(ուժը կորցրել է 29.02.08թ` 11.10.07 ՀՕ-195-Ն օրենք)
010.0514.310103
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ
Ընդունված է 2002 թվականի դեկտեմբերի 26-ին
«ԱՐԺԵԹՂԹԵՐԻ ՇՈՒԿԱՅԻ ԿԱՐԳԱՎՈՐՄԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
i
ՀՈԴՎԱԾ 1. «Արժեթղթերի շուկայի կարգավորման մասին» Հայաստանի Հանրապետության օրենքի (6 հուլիսի 2000 թվականի, ՀՕ-82) 32-րդ հոդվածի երկրորդ մասը շարադրել հետևյալ խմբագրությամբ`
«2. Հանձնաժողովն իր խնդիրներն իրականացնելու նպատակով իրավունք ունի սահմանել հաշվետու թողարկողների ֆինանսական հաշվետվությունների աուդիտն իրականացնող անձանց ներկայացվող լրացուցիչ պահանջներ` աուդիտորական գործունեության իրականացման աշխատանքներում ներգրավված մասնագետների քանակի, աուդիտորական գործունեության իրականացման աշխատանքներում ներգրավված, Հայաստանի Հանրապետության օրենսդրությամբ սահմանված կարգով որակավորում ստացած աուդիտորների քանակի և աուդիտորական գործունեությունից ստացված տարեկան հասույթի վերաբերյալ:»:
i
ՀՈԴՎԱԾ 2. Օրենքի 10-րդ հոդվածի 3-րդ մասի «բ» կետում «աուդիտի» բառը, ինչպես նաև 20-րդ հոդվածի 2-րդ մասի «թ» կետում, 31-րդ հոդվածի 1-ին մասի «բ» կետում, 104-րդ հոդվածի 2-րդ մասում «աուդիտորի» բառը փոխարինել «աուդիտորական» բառով:
31 հունվարի 2003 թվականի
ՀՕ-514-Ն