(ուժը կորցրել է 02.07.01 թիվ 588 որոշում)
i
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ
«13» սեպտեմբերի 1996 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
13 սեպտեմբերի 1996 թվականի թիվ 295
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1995 ԹՎԱԿԱՆԻ ՀՈՒՆԻՍԻ 30-Ի ԹԻՎ 392 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է`
1. Հայաստանի Հանրապետության կառավարության 1995 թվականի հունիսի 30-ի «Սեփականաշնորհվող պետական ձեռնարկությունների բաժնետոմսերի բաց աճուրդային վաճառքի կանոնակարգման մասին» թիվ 392 որոշմամբ հաստատված բաց բաժնետիրական ընկերության աճուրդային վաճառքի ձևով տեղաբաշխվող բաժնետոմսերի թողարկման օրինակելի ազդագրում կատարել հետևյալ փոփոխությունները`
i
ա) 5.10-րդ կետում «20-րդ օրը» բառերը փոխարինել «30 օրվա ընթացքում» բառերով.
բ) 5.12-րդ կետը շարադրել հետևյալ խմբագրությամբ.
i
«5.12. Գնորդներն աճուրդը կազմակերպողի հաշվարկային հաշվին մուծում են կանխավճար` վաթսուն հազար դրամ արժողությամբ (դրամով կամ սեփականաշնորհման սերտիֆիկատով):
Աճուրդի այն գնորդներին, որոնք վաճառքի միավորներ (լոտեր) ձեռք չեն բերում, կանխավճարը վերադարձվում է մասնակցի գրավոր պահանջով` համապատասխան վճարման միջոցով` դիմելուց հետո տասն օրվա ընթացքում:
Իրավունք վերապահել Հայաստանի Հանրապետության պետական ունեցվածքի հաշվառման և ապապետականացման վարչությանը աճուրդի մասնակցության վճարը (կանխավճար) մասնակցի կողմից մեկ ամսվա ընթացքում հետ չպահանջվելու դեպքում փոխանցել սեփականաշնորհման հատուկ հաշվին».
գ) 5.13-րդ կետը շարադրել հետևյալ խմբագրությամբ.
i
«5.13. Աճուրդի կանոնները խախտելու, ինչպես նաև, գնված վաճառքի միավորի (լոտի) 10 տոկոսի չափով գումարը տեղում դրամով կամ սեփականաշնորհման սերտիֆիկատով 30 րոպեի ընթացքում չմուծելու դեպքերում կանխավճարը չի վերադարձվում և համարվում է, որ գնորդը հրաժարվել է արժեթղթերի ձեռքբերումից, իսկ տվյալ լոտի վաճառքն սկսվում է նորից».
դ) 5.14-րդ կետը շարադրել հետևյալ խմբագրությամբ.
i
«5.14. Գնված վաճառքի միավորների (լոտերի) արժեքի մնացած մասը վճարվում է սեփականաշնորհման սերտիֆիկատով կամ դրամով, Հայխնայբանկում բացված համապատասխան հաշվին, ոչ ուշ, քան աճուրդի անցկացման հաջորդ աշխատանքային օրը, հակառակ դեպքում աճուրդում մասնակցի կողմից վճարված 10 տոկոս գումարը չի վերադարձվում:
Աճուրդում մասնակցի կողմից վճարված 10 տոկոս գումարը Հայխնայբանկի համապատասխան հաշվին է մուծում աճուրդը կազմակերպողը»:
2. Սույն որոշումն ուժի մեջ է մտնում 1996 թվականի սեպտեմբերի 13-ից: