(ուժը կորցրել է 22.06.05 թիվ 13-Ն որոշում)
i
606.0032.130303
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«13» 03 2003 Թ.
ՊԵՏԱԿԱՆ ԳՐԱՆՑՄԱՆ ԹԻՎ 60603079
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ
ՈՐՈՇՈՒՄ
27 փետրվարի 2003 թվականի N 32-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ` ՄԵԾԱՄԱՍՆԱԿԱՆ ԸՆՏՐԱԿԱՐԳՈՎ ԳՐԱՆՑՎԱԾ ՊԱՏԳԱՄԱՎՈՐՈՒԹՅԱՆ ԹԵԿՆԱԾՈՒԻ ՎՍՏԱՀՎԱԾ ԱՆՁԱՆՑ ԳՐԱՆՑՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ
Ղեկավարվելով Հայաստանի Հանրապետության ընտրական օրենսգրքի 27-րդ հոդվածի երրորդ կետով, Հայաստանի Հանրապետության կենտրոնական ընտրական հանձնաժողովը որոշում է.
1. Սահմանել Հայաստանի Հանրապետության Ազգային ժողովի` մեծամասնական ընտրակարգով գրանցված պատգամավորության թեկնածուի վստահված անձանց գրանցման կարգը (Հավելված 1):
2. Հաստատել Հայաստանի Հանրապետության Ազգային ժողովի` մեծամասնական ընտրակարգով գրանցված պատգամավորության թեկնածուի վստահված անձանց վկայականներ ստանալու հայտի ձևը (Հավելված 2):
Հավելված 1
Հայաստանի Հանրապետության
կենտրոնական ընտրական
հանձնաժողովի 2003 թվականի
փետրվարի 27-ի թիվ 32-Ն որոշման
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ` ՄԵԾԱՄԱՍՆԱԿԱՆ ԸՆՏՐԱԿԱՐԳՈՎ ԳՐԱՆՑՎԱԾ ՊԱՏԳԱՄԱՎՈՐՈՒԹՅԱՆ ԹԵԿՆԱԾՈՒԻ ՎՍՏԱՀՎԱԾ ԱՆՁԱՆՑ ԳՐԱՆՑՄԱՆ
1. Հայաստանի Հանրապետության Ազգային ժողովի` մեծամասնական ընտրակարգով ընտրությունների ժամանակ ընտրատարածքային ընտրական հանձնաժողովում գրանցված պատգամավորության թեկնածուի վստահված անձանց կնքված վկայականները տալիս է համապատասխան ընտրատարածքային ընտրական հանձնաժողովը (յուրաքանչյուր թեկնածուի համար ընտրատարածքի տեղամասերի թվի եռապատիկից ոչ ավելի):
2. Ազգային ժողովի` մեծամասնական ընտրակարգով ընտրատարածքային ընտրական հանձնաժողովում պատգամավորության թեկնածուի գրանցումից հետո, թեկնածուն կամ իր լիազոր ներկայացուցիչը, կամ կուսակցության լիազոր ներկայացուցիչը, համապատասխան ընտրատարածքային ընտրական հանձնաժողով է ներկայացնում «Հայաստանի Հանրապետության Ազգային ժողովի` մեծամասնական ընտրակարգով գրանցված պատգամավորության թեկնածուի վստահված անձանց գրանցման կարգը սահմանելու մասին» որոշման թիվ 2 հավելվածի սահմանված ձևի վստահված անձանց վկայականները ստանալու հայտ և ցուցակ` նշելով վստահված անձանց ազգանունը, անունը, հայրանունը, աշխատանքի վայրը, անձնագրի սերիան և համարը:
3. Վկայականները տրվում են հայտը ներկայացնելուց հետո հնգօրյա ժամկետում, բայց ոչ ուշ, քան քվեարկության նախորդ օրը:
4. Վստահված անձը համարվում է գրանցված` ընտրատարածքային ընտրական հանձնաժողովի կողմից վկայականը վավերացնելու ու թեկնածուին կամ իր լիազոր ներկայացուցչին, կամ կուսակցության լիազոր ներկայացուցչին հանձնելու պահից:
5. Վստահված անձանց ցուցակում փոփոխություն կատարելու դեպքում թեկնածուն կամ իր լիազոր ներկայացուցիչը, կամ կուսակցության լիազոր ներկայացուցիչն այդ մասին տեղյակ է պահում համապատասխան ընտրատարածքային ընտրական հանձնաժողովին` ներկայացնելով նախկին վստահված անձանց վկայականները:
i
6. Ընտրական հանձնաժողովի նիստերին խորհրդակցական ձայնի իրավունքով և քվեարկության ընթացքում տեղամասային կենտրոնում կարող է ներկա գտնվել մեծամասնական ընտրակարգով գրանցված պատգամավորության յուրաքանչյուր թեկնածուի մեկ վստահված անձ (այսուհետ` վստահված անձ):
(6-րդ կետը լրաց. 04.05.03 թիվ 133-Ն որոշում)
7. Վստահված անձը ներկայանում է համապատասխան ընտրական հանձնաժողով, ներկայացնում անձը հաստատող փաստաթուղթ և վստահված անձի վկայականը: Ընտրական հանձնաժողով ներկայացած վստահված անձի մասին հանձնաժողովի քարտուղարը գրառում է կատարում հանձնաժողովի գործավարության մատյանում` նշելով մեծամասնական ընտրակարգով գրանցված պատգամավորության թեկնածուի անունը, ազգանունը, վստահված անձի անունը, ազգանունը և ներկայանալու ժամը:
(7-րդ կետը լրաց. 04.05.03 թիվ 133-Ն որոշում)
8. Սույն կարգի 7-րդ կետով սահմանված կարգով տվյալ ընտրական հանձնաժողովում գտնվող վստահված անձը կարող է փոխարինվել մեծամասնական ընտրակարգով գրանցված պատգամավորության նույն թեկնածուի մեկ այլ վստահված անձով:
Տեղամասային կենտրոնում վստահված անձանց փոփոխությունը կատարվում է նրանց փոխադարձ համաձայնությամբ:
Վստահված անձանց փոփոխության և նոր ներկայացած վստահված անձի մասին ընտրական հանձնաժողովի գործավարության մատյանում սույն կարգի 7-րդ կետի համապատասխան կատարվում է գրառում, եթե նախորդ վստահված անձը դուրս է եկել տեղամասային կենտրոնից:
(8-րդ կետը լրաց. 04.05.03 թիվ 133-Ն որոշում)
Հավելված 2
Հաստատված է
Հայաստանի Հանրապետության
կենտրոնական ընտրական
հանձնաժողովի 2003 թվականի
փետրվարի 27-ի թիվ 32-Ն որոշման
Թիվ ------ ընտրատարածքային
ընտրական հանձնաժողովի քարտուղարին
Ազգային ժողովի պատգամավորության թեկնածու
(կամ թեկնածուի լիազոր ներկայացուցիչ)
______________________________________- ից
անուն, հայրանուն, ազգանուն
ՀԱՅՏ
Վստահված անձանց վկայականներ ստանալու
Խնդրում եմ, ՀՀ ընտրական օրենսգրքի 27-րդ հոդվածի և ՀՀ կենտրոնական ընտրական հանձնաժողով 27.02.2003 թ. թիվ 32-Ն որոշմամբ սահմանված կարգի համաձայն, ինձ տրամադրել վստահված անձանց վկայականներ թվով ------ հատ:
Վստահված անձանց ցուցակը կցվում է:
«-----» --------- 200 թ. -----------------
ստորագրություն
__________________________________________________________
Ես` ______________________________________________ թիվ _________
(անուն, հայրանուն, ազգանուն)
ընտրատարածքային ընտրական հանձնաժողովից ստացա ______ հատ վստահված անձի վկայական:
«-----» --------- 200 թ. -----------------
ստորագրություն