040.0531.210503
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«21» մայիսի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
23 ապրիլի 2003 թվականի N 531-Ա
i
«ՎԱՆԱՁՈՐԻ «ՀԱՑ» ԳՈՐԾԱՐԱՆԻ N 19 ԱՐՏԱԴՐԱՄԱՍ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԼՈՒԾԱՐՈՒՄԻՑ ՀԵՏՈ ՄՆԱՑԱԾ ԳՈՒՅՔԸ ՄԱՍՆԱՎՈՐԵՑՆԵԼՈՒ ՄԱՍԻՆ
Հիմք ընդունելով «Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 24.1.-րդ հոդվածի երրորդ կետը` Հայաստանի Հանրապետության կառավարությունը որոշում է.
1. «Վանաձորի «Հաց» գործարանի N 19 արտադրամաս» պետական փակ բաժնետիրական ընկերության լուծարումից հետո մնացած գույքն ուղղակի վաճառքի ձևով մասնավորեցնել Վանաձորի բնակիչ Կարեն Մկրտչյանին (այսուհետ` գնորդ, անձնագիր` AC 0254816):
2. Սահմանել գույքի վաճառքի գինը` 500.0 հազար դրամ:
3. Հայաստանի Հանրապետության կառավարությանն առընթեր պետական գույքի կառավարման վարչության պետին`
ա) մեկամսյա ժամկետում կազմակերպել գույքի վաճառքը.
բ) գնորդի կողմից համապատասխան վճարումները կատարվելուց հետո տասնօրյա ժամկետում կնքել մասնավորեցման պայմանագիր:
4. Սահմանել, որ`
ա) լուծարումից հետո մնացած գույքի պահառության համար չվճարված գումարները մեկամսյա ժամկետում գնորդի կողմից ենթակա են մարման.
բ) գնորդը պարտավոր է իր հաշվին վճարել անշարժ գույքի վաճառքից ծագող` սեփականության իրավունքի գրանցման հետ կապված վճարներն ու տուրքերը:
5. Վճարումները կատարել Հայաստանի Հանրապետության արժույթով:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ԱՊՐԻԼԻ 30-ԻՆ