաքացիներ ___________________________________________________
(քանակը
__________________________________________________________________________
թվերով և տառերով)
ինվեստիցիոն հիմնադրամներ _________________________________________________
(քանակը)
__________________________________________________________________________
թվերով և տառերով)
Բաժանորդագրության արդյունքում ձևավորված ԲԲԸ-ի կանոնադրական հիմնադրամը
__________________________________________________________________________
թվերով և տառերով)
____________________________________________________________________ դրամ
Համաձայն ՀՀ կառավարության 1995 թ. հունվարի 31-ի թիվ 47 որոշման ___________
______________________________________________
(ձեռնարկության անվանումը)
բաժանորդագրությունը ______________________________________________________
Բաժանորդագրության արդյունքներով կազմված բաժնետերերի գրանցամատյանից քաղվածքը (բաժնետերերի կազմը, յուրաքանչյուր բաժնետիրոջ բաժնետոմսերի քանակը) կցվում է:
Հանձնաժողովի նախագահ _____________________________________________________
Հանձնաժողովի քարտուղար ___________________________________________________