(ուժը կորցրել է 19.10.2018 թիվ 60-Ն որոշում)
i
603.0194.240902
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«24» 09 2002 Թ.
ՊԵՏԱԿԱՆ ԳՐԱՆՑՄԱՆ ԹԻՎ 60302206
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ
ՈՐՈՇՈՒՄ
19 օգոստոսի 2002 թվականի N 194-Ն
«ՀԱՇՎԵՏՎՈՒԹՅՈՒՆ ՆԱԽԱԴՊՐՈՑԱԿԱՆ ՀԻՄՆԱՐԿՆԵՐԻ ՄԱՍԻՆ» ՁԵՎ ԹԻՎ 85-ԳՄ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի 3-րդ մասի ե) կետով` Հայաստանի Հանրապետության վիճակագրության պետական խորհուրդը որոշում է.
Հաստատել «Հաշվետվություն նախադպրոցական հիմնարկների մասին» Ձև թիվ 85-գմ պետական վիճակագրական հաշվետվության ձևը և լրացման հրահանգը համաձայն թիվ 1 հավելվածի:
Հավելված 1
Հաստատված է
Հայաստանի Հանրապետության
վիճակագրության պետական խորհրդի
19 օգոստոսի 2002 թվականի
թիվ 194-Ն որոշմամբ
ՀՐԱՀԱՆԳ «ՆԱԽԱԴՊՐՈՑԱԿԱՆ ՀԻՄՆԱՐԿՆԵՐԻ ՄԱՍԻՆ» ՁԵՎ N 85-ԳՄ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Հրահանգը սահմանում է «Նախադպրոցական հիմնարկների գործունեության մասին» ձև N 85-գմ (տարեկան) պետական վիճակագրական հաշվետվության լրացման կարգը:
2. Հաշվետվությունը կազմում են նախադպրոցական կրթություն իրականացնող հիմնարկները, որոնք այդ մասին նախապես տեղեկացվում են:
3. Հաշվետվությունը ներկայացվում է Հայաստանի Հանրապետության Ազգային վիճակագրության ծառայության մարզային գործակալության տարածքային բաժին մինչև փետրվարի 25-ը, որն ամփոփը` Հայաստանի Հանրապետության Ազգային վիճակագրության ծառայության մարզային գործակալություն` մինչև մարտի 15-ը, որն ամփոփը` Հայաստանի Հանրապետության Ազգային վիճակագրության ծառայություն մինչև մարտի 20-ը:
4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:
II. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ
Բաժին 1. Նախադպրոցական հիմնարկ
5. Այս բաժնի համապատասխան վանդակում նշում կատարել նախադպրոցական հիմնարկի տեսակի վերաբերյալ:
Բաժին 2. Նախադպրոցական հիմնարկի աշխատանքային ռեժիմը
6. Այս բաժնի համապատասխան վանդակում նշում կատարել նախադպրոցական հիմնարկի աշխատանքային ռեժիմի վերաբերյալ:
Բաժին 3. Նախադպրոցական հիմնարկի սենյակները, օժանդակ տարածքները և դրանց մակերեսները
7. Տողեր 302-309-ում բերվում են տվյալներ նախադպրոցական հիմնարկի սենյակների (ըստ նշանակության) քանակի (սյունակ 1) և դրանց գումարային մակերեսների վերաբերյալ (սյունակ 2): 302-309 տողերում չնշված սենյակների վերաբերյալ տվյալները բերվում են 310 տողում: Հիմնարկին կից առկա կամ պատկանող տարածքի վերաբերյալ տվյալները բերվում են 311 տողում:
Բաժին 4. Երեխաների թվաքանակն ըստ սեռատարիքային բաշխվածության
8. Երեխաների ընդհանուր թվաքանակը տարեվերջին բերվում է սյունակ 1-ում, իսկ սյունակներ 2-6-ում` նրանց թվաքանակի բաշխվածությունն ըստ տարիքի:
9. Սյունակ 7-ում բերվում է հանրակրթական դպրոցի 1-ին դասարանի ծրագրով սովորող երեխաների թվաքանակը:
Բաժին 5. Խմբերի և տեղերի առկայությունը տարեվերջին
10. Սյունակ 1-ում բերվում է խմբերի ընդհանուր քանակը տարեվերջին, որից առանձնացվում է 3 և բարձր տարիքի երեխաների խմբերի քանակը (սյունակ 2):
11. Սյունակ 3-ում բերվում է խմբերում ընդգրկված երեխաների թվաքանակը:
12. Սյունակ 7-ում բերվում է նախատեսված տեղերի քանակը:
13. Տող 502-ում բերվում է շուրջօրյա խմբերի քանակը, իսկ տողեր 503-511-ում` հատուկ նշանակության խմբերի քանակն ըստ տեսակների:
Բաժին 6. Հաճախումները
14. Տող 601-ում բերվում է խմբերում երեխաների անցկացրած օրերի քանակը:
15. Տող 602-ում բերվում է երեխաների կողմից բաց թողնված (բացակա) օրերի քանակը, որից տող 603-ում` հիվանդության պատճառով, տող 604-ում` այլ պատճառներով:
16. Տող 605-ում բերվում է տարվա ընթացքում նախադպրոցական հիմնարկի աշխատած օրերի ընդհանուր քանակը (սյունակ 1):
Բաժին 7. Հիվանդացության դեպքերի քանակը
17. Տող 701-ում բերվում է գրանցված հիվանդացությունների դեպքերի ընդհանուր քանակը (սյունակ 1), որից տողեր 702-713-ում` հիվանդացությունների դեպքերի քանակն ըստ հիվանդացության տեսակների (համաձայն «Հիվանդությունների միջազգային դասակարգման» 9-րդ վերանայման):
Բաժին 8. Աշխատակազմն ըստ կրթական մակարդակի և պահանջարկը
18. Սյունակ 1-ում բերվում է աշխատողների թվաքանակը տարեվերջին, իսկ նրանց թվաքանակն ըստ կրթական մակարդակի` սյունակներ 3-8-ում:
19. Սյունակ 9-ում բերվում է թափուր տեղերի քանակը տարեվերջին:
Բաժին 9. Մանկավարժա-դաստիարակչական աշխատակազմն ըստ աշխատանքային ստաժի
20. Տող 901-ում բերվում է մանկավարժա-դաստիարակչական աշխատողների ընդհանուր թվաքանակն ըստ աշխատանքային ստաժի, իսկ տող 902-ում` կանանց թվաքանակը:
Բաժին 10. Ֆինանսական միջոցների ստացումը և օգտագործումը
21. Ցուցանիշները լրացնելիս ֆինանսական տարին ընդունել հաշվետու տարվա հունվարի 1-ից դեկտեմբերի 31-ը:
22. Սյունակ 1-ում բերվում են ընդհանուր ֆինանսական միջոցները:
23. Սյունակ 2-ում բերվում է ֆինանսական միջոցների մնացորդը տարեսկզբին:
24. Ընթացիկ տարվա ֆինանսական մուտքերի մասին տվյալները բերվում են սյունակներ 3-9-ում:
25. Սյունակ 10-ում բերվում են ընդհանուր ֆինանսական ծախսերը, որոնցից առանձնացվում են.
1) «նյութական ծախսեր» սյունակ 11-ում բերվում է ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության ծախսերը, արտահագուստի, փոքրարժեք և արագամաշ գույքի մաշվածությունը, վառելիքի, էլեկտրաէներգիայի և այլ նմանատիպ ծախսերը,
2) «ոչ նյութական ծառայությունների վճարումներ» սյունակ 12-ում բերվում է աշխատողների մասնագիտական պատրաստմանն ուղղված վճարումները, շենքերի, մեքենաների և սարքավորումների վարձակալական վճարումները, գիտահետազոտական և փորձարարական աշխատանքների, ֆինանսական, իրավաբանական, պահակային և հակահրդեհային ծառայությունների վճարումները, ներկայացուցչական, գովազդային, լիցենզավորման և սերտիֆիկացման ծախսերը և այլն,
3) «գործուղման ծախսեր» սյունակ 13-ում բերվում է հաստիքացուցակում ընդգրկված աշխատողների աշխատանքի մշտական վայրից դուրս որոշակի ժամկետով այլ վայրում հանձնարարություն կատարելու համար տրվող վճարները,
4) «աշխատանքի վարձատրության և դրան հավասարեցված այլ վճարումներ» սյունակ 14-ում բերվում է ինչպես հիմնական, այնպես էլ պայմանագրային աշխատողների կողմից փաստացի կատարված աշխատանքների դիմաց հաշվարկված աշխատավարձը, ներառյալ` փոխհատուցումները և աշխատավարձի նկատմամբ հաշվարկվող հավելումները և պարգևավճարները: Հավելումներ և պարգևավճարներ են համարվում, մասնավորապես, արտադրական ցուցանիշների, տարվա աշխատանքի արդյունքների համար պարգևատրումները, երկարամյա ծառայության համար աշխատողներին տրվող միանվագ պարգևատրումները: Փոխհատուցումներ (կապված աշխատանքային ռեժիմի և պայմանների հետ) են համարվում գիշերային աշխատանքի, արտաժամյա աշխատանքի, հանգստյան և տոն (ոչ աշխատանքային) օրերին, բազմահերթ ռեժիմով աշխատանքի, մասնագիտությունների համատեղման, Հայաստանի Հանրապետության օրենսդրությամբ սահմանված կարգով ծանր, վնասակար և խիստ վնասակար համարվող աշխատանքի պայմաններում աշխատանքի համար աշխատավարձի նկատմամբ սահմանված վճարները: Աշխատանքի վարձատրության և դրան հավասարեցված այլ վճարումների մեջ ներառվում են նաև հերթական (ամենամյա) և լրացուցիչ արձակուրդների վարձատրությունները (չօգտագործված արձակուրդի համար փոխհատուցումը) և աշխատողների աշխատանքի վարձատրությանն ուղղված այլ վճարումները,
5) աշխատանքի վարձատրությանն ուղղվող միջոցներից զբաղվածության, կենսաթոշակային, պարտադիր սոցիալական ապահովագրության համար կատարված վճարները բերվում են սյունակ 15-ում,
6) սյունակ 16-ում բերվում է նախադպրոցական հիմնարկի կողմից կատարված շենքերի և շինությունների, ինչպես նաև մեքենաների և սարքավորումների ձեռք բերման և վերանորոգման ծախսերը,
7) վերը նշված տողերում չընդգրկված և ընթացիկ գործունեության հետ կապված այլ ծախսերը բերվում են սյունակ 17-ում:
26. Սյունակ 18-ում բերվում է ֆինանսական միջոցների մնացորդը տարեվերջին:
----------------------------------------------
ԻՐՏԵԿ - ձևը չի բերվում