040.0471.120503
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«12» մայիսի 2003թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
17 ապրիլի 2003 թվականի N 471-Ն
i
«ԷՆԵՐԳԵՏԻԿԱՅԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ԿԻՐԱՐԿՈՒՄՆ ԱՊԱՀՈՎՈՂ ՄԻՋՈՑԱՌՈՒՄՆԵՐԻ ՄԱՍԻՆ
«Էներգետիկայի մասին» Հայաստանի Հանրապետության օրենքին համապատասխան` Հայաստանի Հանրապետության կառավարությունը որոշում է.
i
1. «Էներգետիկայի մասին» Հայաստանի Հանրապետության օրենքի 6-րդ հոդվածով սահմանված` Հայաստանի Հանրապետության կառավարության կողմից լիազորված պետական մարմինների իրավասությունը վերապահել Հայաստանի Հանրապետության կառավարությանն առընթեր միջուկային անվտանգության կարգավորման պետական կոմիտեին և Հայաստանի Հանրապետության էներգետիկայի բնական պաշարների նախարարությանը` իրենց իրավասությունների սահմաններում:
(1-ին կետը փոփ. 01.12.05 թիվ 2068-Ն որոշում)
i
2. «Էներգետիկայի մասին» Հայաստանի Հանրապետության օրենքի 17-րդ հոդվածի «զ» մասով, 37-րդ հոդվածի 2-րդ մասով, 49-րդ հոդվածի 2-րդ մասով սահմանված` Հայաստանի Հանրապետության կառավարության կողմից լիազորված պետական մարմնի իրավասությունը վերապահել Հայաստանի Հանրապետության էներգետիկայի և բնական պաշարների նախարարությանը:
i
3. «Էներգետիկայի մասին» Հայաստանի Հանրապետության օրենքի 49-րդ հոդվածի 1-ին մասով սահմանված` Հայաստանի Հանրապետության կառավարության կողմից լիազորված պետական մարմնի իրավասությունը վերապահել Հայաստանի Հանրապետության էկոնոմիկայի նախարարությանը:
(3-րդ կետը փոփ. 13.11.08 թիվ 1304-Ն որոշում)
4. Սահմանել, որ «Էներգետիկայի մասին» Հայաստանի Հանրապետության օրենքի`
ա) (4-րդ կետի ա ենթակետն ուժը կորցրել է 13.11.08 թիվ 1304-Ն որոշում)
i
բ) 59-րդ հոդվածի երկրորդ մասի «ա» կետի կատարման պատասխանատու պետական մարմիններն են Հայաստանի Հանրապետության բնապահպանության նախարարությունը, Հայաստանի Հանրապետության կառավարությանն առընթեր ջրային տնտեսության պետական կոմիտեն և Հայաստանի Հանրապետության էներգետիկայի և բնական պաշարների նախարարությունը` իրենց իրավասությունների սահմաններում.
գ) 59-րդ հոդվածի երկրորդ մասի «բ» կետի կատարման պատասխանատու պետական մարմինն է Հայաստանի Հանրապետության էներգետիկայի և բնական պաշարների նախարարությունը:
i
5. ՈՒժը կորցրած ճանաչել Հայաստանի Հանրապետության կառավարության 1999 թվականի սեպտեմբերի 23-ի «Էներգետիկայի մասին» Հայաստանի Հանրապետության օրենքի կիրարկումն ապահովող միջոցառումների մասին» N 592 որոշումը:
6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
(որոշումը փոփ. 13.11.08 թիվ 1304-Ն որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ՄԱՅԻՍԻ 5-ԻՆ