(ուժը կորցրել է 24.12.2018 թիվ 80-Ն որոշում)
i
603.0195.250902
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«25» 09 2002 Թ.
ՊԵՏԱԿԱՆ ԳՐԱՆՑՄԱՆ ԹԻՎ 60302212
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ
ՈՐՈՇՈՒՄ
19 օգոստոսի 2002 թվականի N 195-Ն
«ՀԱՇՎԵՏՎՈՒԹՅՈՒՆ ՄԱԳԻՍՏՐԱՏՈՒՐԱՅԻ, ԱՍՊԻՐԱՆՏՈՒՐԱՅԻ, ԴՈԿՏՈՐԱՆՏՈՒՐԱՅԻ ԱՇԽԱՏԱՆՔՆԵՐԻ ՄԱՍԻՆ» ՁԵՎ ԹԻՎ 1-ԳՄ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի 3-րդ մասի ե) կետով` Հայաստանի Հանրապետության վիճակագրության պետական խորհուրդը որոշում է.
Հաստատել «Հաշվետվություն մագիստրատուրայի, ասպիրանտուրայի, դոկտորանտուրայի աշխատանքների մասին» Ձև թիվ 1-գմ պետական վիճակագրական հաշվետվության ձևը և լրացման հրահանգը համաձայն թիվ 1 հավելվածի:
Հավելված 1
Հաստատված է
Հայաստանի Հանրապետության
վիճակագրության պետական խորհրդի
19 օգոստոսի 2002 թվականի
թիվ 195-Ն որոշմամբ
ՀՐԱՀԱՆԳ «ՄԱԳԻՍՏՐԱՏՈՒՐԱՅԻ, ԱՍՊԻՐԱՆՏՈՒՐԱՅԻ, ԴՈԿՏՈՐԱՆՏՈՒՐԱՅԻ ԱՇԽԱՏԱՆՔՆԵՐԻ ՄԱՍԻՆ» ՁԵՎ N 1-ԳՄ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Հրահանգը սահմանում է «Մագիստրատուրայի, ասպիրանտուրայի, դոկտորանտուրայի աշխատանքների մասին» ձև N 1-գմ (տարեկան) վիճակագրական հաշվետվության լրացման կարգը:
2. Հաշվետվությունը կազմում են հետբուհական և շարունակական կրթություն իրականացնող բարձրագույն ուսումնական հաստատություններն ու գիտական կազմակերպությունները, որոնք այդ մասին նախապես տեղեկացվում են:
3. Հաշվետվությունը ներկայացվում է Հայաստանի Հանրապետության Ազգային վիճակագրական ծառայության մարզային գործակալություն մինչև փետրվարի 25-ը, որը` Հայաստանի Հանրապետության Ազգային վիճակագրական ծառայություն մինչև մարտի 1-ը:
4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:
II. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ
Բաժին 1. Մագիստրանտների թվաքանակն ըստ գիտության ճյուղերի և մասնագիտությունների
5. Սյունակ Ա-ում բերվում է գիտության ճյուղերի ու մասնագիտությունների կոդերը, սյունակ Բ-ում` գիտության ճյուղերի ու մասնագիտությունների անվանումները: Գիտության ճյուղերի ու մասնագիտությունների կոդերը հաստատված են բարձրագույն որակավորման հանձնաժողովի կողմից (հրահանգին կից բերվում է նշված ճյուղերի ու մասնագիտությունների կոդերը):
6. Սյունակ 1-ում բերվում է նախատեսված տեղերի քանակը, որից առանձնացվում է վճարովի տեղերի քանակը (սյունակ 2):
7. Մագիստրատուրա ընդունվածների մասին տվյալները բերվում են սյունակներ 3-6-ում:
8. Մագիստրատուրայում սովորողների մասին տվյալները բերվում են սյունակներ 7-14-ում:
9. Հաշվետու տարում ավարտած մագիստրանտների մասին տվյալները բերվում են սյունակներ 15-18-ում:
Բաժին 2. Արտերկրացի մագիստրանտների թվաքանակն ըստ գիտության ճյուղերի և մասնագիտությունների
10. Այս ենթաբաժինը լրացվում է բաժին 1-ին համապատասխան` արտերկրացի մագիստրանտների համար:
Բաժին 3. Ասպիրանտների թվաքանակն ըստ գիտության ճյուղերի և մասնագիտությունների
Ենթաբաժին 3.1. Պետպատվեր 11. Սյունակ Բ-ում բերվում է գիտության ճյուղի և մասնագիտության կոդը, իսկ սյունակ Գ-ում` անվանումը: 12. Սյունակներ 1-2-ում բերվում է հաշվետու տարում համապատասխանաբար արտադրությունից կտրված և առանց արտադրությունից կտրվելու ընդունվածների թվաքանակը: 13. Սյունակներ 3-8-ում բերվում են տվյալներ հաշվետու տարում փաստացի ավարտած ասպիրանտների մասին տվյալներ: 14. Սյունակ 9-10-ում բերվում է տվյալներ ասպիրանտների թվաքանակների վերաբերյալ հաշվետու տարվան հաջորդող տարվա հունվարի 1-ի դրությամբ:
Ենթաբաժին 3.2. Վճարովի հիմունքներով 15. Այս ենթաբաժինը լրացվում է ենթաբաժին 3.1-ին համապատասխան` վճարովի հիմունքներով սովորող ասպիրանտների համար:
Բաժին 4. Ասպիրանտների քանակական շարժը
16. Սյունակ 1-ում բերվում է ասպիրանտների թվաքանակը հաշվետու տարվան հաջորդող տարվա հունվարի 1-ի դրությամբ:
17. Սյունակ 2-ում բերվում է հաշվետու տարում բարձրագույն ուսումնական հաստատություն ավարտած և նույն տարում ասպիրանտուրա ընդունվածների թվաքանակը:
18. Սյունակ 3-ում բերվում է կազմակերպություններից փոխադրված կամ վերականգնվածների թվաքանակը:
19. Սյունակ 4-ում բերվում է հաշվետու տարվա ընթացքում տարբեր պատճառներով դուրս մնացած ասպիրանտների թվաքանակը:
20. Սյունակ 5-ում բերվում է հաշվետու տարվան հաջորդող տարվա հունվարի 1-ի դրությամբ ուսուցման նախատեսված ժամկետից ավելի սովորող ասպիրանտների թվաքանակը:
Բաժին 5. Արտերկրացի ասպիրանտների և հայցողների քանակական շարժը
21. Սյունակ Բ-ում բերվում է գիտության ճյուղի և մասնագիտության կոդը, իսկ սյունակ Գ-ում` անվանումը:
22. Սյունակներ 1-2-ում բերվում են հաշվետու տարում համապատասխանաբար արտադրությունից կտրված և առանց արտադրությունից կտրվելու արտերկրացի ընդունվածների թվաքանակը:
23. Սյունակներ 3-8-ում բերվում են տվյալներ հաշվետու տարում փաստացի ավարտած արտերկրացի ասպիրանտների մասին տվյալներ:
24. Սյունակ 9-10-ում բերվում են տվյալներ արտերկրացի ասպիրանտների թվաքանակների վերաբերյալ հաշվետու տարվան հաջորդող տարվա հունվարի 1-ի դրությամբ:
25. Սյունակ 11-ում բերվում է արտերկրացի հայցողների թվաքանակը հաշվետու տարում:
26. Սյունակ 12-ում բերվում է մինչև հաշվետու տարին ասպիրանտուրայում սովորող արտերկրացի հայցողների թվաքանակը:
27. Սյունակներ 13-17-ում բերվում է վերջին հինգ տարիներում ասպիրանտուրան ավարտած արտերկրացի հայցողների թվաքանակը:
Բաժին 6. Գիտության թեկնածուի գիտական աստիճան հայցողները, թեկնածուական թեզերի պաշտպանությունը
28. Բաժնում լրացվում է տվյալներ գիտության թեկնածուի աստիճան հայցողների, թեկնածուական թեզերի պաշտպանության վերաբերյալ: Գիտության թեկնածուի գիտական աստիճան հայցողների թվաքանակը ներառում է տվյալ բարձրագույն ուսումնական հաստատությանը կամ կազմակերպությանը կցված և ինքնուրույն (ասպիրանտուրայի կազմում չընդգրկված) թեզը պաշտպանության ներկայացնող անձանց թվաքանակը:
29. Սյունակ Բ-ում բերվում է գիտության ճյուղի և մասնագիտության կոդը, իսկ սյունակ Գ-ում` անվանումը:
30. Սյունակ 1-ում բերվում է գիտության թեկնածուի գիտական աստիճան հայցողների թվաքանակը հաշվետու տարվան հաջորդող տարվա հունվարի 1-ի դրությամբ:
31. Սյունակ 2-ում բերվում է թեկնածուական թեզեր պաշտպանած հայցողների թվաքանակը հաշվետու տարում:
32. Սյունակ 3-ում բերվում է մինչև հաշվետու տարին ասպիրանտուրայում սովորած, թեկնածուական թեզեր պաշտպանած, հայցողների թվաքանակը:
33. Սյունակներ 4-8-ում բերվում է վերջին հինգ տարիներում թեկնածուական թեզեր պաշտպանած հայցողների թվաքանակը:
Բաժին 7. Դոկտորանտների թվաքանակն ըստ գիտության ճյուղերի և մասնագիտությունների
Ենթաբաժին 7.1. Պետպատվեր 34. Սյունակ Բ-ում բերվում է գիտության ճյուղի և մասնագիտության կոդը, իսկ սյունակ Գ-ում` անվանումը: 35. Սյունակներ 1-ում բերվում է հաշվետու տարում ընդունված դոկտորանտների թվաքանակը, որից առանձնացվում է արտերկրացի դոկտորանտների թվաքանակը (սյունակ 2): 36. Սյունակներ 3-8-ում բերվում են տվյալներ հաշվետու տարում փաստացի ավարտած դոկտորանտների մասին տվյալներ: 37. Սյունակ 9-ում բերվում է դոկտորանտների թվաքանակը հաշվետու տարվան հաջորդող տարվա հունվարի 1-ի դրությամբ, նրանցից առանձնացվում են արտերկրացի դոկտորանտները (սյունակ 10) և նախատեսված ժամկետից ավելի պատրաստվողները (սյունակ 11):
Ենթաբաժին 7.2. Վճարովի հիմունքներով 38. Այս ենթաբաժինը լրացվում է ենթաբաժին 7.1-ին համապատասխան` վճարովի հիմունքներով սովորող դոկտորանտների համար:
Բաժին 8. Կրթաթոշակ ստացողների և վճարովի հիմունքով սովորողների թվաքանակը, կրթաթոշակի և վճարի միջին չափը
39. Տողեր 801-803-ում բերվում են տվյալներ համապատասխանաբար մագիստրանտների, ասպիրանտների և դոկտորանտների վերաբերյալ:
40. Սյունակ 1-ում բերվում է կրթաթոշակ ստացողների ընդհանուր թվաքանակը, նրանցից կանայք` սյունակ 2-ում:
41. Սյունակ 3-ում բերվում է կրթաթոշակի միջին չափը:
42. Սյունակ 4-ում բերվում է վճարողների ընդհանուր թվաքանակը, նրանցից կանայք` սյունակ 5-ում:
43. Սյունակ 3-ում բերվում է վճարների միջին չափը:
Բաժին 9. Ֆինանսական միջոցների ստացումը և օգտագործումը
44. Ցուցանիշները լրացնելիս ֆինանսական տարին ընդունել հաշվետու տարվա հունվարի 1-ից դեկտեմբերի 31-ը:
45. Սյունակ 1-ում բերվում է ընդհանուր ֆինանսական միջոցները:
46. Սյունակ 2-ում բերվում է ֆինանսական միջոցների մնացորդը տարեսկզբին:
47. Ընթացիկ տարվա ֆինանսական մուտքերի մասին տվյալները բերվում են սյունակներ 3-9-ում:
48. Սյունակ 10-ում բերվում են ընդհանուր ֆինանսական ծախսերը, որոնցից առանձնացվում են.
1) «նյութական ծախսեր» սյունակ 11-ում բերվում է ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության ծախսերը, արտահագուստի, փոքրարժեք և արագամաշ գույքի մաշվածությունը, վառելիքի, էլեկտրաէներգիայի և նմանատիպ ծախսերը,
2) «ոչ նյութական ծառայությունների վճարումներ» սյունակ 12-ում բերվում է աշխատողների մասնագիտական պատրաստմանն ուղղված վճարումները, շենքերի, մեքենաների և սարքավորումների վարձակալական վճարումները, գիտահետազոտական և փորձարարական աշխատանքների, ֆինանսական, իրավաբանական, պահակային և հակահրդեհային ծառայությունների վճարումները, ներկայացուցչական, գովազդային, լիցենզավորման և սերտիֆիկացման ծախսերը և այլն,
3) «գործուղման ծախսեր» սյունակ 13-ում բերվում է հաստիքացուցակում ընդգրկված աշխատողների աշխատանքի մշտական վայրից դուրս որոշակի ժամկետով այլ վայրում հանձնարարություն կատարելու համար տրվող վճարները,
4) «աշխատանքի վարձատրության և դրան հավասարեցված այլ վճարումներ» սյունակ 14-ում բերվում է ինչպես հիմնական, այնպես էլ պայմանագրային աշխատողների կողմից փաստացի կատարված աշխատանքների դիմաց հաշվարկված աշխատավարձը, ներառյալ խթանող և փոխհատուցող վճարները: Խթանող վճարներ են համարվում, մասնավորապես, արտադրական ցուցանիշների, տարվա աշխատանքի արդյունքների համար պարգևատրումները, մասնագիտական վարձատրության համար տրվող հավելումները, երկարամյա ծառայության համար աշխատողներին տրվող միանվագ պարգևատրումները: Փոխհատուցող վճարներ (կապված աշխատանքային ռեժիմի և պայմանների հետ) են համարվում գիշերային աշխատանքի, արտաժամյա աշխատանքի, հանգստյան և տոն (ոչ աշխատանքային) օրերին, բազմահերթ ռեժիմով աշխատանքի, մասնագիտությունների համատեղման, սպասարկման գոտիների ընդլայնման, Հայաստանի Հանրապետության օրենսդրությամբ սահմանված կարգով ծանր, վնասակար և խիստ վնասակար համարվող աշխատանքի պայմաններում աշխատանքի համար աշխատավարձի նկատմամբ սահմանված հավելավճարներն ու լրավճարները: Աշխատանքի վարձատրության և դրան հավասարեցված այլ վճարումների մեջ են ներառվում նաև հերթական (ամենամյա) և լրացուցիչ արձակուրդների վարձատրությունները (չօգտագործված արձակուրդի համար փոխհատուցումը) և աշխատողների աշխատանքի վարձատրությանն ուղղված այլ վճարումները,
5) սյունակ 15-ում բերվում է մագիստրանտներին, ասպիրանտներին և դոկտորանտներին տրված կրթաթոշակի չափը,
6) աշխատանքի վարձատրությանն ուղղվող միջոցներից զբաղվածության, կենսաթոշակային, պարտադիր սոցիալական ապահովագրության համար կատարված վճարները բերվում են սյունակ 16-ում,
7) սյունակ 17-ում բերվում է բարձրագույն ուսումնական հաստատության կամ գիտական կազմակերպության կողմից կատարված շենքերի և շինությունների, ինչպես նաև մեքենաների և սարքավորումների ձեռք բերման և վերանորոգման ծախսերը,
8) վերը նշված տողերում չընդգրկված և ընթացիկ գործունեության հետ կապված այլ ծախսերը բերվում են սյունակ 18-ում:
49. Սյունակ 19-ում բերվում է ֆինանսական միջոցների մնացորդը տարեվերջին:
----------------------------------------------
ԻՐՏԵԿ - ձևը չի բերվում