041.0251.300503
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
30 մայիսի 2003 թվականի N 251-Ա
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 2003 ԹՎԱԿԱՆԻ ՄԱՅԻՍԻ 17-Ի N ՆԿ 29-Ն ԿԱՐԳԱԴՐՈՒԹՅԱՆ ԿԱՏԱՐՈՒՄՆ ԱՊԱՀՈՎԵԼՈՒ ՄԱՍԻՆ
Հայաստանի Հանրապետության Նախագահի 2003 թվականի մայիսի 17-ի «Հայաստանի Հանրապետության Նախագահի 2003 թվականի հունվարի 21-ից մարտի 3-ը Հայաստանի Հանրապետության մարզեր կատարած այցելությունների ընթացքում արծարծված խնդիրների լուծմանն ուղղված միջոցառումների մասին» N ՆԿ 29-Ն կարգադրության կատարումն ապահովելու նպատակով`
1. Հայաստանի Հանրապետության ֆինանսների և էկոնոմիկայի նախարարին` ի կատարումն կարգադրության 2-րդ կետի` իրավասու նախարարությունների, գերատեսչությունների և տարածքային կառավարման մարմինների հետ քննարկել ժամանակացույցով նախատեսված միջոցառումները և ապահովել դրանց ընդգրկումը Հայաստանի Հանրապետության 2004-2006 թվականների միջնաժամկետ ծախսերի ծրագրում և նշված տարիների պետական բյուջեում:
2. Հայաստանի Հանրապետության նախարարներին, պետական կառավարման մարմինների ղեկավարներին` ապահովել ժամանակացույցում ընդգրկված Հայաստանի Հանրապետության 2003 թվականի պետական բյուջեից ֆինանսավորում նախատեսող միջոցառումների իրականացումը` «Հայաստանի Հանրապետության 2003 թվականի պետական բյուջեի մասին» Հայաստանի Հանրապետության օրենքի համապատասխան հոդվածներով նախատեսված գումարների սահմաններում:
3. Հայաստանի Հանրապետության նախարարներին, մարզպետներին, պետական կառավարման այլ մարմինների, պատասխանատու կազմակերպությունների ղեկավարներին` Հայաստանի Հանրապետության Նախագահի 2003 թվականի մայիսի 17-ի N ՆԿ 29-Ն կարգադրության 3-րդ կետով նախատեսված ժամկետում միջոցառումների իրականացման ընթացքի վերաբերյալ տեղեկատվություն ներկայացնել նաև Հայաստանի Հանրապետության կառավարության աշխատակազմ:
4. Սույն որոշման 3-րդ կետի կատարման նկատմամբ վերահսկողությունը վերապահել Հայաստանի Հանրապետության կառավարության աշխատակազմի ղեկավար- նախարարին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ մայիսի 30-ԻՆ