Սեղմել Esc փակելու համար:
ՄԱՔՍԱՅԻՆ ԾԱՌԱՅՈՒԹՅԱՆ ՀԱՏՈՒԿ ԿՈՉՈՒՄ ՇՆ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՄԱՔՍԱՅԻՆ ԾԱՌԱՅՈՒԹՅԱՆ ՀԱՏՈՒԿ ԿՈՉՈՒՄ ՇՆՈՐՀԵԼԻՍ ՄԱՔՍԱ ...

 

 

040.2100.301202

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«30» դեկտեմբերի 2002 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

19 դեկտեմբերի 2002 թվականի N 2100-Ն

 

i

ՄԱՔՍԱՅԻՆ ԾԱՌԱՅՈՒԹՅԱՆ ՀԱՏՈՒԿ ԿՈՉՈՒՄ ՇՆՈՐՀԵԼԻՍ ՄԱՔՍԱՅԻՆ ԾԱՌԱՅՈՂԻ ՆԱԽԿԻՆ ԱՇԽԱՏԱՆՔԻ ԿԱՄ ԾԱՌԱՅՈՒԹՅԱՆ ՎԱՅՐՈՒՄ ՇՆՈՐՀՎԱԾ ԴԱՍԱՅԻՆ, ՀԱՏՈՒԿ ԿԱՄ ԶԻՆՎՈՐԱԿԱՆ ԿՈՉՈՒՄԸ ՀԱՇՎԻ ԱՌՆԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

 

«Մաքսային ծառայության մասին» Հայաստանի Հանրապետության օրենքի 19-րդ հոդվածի երրորդ մասին համապատասխան` Հայաստանի Հանրապետության կառավարությունը որոշում է.

1. Սահմանել մաքսային ծառայության հատուկ կոչում շնորհելիս մաքսային ծառայողի նախկին աշխատանքի կամ ծառայության վայրում շնորհված դասային, հատուկ կամ զինվորական կոչումը հաշվի առնելու կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2002 ԹՎԱԿԱՆԻ ԴԵԿՏԵՄԲԵՐԻ 28-ԻՆ

Հավելված

Հայաստանի Հանրապետության

կառավարության 2002 թվականի

դեկտեմբերի 19-ի N 2100-Ն որոշման

 

ԿԱՐԳ

ՄԱՔՍԱՅԻՆ ԾԱՌԱՅՈՒԹՅԱՆ ՀԱՏՈՒԿ ԿՈՉՈՒՄ ՇՆՈՐՀԵԼԻՍ ՄԱՔՍԱՅԻՆ ԾԱՌԱՅՈՂԻ ՆԱԽԿԻՆ ԱՇԽԱՏԱՆՔԻ ԿԱՄ ԾԱՌԱՅՈՒԹՅԱՆ ՎԱՅՐՈՒՄ ՇՆՈՐՀՎԱԾ ԴԱՍԱՅԻՆ, ՀԱՏՈՒԿ ԿԱՄ ԶԻՆՎՈՐԱԿԱՆ ԿՈՉՈՒՄԸ ՀԱՇՎԻ ԱՌՆԵԼՈՒ

 

1. Սույն կարգով սահմանվում է մաքսային ծառայության հատուկ կոչում շնորհելիս մաքսային ծառայողի նախկին աշխատանքի կամ ծառայության վայրում շնորհված դասային, հատուկ կամ զինվորական կոչումը հաշվի առնելու կարգը:

2. Մաքսային ծառայողին մաքսային ծառայության հատուկ կոչում շնորհելիս մաքսային ծառայողի նախկին աշխատանքի կամ ծառայության վայրում շնորհված դասային, հատուկ կամ զինվորական կոչումը հաշվի է առնվում, եթե այն բարձր չէ մաքսային ծառայության տվյալ պաշտոնին հասանելիք առավելագույն կոչումից:

3. Մաքսային ծառայության տվյալ պաշտոնի համար սահմանված առավելագույն հատուկ կոչումից բարձր կոչում ունենալու դեպքում մաքսային ծառայողի նախկին ծառայության վայրում շնորհված դասային, հատուկ կամ զինվորական կոչումը հաշվի առնելով` մաքսային ծառայողին շնորհվում է տվյալ պաշտոնին համապատասխան առավելագույն հատուկ կոչում:

Այլ պետական մարմիններում շնորհված զինվորական կամ հատուկ կոչումները (դասային կոչումները) հավասարապես համապատասխանում են մաքսային ծառայության հատուկ կոչումներին:

4. Մաքսային ծառայության տվյալ պաշտոնի համար սահմանված առավելագույն հատուկ կոչումից բարձր կոչում ունենալու դեպքում մաքսային ծառայողի նախկին ծառայության վայրում շնորհված հատուկ կամ զինվորական կոչումը հաշվի առնելով` մաքսային ծառայողին վերադաս մաքսային մարմնի ղեկավարի հայեցողությամբ կարող է շնորհվել տվյալ պաշտոնին համապատասխան առավելագույն հատուկ կոչումից բարձր կոչում (բացառությամբ մաքսային ծառայության գեներալ-մայորի հատուկ կոչման), եթե տվյալ պաշտոնի հիմնական նկարագիրը (անձնագիրը) համապատասխանում է նախկին աշխատանքի կամ ծառայության վայրի պաշտոնի նկարագրին:

 

 

pin
ՀՀ կառավարություն
19.12.2002
N 2100-Ն
Որոշում