(ուժը կորցրել է 28.10.05 թիվ 12-Ն որոշում)
i
603.0150.230902
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«23» 09 2002 Թ.
ՊԵՏԱԿԱՆ ԳՐԱՆՑՄԱՆ ԹԻՎ 60302200
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ
ՈՐՈՇՈՒՄ
12 օգոստոսի 2002 թվականի N 150-Ն
«ՀԱՇՎԵՏՎՈՒԹՅՈՒՆ ԱՆԱՍՆԱՊԱՀՈՒԹՅԱՆ ԴՐՈՒԹՅԱՆ ՄԱՍԻՆ» ՁԵՎ ԹԻՎ 24-ԳՏ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի 3-րդ մասի ե) կետով` Հայաստանի Հանրապետության վիճակագրության պետական խորհուրդը որոշում է.
Հաստատել «Հաշվետվություն անասնապահության դրության մասին» Ձև թիվ 24-գտ (տարեկան) պետական վիճակագրական հաշվետվության ձևը և լրացման հրահանգը համաձայն թիվ 1 հավելվածի:
Հավելված 1
Հաստատված է
Հայաստանի Հանրապետության
վիճակագրության պետական խորհրդի
12 օգոստոսի 2002 թվականի
թիվ 150-Ն որոշմամբ
ՀՐԱՀԱՆԳ «ՀԱՇՎԵՏՎՈՒԹՅՈՒՆ ԱՆԱՍՆԱՊԱՀՈՒԹՅԱՆ ԴՐՈՒԹՅԱՆ ՄԱՍԻՆ» ՁԵՎ ԹԻՎ 24-ԳՏ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Հրահանգը սահմանում է «Հաշվետվություն անասնապահության դրության մասին» ձև թիվ 24-գտ (տարեկան) պետական վիճակագրական հաշվետվության լրացման կարգը:
2. Հաշվետվությունը ներկայացնում են իրավաբանական անձինք և հիմնարկները, որոնք այդ մասին նախօրոք տեղեկացվում են, հաշվետվության ձևի վրա նշված ժամկետներում ու պարբերականությամբ:
3. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:
II. ԼՐԱՑՄԱՆ ԿԱՐԳԸ
4. Հրահանգը կազմված է ձև թիվ 24-գտ (տարեկան) հաշվետվության սյունակների ու տողերի հերթականությանը համապատասխան:
5. Հաշվետվության բոլոր տվյալները ցույց են տրվում աճողական կարգով, տարվա սկզբից մինչև հաշվետու ժամկետը, բացառությամբ անասունների ու թռչունների, որոնց գլխաքանակը ցույց է տրվում հաշվետվություն կազմելու ժամկետի եղած առկա գլխաքանակով:
6. Թիվ I բաժնի 1-26 տողերում լրացվում է տնտեսությանը պատկանող բոլոր անասունները, թռչունները և ճագարները, անկախ նրանից, գտնվում են տնտեսության անասնաշենքերում, թե` արոտներում:
7. «Էգ մոզիներ 2 տարեկանից բարձր (սերմնավորվածներ)»` թիվ I բաժնի 3 տողով, լրացվում է տվյալ ժամանակաշրջանում առկա սերմնավորված էգ մոզիների, փաստացի զուգավորված և արհեստական սերմնավորված 1-ից մինչև 2 տարեկան բարձր էգ մոզիները, անկախ նրանց հղիությունը որոշված է թե ոչ, 2 տարեկան և բարձր չսերմնավորված էգ մոզիները հաշվառվում են 3 տողով:
8. «Բանող եզներ»` թիվ I բաժնի 6 տողով լրացվում է մեծահասակ բանող եզների գլխաքանակը: Ցուլիկները, 2 տարեկանից փոքր արուները չեն լրացվում տվյալ սյունակում: Հիվանդության և այլ պատճառներով աշխատանքում ժամանակավոր չօգտագործվող եզները մտցվում են բանող եզների թվում:
9. «Գոմեշներ»` թիվ I բաժնի 7 տողով լրացվում է գոմեշների, յակերի, ջորիների մեծահասակ և մատղաշ բոլոր անասունների գլխաքանակը:
10. «այդ թվում` ոչխարներ»` թիվ I բաժնի 12 տողով լրացվում է ոչխարների ամբողջ գլխաքանակը (մեծահասակ և մատղաշ) առանց այծերի:
11. «որից` 1 տարեկան և բարձր մայրեր և շիշակներ»` թիվ I բաժնի 13 տողով լրացվում է մայրական ամբողջ գլխաքանակը` այսինքն առանձնացվում է հիմնական մայրերի և 1 տարեկանից բարձր շիշակների գլխաքանակը:
12. «Այծեր»` թիվ I բաժնի 14 տողով լրացվում է բոլոր հասակի այծերը, իսկ թիվ I բաժնի 15 տողով լրացվում է «որից` մայր այծեր», միայն մայր այծերը:
13. «Ավանակներ»` թիվ I բաժնի 17 տողով լրացվում է տնտեսությունում ունեցող բոլոր հասակի ավանակները:
14. «Ճագարներ»` թիվ I բաժնի 19 տողով լրացվում է բոլոր հասակի ճագարները, թիվ I բաժնի 20 տողով` «այդ թվում` մայր ճագարներ, բոլոր ծնած էգերը, ինչպես նաև հղիացած էգերը, որոնցից առաջին անգամ ծին է ստացվելու:
15. «Հավեր և աքաղաղներ, ընդամենը»` թիվ I բաժնի 22 տողով լրացվում է բոլոր տեսակների թռչունները:
16. «այդ թվում` ածան հավեր»` թիվ I բաժնի 23 տողով լրացվում է մեծահասակ հավերը, անկախ նրանից, տվյալ ժամկետին այդ հավերից ձու ստացվում են, թե ոչ:
17. «Կթված է կաթ` կովի և մատակի, ընդամենը»` թիվ II բաժնի 1 տողով լրացվում է կաթնային և մսային հոտի բոլոր կովերից, ստերջ կովերից, բտման և գիրացման տակ գտնվող, առանց բացառության բոլոր կովերից, ծնած երինջներից, ինչպես նաև գոմեշներից կթված կաթը: Այդ տվյալներում մտցվում է նաև հորթերին և խոճկորներին խմեցնելու համար ծախսված կաթը և խեժը: Անմիջապես կովերից հորթերի ծծած կաթը հաշվի չի առնվում: Այլ տեսակի անասուններից ստացված կաթը (ոչխարի, այծի, ձիու), ինչպես նաև բնակչությունից` համաձայն պայմանագրի կամ շուկայում գնված կովի կաթը այդ տողում չի մտցվում:
18. «Ստացված է ձու` բոլոր տեսակի թռչուններից»` թիվ II բաժնի 2 տողով լրացվում է տարվա սկզբից մինչև հաշվետու ժամկետը տնտեսությանը պատկանող բոլոր տեսակի թռչուններից (հավ, բադ, սագ, հնդկահավ) տնտեսություններում ստացված ձվի ամբողջ քանակը, ներառյալ ձվի կորուստը (ջարդված, փչացում և այլն) և ճտերի, սագիկների, բադիկների և հնդկահավիկների ճտահանության համար ինկուբատորում կամ թխսերի տակ ծախսված ձուն:
19. «Կթված է, ոչխարի կաթ»` թիվ II բաժնի 1.1 տողով լրացվում է տնտեսությանը պատկանող ոչխարներից կթված ամբողջ կաթը:
20. «Ստացված է ձու` բոլոր տեսակի թռչունների»` թիվ II բաժնի 2 տողով լրացվում է տնտեսությանը պատկանող բոլոր տեսակի թռչուններից ստացված ձուն:
21. «այդ թվում` հավի»` թիվ II բաժնի 3 տողով լրացվում է տնտեսությանը պատկանող ածան հավերից ստացված հավի ձուն: Այդ տողում չի լրացվում գնված կամ ճտահանության և այլ նպատակների համար դրսից ստացված ձվի քանակը:
22. «Խուզված է ոչխարի բուրդ»` թիվ II բաժնի 4 տողով լրացվում է բնական խուզված բուրդը այսինքն, տարվա սկզբից մինչև հաշվետու ժամկետը խուզից ստացված ոչխարի ամբողջ բուրդը ֆիզիկական քաշով, ներառյալ ներտնտեսային կարիքների համար օգտագործածը:
23. «Արտադրվել է մեղր» թիվ II բաժնի 5 տողով լրացվում է տնտեսությանը պատկանող մեղվաընտանիքներից արտադրված ամբողջ մեղրը:
24. «Ստացված է անասունների քաշաճ (մեծահասակ և մատղաշ) բտման և գիրացման մեջ գտնվող անասուններից, ընդամենը»` թիվ II բաժնի 7 տողով լրացվում է քաշաճը, որը ստացվել է տարվա սկզբից մինչև հաշվետու ժամկետը բտման (գիրացման) տակ գտնվող (մեծահասակ և մատղաշ) անասուններից: Դրա համար սահմանվում է հաշվետու ժամկետին բտման (գիրացման) տակ գտնվող անասունների կենդանի` քաշը, ավելացվում է տարվա սկզբից մինչև հաշվետու ժամկետը բտումից հանված անասունների կենդանի քաշը, և ստացված գումարից պակասեցվում է տարվա սկզբից բտման (գիրացման) տակ գտնվող անասունների նախնական քաշը և տարվա սկզբին բտման տակ գտնվող անասունների կենդանի քաշը: Բտման ու գիրացման տակ գտնվող անասունների ու թռչունների քաշաճի ստացման տվյալները վերցնում են անասունների կշռման տեղեկագրերից: Միսկոմբինատ ուղարկվող անասունների քաշաճը (աճը) որոշվում է անմիջապես տնտեսությունում նրանց կշռման տվյալներով, որը ցույց է տրված ապրանքատրանսպորտային կարգագրերում և քաշաճի որոշման հաշվարկներում:
25. «Տնտեսությանը պատկանող մայրական կազմից ծնվել են կենդանի հորթեր, ձագեր, գոջիներ, գառներ, ուլեր և մտրուկներ և ստացված է թռչունի մատղաշ իրենց տնտեսությունում ինչպես թխսերից, այնպես էլ տնտեսությանը պատկանող ինկուբատորից»` թիվ III բաժնի 2 տողով, համապատասխան սյունակներում գրանցվում են տնտեսությանը պատկանող մայրերից կենդանի ծնված բոլոր հորթերը, խոճկորները, գառները, ուլերը և մտրուկները, ներառյալ այն ծնվածները, որոնք հետագայում վաճառվել են, մորթվել կամ ընկել են, թեկուզև նույն ծնված օրը: Այդ քանակում չի մտցվում սատկած ծնվածները:
26. «Ծնել են սերմնավորված էգ մոզիներ (փոխադրված են կովերի շարքը»` թիվ III բաժնի 3 տողով լրացվում է տարվա սկզբից ծնած և կովերի խումբը փոխադրված սերմնավորված էգ մոզիների թիվը, ներառյալ այն էգ մոզիները, որոնցից ստացվել է մահացած սերունդ:
27. «Ընդամենը գնված են անասուններ և անասունների այլ մուտքեր»` թիվ III բաժնի 4 և թիվ III բաժնի 5 տողով` «Կենդանի քաշը»` լրացվում է գնման կարգով, այլ անասունի դիմաց փոխանակման, կերի, գույքի դիմաց փոխանակման, այլ հանձնումների դիմաց և այլ մուտքերից ստացված անասունների քանակը և կենդանի քաշը:
28. «Իրացվել է սպանդի համար (ներառյալ տնտեսությունում մորթվածը)»` թիվ III բաժնի 6 տողը լրացնելիս պետք է գումարել գլխաքանակները պետությանը վաճառված անասունի իր տնտեսությունում մորթված անասունի նաև սպանդի համար անասունի այլ վաճառքի գլխաքանակը, ներառյալ անասունի վաճառքը շուկայում, հանելով մինչև 6 ամսական հորթերի, գառների և ուլերի, մինչև 2 ամսական խոճկորների և ճտերի գլխաքանակները: Բարձր տարիքի մատղաշը, որը շուկայում վաճառվել է հետագայում վերարտադրության համար, ցույց չի տրվում:
29. Թիվ III բաժնի 7 տողով լրացվում է թիվ III բաժնի 6 տողի գլխաքանակի կենդանի քաշը:
30. «Կենդանի քաշը»` թիվ III բաժնի 7 տողով լրացվում է տնտեսությունում մորթված բոլոր անասունները, անկախ նրանից, մորթը որտեղ է կատարվել (տնտեսությունում թե սպանդանոցում) և որոնց միսը օգտագործվել է սննդի կամ վաճառքի համար, ներառյալ և անասունների հարկադիր սպանդի դեպքերը: 73-րդ տողով ցույց է տրվում նախքան անասունի սպանդի ենթարկելը սպանդի քաշը: Հասարակական սննդի համար և սպառողական կոոպերացիայի սահմանված ֆոնդերից ավելի իրացված և պետության հանձնման պլանի կատարման հաշվին չհաշվարկված անասունը ցույց է տրվում «Մորթված է անասուններ իրենց տնտեսությունում» տողով:
31. «Ընդամենը վաճառված է, տրված է փոխանակման դիմաց և այլ ելքեր»` թիվ III բաժնի 8 տողով լրացվում է հաշվետու ժամանակամիջոցում, այսինքն` հաշվետու տարվա հունվարի 1-ից տնտեսության կողմից պետությանը փաստացի վաճառված անասունների գլխաքանակը: Այստեղ ընդգրկվում է պետական, կոոպերատիվ և առևտրական կազմակերպություններին վաճառված անասունները: Այստեղ նաև ընդգրկվում է ըստ պայմանագրի բնակչության տնտեսություններում աճեցված և գնված անասուններից պետությանը վաճառված անասունը: Այստեղ լրացվում է նաև բոլոր վաճառվածները և հանձնվածները մասնագիտացված անասնապահական համալիրներին: Այդ տողում մտցվում է նաև ուրիշ տողերով ցույց չտված անասունների այն ելքերը, մասնավորապես` կերի համար տնտեսությունում մորթված անասունը:
32. «Ընդամենը վաճառված է, տրված է փոխանակման դիմաց և այլ ելքեր»` թիվ III բաժնի 8 տողով լրացվում է ձեռնարկության բանվորներին և ծառայողներին վաճառված անասունները: Այդ տողով ցույց է տրվում ձեռնարկության անդամին լրացուցիչ վարձակալության համար անվճար տրված անասունը, աշխատանքի վարձատրության դիմաց տված անասունը և առանձին անդամներին օգնության կարգով տված անասունները: Այդ տողում ընդգրկվում է նաև անասունների և թռչունների այն քանակը, որը համաձայն պայմանագրի աճեցման տրվել է բնակչության տնտեսություններին և ձեռնարկությանը չի վերադարձվել, այլ մնացել է բնակչության տնտեսություններում որպես վարձատրություն աճեցված անասունի և թռչնի համար:
33. «Ընկել է և կորուստ է եղել բոլոր հասակի անասուններ»` թիվ III բաժնի 10 տողով լրացվում է «այդ թվում` հաշվետու տարվա ծնված մատղաշներ (խոճկորներ մինչև 4 ամսական), պետական ձեռնարկությանը պատկանող մայրական կողմից»` թիվ III բաժնի 11 տողով լրացվում է հաշվետու տարվա սկզբից (հունվարի 1-ից) մինչև հաշվետու ժամկետը փաստացի ընկած բոլոր անասունները: Հաշվետվությունում անկում է հաշվի առնվում նաև այն դեպքում, երբ անասնապահի մեղքով ընկած անասունի փոխարեն վերականգնվել է մեկ այլ անասունով: Տողով ցույց են տրվում ընկած բոլոր անասունները (հրդեհից, բնական աղետներից, խեղդված, գայլի հոշոտածը և այլն), անկախ հասակից, ներառյալ ընթացիկ տարվա ծնվածները, ինչպես նաև ձեռնարկության կողմից ձեռքբերված անասուն: Այս տողում նաև լրացվում է ընթացիկ տարում ծնված մատղաշի այն հարկադիր մորթը, որի միսը սննդի համար չի օգտագործվել կամ միայն որպես անասնակեր է օգտագործվել:
----------------------------------------------
ԻՐՏԵԿ - ձևը չի բերվում