040.0024.280103
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«28» հունվարի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
16 հունվարի 2003 թվականի N 24-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2000 ԹՎԱԿԱՆԻ ՀՈԿՏԵՄԲԵՐԻ 25-Ի N 682 ՈՐՈՇՄԱՆ ԿԱՏԱՐՄԱՆ ՄԻՋՈՑԱՌՈՒՄՆԵՐԻ ՄԱՍԻՆ
Հայաստանի Հանրապետության կառավարության 2000 թվականի հոկտեմբերի 25-ի «Հայաստանի Հանրապետության տարածքում (բացառությամբ աղետի գոտու վերականգնման առաջնահերթ ծրագրում ընդգրկված բնակավայրերի) քանդման ենթակա վթարային բնակելի տների բնակիչների բնակարանային խնդիրները լուծելու մասին» N 682 որոշման կատարումն ապահովելու նպատակով, ինչպես նաև հաշվի առնելով Երևանի Աջափնյակ թաղային համայնքի ավագանու 2002 թվականի հուլիսի 18-ի N 20 որոշումը` Հայաստանի Հանրապետության կառավարությունը որոշում է.
1. Բնակարանային խնդիրները լուծելու նպատակով լրացուցիչ դրամական աջակցություն ցույց տալ տաս ընտանիքի` Երևանի Շինարարների փողոցի N 6 շենքի 1-3-րդ չքանդվող մուտքերի բնակիչներին նախատեսված գումարների հաշվին` համաձայն Երևանի Աջափնյակ թաղային համայնքի ավագանու կողմից հաստատված ցուցակի:
2. Հայաստանի Հանրապետության կառավարության 2000 թվականի հոկտեմբերի 25-ի «Հայաստանի Հանրապետության տարածքում (բացառությամբ աղետի գոտու վերականգնման առաջնահերթ ծրագրում ընդգրկված բնակավայրերի) քանդման ենթակա վթարային բնակելի տների բնակիչների բնակարանային խնդիրները լուծելու մասին» N 682 որոշմամբ հաստատված` Հայաստանի Հանրապետության 2000 թվականի պետական բյուջեով նախատեսված միջոցների հաշվին Հայաստանի Հանրապետության տարածքում (բացառությամբ աղետի գոտու վերականգնման առաջնահերթ ծրագրում ընդգրկված բնակավայրերի) քանդման ենթակա վթարային բնակելի տների բնակիչների վերաբնակեցման և այդ տների քանդման ծրագրից դուրս մնացած երեք ընտանիքի տրամադրել դրամական աջակցություն` նշված ծրագրով նախատեսված գումարների տնտեսման հաշվին` համաձայն Երևանի Աջափնյակ թաղային համայնքի ավագանու կողմից հաստատված ցուցակի:
3. Հայաստանի Հանրապետության 2002 թվականի պետական բյուջեով նախատեսված կապիտալի գործառնություններից եկամուտների գծով Երևան քաղաքի մասով փաստացի գերազանցած մուտքերից 58,0 միլիոն դրամ տրամադրել Երևանի Աջափնյակ թաղային համայնքին` 4 վթարային շենքում` կարգադրությունների (նախկին Երքաղխորհրդի գործկոմի, նախկին Մաշտոցի շրջխորհրդի գործկոմի, Երևանի քաղաքապետարանի, Երևանի Աջափնյակ թաղային համայնքի) հիման վրա, ինչպես նաև ապօրինի բնակվող ընտանիքներին դրամական աջակցություն ցույց տալու համար` համաձայն Երևանի Աջափնյակ թաղային համայնքի ավագանու կողմից հաստատված ցուցակի:
4. Հայաստանի Հանրապետության 2002 թվականի պետական բյուջեով նախատեսված կապիտալի գործառնություններից եկամուտների գծով Երևան քաղաքի մասով փաստացի գերազանցած մուտքերից 60 միլիոն դրամ տրամադրել Երևանի Աջափնյակի թաղապետարանին` Հայաստանի Հանրապետության կառավարության 2000 թվականի հոկտեմբերի 25-ի N 682 որոշմամբ նախատեսված Երևանի Շինարարների փողոցի N 6, Ֆուչիկի փողոցի NN 10, 19 և Սիսակյան փողոցի N 16 շենքերի մնացած բնակիչներին (հիմնական ու փախստական ընտանիքներ) դրամական աջակցություն ցույց տալու համար:
5. Նախատեսվող աջակցության համար անհրաժեշտ գումարները տրամադրել համապատասխան փաստաթղթերի առկայության դեպքում:
6. Ընդունել ի գիտություն, որ`
ա) Երևանի Շինարարների փողոցի N 6 շենքի 1-3-րդ մուտքերի ամրացումը կատարվելու է Երևանի Աջափնյակ թաղային համայնքի միջոցների հաշվին` համաձայն Երևանի Աջափնյակ թաղային համայնքի ավագանու 2003 թվականի հունվարի 7-ի N 37 որոշման.
բ) կարգադրությունների հիման վրա (նախկին Երքաղխորհրդի գործկոմի, նախկին Մաշտոցի շրջխորհրդի գործկոմի, Երևանի քաղաքապետարանի, Երևանի Աջափնյակ թաղային համայնքի), ինչպես նաև ապօրինի բնակվող բնակիչներին դրամական աջակցությունը ցույց է տրվելու Երևանի Աջափնյակ թաղային համայնքի կողմից` համաձայն Երևանի Աջափնյակ թաղային համայնքի ավագանու համապատասխան որոշումների ու ճշտված ցուցակի:
7. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ՀՈՒՆՎԱՐԻ 23-ԻՆ