606.0006.180902
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«18» 09 2002 Թ.
ՊԵՏԱԿԱՆ ԳՐԱՆՑՄԱՆ ԹԻՎ 60602184
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ
ՈՐՈՇՈՒՄ
4 սեպտեմբերի 2002 թվականի N 11/6-Ն
i
ՔՎԵԱՐԿՈՒԹՅՈՒՆԻՑ ՀԵՏՈ ՏԵՂԱՄԱՍԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎՈՒՄ ԸՆՏՐԱԿԱՆ ՓԱՍՏԱԹՂԹԵՐԸ ՓԱԹԵԹԱՎՈՐԵԼՈՒ ԵՎ ԴՐԱՆՔ ԸՆՏՐԱՏԱՐԱԾՔԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎ ՆԵՐԿԱՅԱՑՆԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ
Ղեկավարվելով Հայաստանի Հանրապետության ընտրական օրենսգրքի 45-րդ հոդվածով, 60-րդ հոդվածի 3-րդ կետով և 61-րդ հոդվածի 8-րդ կետով, Հայաստանի Հանրապետության կենտրոնական ընտրական հանձնաժողովը
ՈՐՈՇՈՒՄ Է.
1. Հաստատել «Քվեարկությունից հետո տեղամասային ընտրական հանձնաժողովներում ընտրական փաստաթղթերը փաթեթավորելու և դրանք ընտրատարածքային ընտրական հանձնաժողով ներկայացնելու կարգը» (հավելված 1) և ընտրատարածքային ընտրական հանձնաժողովների կողմից տեղամասային ընտրական հանձնաժողովների ընտրական փաստաթղթերն ընդունելու վերաբերյալ ստացականի ձևը (հավելված 2) (կցվում են):
2. Դիմել Հայաստանի Հանրապետության ներքին գործերի նախարարությանը` քվեարկությունից հետո տեղամասային և ընտրատարածքային ընտրական հանձնաժողովների նախագահների կողմից ընտրական փաստաթղթերի տեղափոխման անվտանգությունն ապահովելու նպատակով, հատկացնել ավտոմեքենա և ներքին գործերի նախարարության երկու զինված աշխատակից:
3. Սույն որոշումն ուժի մեջ մտնելու պահից ուժը կորցրած ճանաչել ԿԸՀ-ի 16.04.1999 թ. արձ. 16 կետ 3 «Քվեարկությունից հետո տեղամասային ընտրական հանձնաժողովներից մարզային ընտրական հանձնաժողով ընտրական փաստաթղթերը ներկայացնելու կարգը հաստատելու մասին» որոշումը:
Հավելված N 1
Հայաստանի Հանրապետության
կենտրոնական ընտրական
հանձնաժողովի 2002 թվականի
սեպտեմբերի 4-ի թիվ 11/6-Ն որոշման
ԿԱՐԳ
ՔՎԵԱՐԿՈՒԹՅՈՒՆԻՑ ՀԵՏՈ ՏԵՂԱՄԱՍԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎՆԵՐՈՒՄ ԸՆՏՐԱԿԱՆ ՓԱՍՏԱԹՂԹԵՐԸ ՓԱԹԵԹԱՎՈՐԵԼՈՒ ԵՎ ԴՐԱՆՔ ԸՆՏՐԱՏԱՐԱԾՔԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎ ՆԵՐԿԱՅԱՑՆԵԼՈՒ
Քվեարկության ավարտից հետո քվեարկության արդյունքների ամփոփման նիստում տեղամասային ընտրական հանձնաժողովն առանձին-առանձին փաթեթավորում, սոսնձում և կնքում է`
1. չօգտագործված և ընտրողի կողմից ոչ ճիշտ լրացված և հետ վերադարձված քվեաթերթիկները` ԿԸՀ-ի 28.08.2002 թ. թիվ 10/4 որոշմամբ սահմանված կարգով.
2. ընտրողների ցուցակները (որտեղ նշված են նրանց անձնագրային տվյալները և ստորագրությունները).
3. քվեատուփում առկա` հաշվարկված և տեսակավորված`
ա) յուրաքանչյուր կուսակցության կամ թեկնածուի օգտին տրված վավեր քվեաթերթիկները,
բ) բոլորին դեմ քվեաթերթիկները,
գ) անվավեր քվեաթերթիկները,
դ) չսահմանված նմուշի քվեաթերթիկները:
Տեղամասում քվեարկության արդյունքների ամփոփիչ և անճշտությունների չափի վերաբերյալ արձանագրությունները կազմելուց հետո, դրանց մեկ օրինակը փաթեթավորվում է հիմք համարվող փաստաթղթերի հետ:
Տեղամասային ընտրական հանձնաժողովի նախագահը տեղամասում քվեարկության արդյունքների ամփոփիչ և անճշտությունների չափի վերաբերյալ արձանագրությունների մեկ օրինակը, գործավարության մատյանը, կնիքը, փաթեթավորված, սոսնձված և կնքված քվեաթերթիկների փաթեթները ընտրությունների ավարտից ոչ ուշ, քան 14 ժամ հետո ներկայացնում է ընտրատարածքային ընտրական հանձնաժողով:
Փաթեթավորված, սոսնձված և կնքված փաստաթղթերի յուրաքանչյուր փաթեթ կարող է ստորագրվել հանձնաժողովի նիստին ներկա ցանկացող անդամների կողմից:
Տեղամասային և ընտրատարածքային ընտրական հանձնաժողովների նախագահներին տեղափոխող ավտոմեքենաները կարող են ուղեկցել վստահված անձինք, միջազգային և տեղական դիտորդները և զանգվածային լրատվության միջոցների ներկայացուցիչները:
Քվեարկությունից հետո զինծառայողների ցուցակներն ուղարկվում են ԿԸՀ և պահվում առնվազն 2 ամիս:
Ընտրատարածքում ընտրությունների արդյունքներն ամփոփելուց հետո, ընտրատարածքային ընտրական հանձնաժողովի նախագահն ընտրական բոլոր փաստաթղթերը` բացառությամբ տեղական ինքնակառավարման մարմիններին վերաբերող փաստաթղթերի, սահմանված կարգով ներկայացնում է Կենտրոնական ընտրական հանձնաժողով:
Հավելված N 2
Հայաստանի Հանրապետության
կենտրոնական ընտրական
հանձնաժողովի 2002 թվականի
սեպտեմբերի 4-ի թիվ 11/6-Ն որոշման
Ձև
ՍՏԱՑԱԿԱՆ ԸՆՏՐԱՏԱՐԱԾՔԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎՆԵՐԻ ԿՈՂՄԻՑ ՏԵՂԱՄԱՍԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎՆԵՐԻ ԸՆՏՐԱԿԱՆ ՓԱՍՏԱԹՂԹԵՐՆ ԸՆԴՈՒՆԵԼՈՒ ՎԵՐԱԲԵՐՅԱԼ
200 __ թ. ________________ -ին, ժամը _________ -ին թիվ ______ ընտրատարածքի ամիս, ամսաթիվ ________________ տեղամասային ընտրական հանձնաժողովի նախագահ _________________________________ -ից ընտրատարածքային ընտրական
անուն, ազգանուն հանձնաժողովն ստացավ. ա) ընտրական փաստաթղթերի սոսնձված (զմռսված) և կնքված փաթեթը ____ բ) գործավարության մատյանը գ) ամփոփիչ և անճշտությունների վերաբերյալ արձանագրությունների մեկ օրինակը դ) թիվ _________ կնիքը:
Հանձնեց _______________________ Ստացավ _______________________
ՏԸՀ նախագահ ԸԸՀ պատասխանատու անդամ