(ուժը կորցրել է 15.11.13 թիվ 506-Ն հրաման)
i
329.0096.150403
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«15» 04 2003 Թ.
ՊԵՏԱԿԱՆ ԳՐԱՆՑՄԱՆ ԹԻՎ 32903122
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՄԱՔՍԱՅԻՆ ՊԵՏԱԿԱՆ ԿՈՄԻՏԵ ՀՐԱՄԱՆ
23 դեկտեմբերի 2002 թվականի N 02/96
i
ՄԱՔՍԱՅԻՆ ԾԱՌԱՅՈՂՆԵՐԻ ՀԱՏՈՒԿ ՊԱՏՐԱՍՏՈՒԹՅԱՆ ԵՎ ՊԻՏԱՆԻՈՒԹՅԱՆ ՍՏՈՒԳՈՒՄՆԵՐԻ ԱՆՑԿԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
«Մաքսային ծառայության մասին» Հայաստանի Հանրապետության օրենքի 26-րդ հոդվածի առաջին մասին համապատասխան
ՀՐԱՄԱՅՈՒՄ ԵՄ`
Հաստատել «Մաքսային ծառայողների հատուկ պատրաստության և պիտանիության ստուգումների անցկացման կարգը» համաձայն հավելվածի:
Հավելված
Հայաստանի Հանրապետության
կառավարությանն առընթեր
մաքսային պետական կոմիտեի
նախագահի 2002 թվականի
դեկտեմբերի 23-ի N 02/96 հրամանի
ԿԱՐԳ
ՄԱՔՍԱՅԻՆ ԾԱՌԱՅՈՂՆԵՐԻ ՀԱՏՈՒԿ ՊԱՏՐԱՍՏՈՒԹՅԱՆ ԵՎ ՊԻՏԱՆԻՈՒԹՅԱՆ ՍՏՈՒԳՈՒՄՆԵՐԻ ԱՆՑԿԱՑՄԱՆ
1. Սույն կարգը սահմանում է մաքսային մարմիններում աշխատող, ֆիզիկական ուժ, հատուկ միջոցներ և զենք օգտագործելու իրավասություն ունեցող մաքսային ծառայողների (այսուհետ` մաքսային ծառայող) հատուկ պատրաստության և պիտանիության ստուգումների անցկացման կարգը:
2. Հատուկ պատրաստության և պիտանիության ստուգումը մաքսային ծառայողի ֆիզիկական ուժ, հատուկ միջոցներ և զենք օգտագործելու իրավասություն ունենալու համապատասխանության որոշումն է:
3. Մաքսային ծառայողի հատուկ պատրաստության և պիտանիության ստուգումների անցկացումը իրականացվում է 3 տարին մեկ անգամ, բացառությամբ այն դեպքերի, երբ մաքսային ծառայողը մասնակցում է հերթական կամ արտահերթ ատեստավորման:
4. Մաքսային ծառայողի հատուկ պատրաստության և պիտանիության ստուգումների անցկացումը իրականացվում է հերթական ստուգման անցկացումից առնվազն մեկ տարի հետո:
5. Հատուկ պատրաստության և պիտանիության ստուգումների անցկացմանը չեն մասնակցում հղի և մինչև 3 տարեկան երեխայի խնամքի կապակցությամբ արձակուրդում գտնվող մաքսային ծառայողները, եթե նրանք նման ցանկություն չեն հայտնել:
6. Հատուկ պատրաստության և պիտանիության ստուգումների ենթակա, սակայն արձակուրդում կամ գործուղման մեջ գտնվող, ինչպես նաև ժամանակավոր անաշխատունակ մաքսային ծառայողները ենթակա են ստուգման աշխատանքի ներկայանալուց հետո մեկամսյա ժամկետում, բացառությամբ հղիության և երեխայի խնամքի կապակցությամբ արձակուրդում գտնվող մաքսային ծառայողների:
7. Հղիության և երեխայի խնամքի կապակցությամբ արձակուրդում գտնվող մաքսային ծառայողների հատուկ պատրաստության և պիտանիության ստուգումների անցկացումն իրականացվում է արձակուրդից վերադառնալուց հետո երկու ամիս անց, սակայն ոչ ուշ, քան արձակուրդից վերադառնալուց հետո մեկ տարվա ընթացքում, եթե վերջիններս ավելի վաղ ստուգվելու ցանկություն չեն հայտնել:
8. Հատուկ պատրաստության և պիտանիության ստուգումներն անցկացվում են հետևյալ փուլերով`
ա) ֆիզիկական պատրաստականության ստուգում,
բ) հատուկ միջոցների հետ վարվելու և զենք օգտագործելու դեպքերի մասին տեսական իմացության ստուգում,
գ) հատուկ միջոցների հետ վարվելու ունակության ստուգում,
դ) զենքի կիրառման հմտության ստուգում:
9. Ֆիզիկական պատրաստականությունը ներառում է հետևյալ նորմատիվներն ըստ տարիքային խմբերի և սեռի`
._______________________________________________________________________.
|Հ/Հ|Վարժաձևը |18-24 |25-29 |30-34 |35-39 |40-60|40-55|
| | |տարեկան |տարեկան |տարեկան |տարեկան |տարե-|տարե-|
| | | | | | |կան |կան |
| | |_________|_________|_________|_________|_____|_____|
| | |տղա-|կին |տղա-|կին |տղա-|կին |տղա-|կին |տղա- |կին |
| | |մարդ| |մարդ| |մարդ| |մարդ| |մարդ | |
|___|_______________|____|____|____|____|____|____|____|____|_____|_____|
|1. |Վազք 100 մ/վրկ |14.3|17.0|14.9|17.5|15.5|18.5|17.8|20.0|20.1 |23.5 |
|2. |Ձգում պտտաձողի | 9 | - | 7 | - | 7 | - | 5 | - | 2 | - |
| |վրա (անգամ) | | | | | | | | | | |
|3. |Մեջքին պառկած | - | 40| - | 40| - | 30| - | 20| - | 8 |
| |հենադրությունից| | | | | | | | | | |
| |իրանի | | | | | | | | | | |
| |բարձրացում | | | | | | | | | | |
| |(անգամ) | | | | | | | | | | |
|4. |Հեռացատկ |4.20|3.40|4.10|3.20|4.00|3.00|3.80|2.80|3.30 |2.40 |
| |թափավազքից | | | | | | | | | | |
| |(մետր) | | | | | | | | | | |
|5. |Հեռացատկ |2.10|1.70|2.00|1.60|1.90|1.50|1.70|1.40|1.50 |1.20 |
| |տեղից (մետր) | | | | | | | | | | |
._______________________________________________________________________.
10. Հատուկ միջոցների հետ վարվելու և զենք օգտագործելու դեպքերի մասին տեսական իմացությունների ստուգումը ներառում է ՀՀ քրեական դատավարության օրենսդրությամբ և ՀՀ մաքսային օրենսդրությամբ հատուկ միջոցների ու զենքի օգտագործման և կիրառման իրավական հիմքերի իմացության ստուգումը:
11. Մաքսային ծառայողը պարտավոր է իմանալ իրեն հատկացված հատուկ միջոցների և զենքի տեխնիկական բնութագրերը:
12. Հատուկ միջոցների հետ վարվելու և զենք օգտագործելու դեպքերի մասին տեսական իմացությունների ստուգումը մաքսային ծառայողի կողմից համարվում է դրական հանձնված, եթե մաքսային ծառայողը պատասխանում է ստուգումն իրականացնող հանձնաժողովի բոլոր հարցերին:
13. Հատուկ միջոցների հետ վարվելու ունակության և զենքի կիրառման հմտության ստուգումը ներառում է հատուկ միջոցների և զենքի տեսակների օգտագործման իմացության ստուգումը, դրանք ըստ առանձին մասերի մասնատումը և հավաքումը:
14. Մաքսային ծառայողը մաքսային ծառայության տրամադրության տակ եղած զենքի տեսակների առանձին մասերի քանդումն ու հավաքումը կատարում է դրա իրականացման ստորև նշված նորմատիվների ստուգմամբ.
.___________________________________________________________________.
|Հ/Հ|Նորմատիվի անվանումը|Զենքի տեսակը և կատարման պայմանը |Կատարման|
| | | |ժամանակը|
|___|___________________|__________________________________|________|
|1. |Փամփշտակալի |«Մակարով» ատրճանակ | 23 |
| |լիցքավորում |փամփշտակալը ձեռքում, 8 փամփուշտ | |
| | |խառը թափված սեղանին | |
|___|___________________|__________________________________|________|
|2. |Ատրճանակի ոչ |կատարողը կանգնած է սեղանի դիմաց, | 9 |
| |լրիվ քանդելը |ատրճանակը սեղանին միացված | |
| | |փամփշտակալով | |
|___|___________________|__________________________________|________|
|3. |Ոչ լրիվ քանդած |կատարողը կանգնած է սեղանի դիմաց, | 11 |
| |վիճակից ատրճանակի |ձեռքերը իջեցրած, ատրճանակի մասերը | |
| |հավաքում |դասավորված են սեղանին | |
|___|___________________|__________________________________|________|
|4. |Փամփշտակալի |Ավտոմատ «Կալաշնիկով» | 50 |
| |լիցքավորում |փամփշտակալը ձեռքում, 30 փամփուշտ | |
| | |խառը թափված սեղանին | |
|___|___________________|__________________________________|________|
|5. |Ավտոմատի ոչ |կատարողը կանգնած է սեղանի դիմաց, | 26 |
| |լրիվ քանդելը |ձեռքերը իջեցրած, ավտոմատը սեղանին | |
| | |միացված փամփշտակալով | |
|___|___________________|__________________________________|________|
|6. |Ոչ լրիվ քանդած |կատարողը կանգնած է սեղանի դիմաց, | 40 |
| |վիճակից ատրճանակի |ավտոմատի մասերը և դետալները | |
| |հավաքում |դասավորված են սեղանին | |
.___________________________________________________________________.
15. Զենքի կիրառման հմտության ստուգումն իրականացվում է հրաձգության միջոցով` ստորև նշված նորմատիվներով.
«Մակարով» ատրճանակից տեղից անշարժ թիրախի վրա սահմանափակ ժամանակում կրակելու վարժության կատարման պայմանը`
Նշանակետ - կրծքային մարմին շրջագծերով (թիրախ N 4) 0,75x 0,75 չափի, անշարժ, տեղադրված կրակողի աչքի բարձրության հարթության վրա
Հեռավորությունը մինչ նշանակետ - 25 մետր
Փամփուշտների քանակը - 3 հատ
Կատարման ժամանակը - անսահմանափակ
Կրակելու դիրքը - կանգնած, ձեռքից
Գնահատականը - «ստուգված» 18 միավոր
Ավտոմատ զենքից վարժության կատարման պայմանները`
Նշանակետ - կրծքային մարմին շրջագծերով (թիրախ N 4) 0,75x 0,75 չափի, անշարժ, տեղադրված կրակողի աչքի բարձրության հարթության վրա
Հեռավորությունը մինչ նշանակետ - 50 մետր
Փամփուշտի քանակը - 3 հատ
Կատարման ժամանակը - անսահմանափակ
Կրակելու դիրքը - պառկած, հենակից
Կրակելու տեսակը - մեկական (հատ-հատ)
Գնահատականը - «ստուգված» - 15 միավոր