i
(ուժը կորցրել է 03.05.12 թիվ 567-Ն որոշում, որը տարածվում է 2012 թվականի հունվարի 1-ից հետո ծագած իրավահարաբերությունների վրա)
040.0550.240503
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«24» մայիսի 2003թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
8 մայիսի 2003 թվականի N 550-Ն
ԲՈՆՈՒՍԻ ՄԵԾՈՒԹՅԱՆ ՀԱՇՎԱՐԿՄԱՆ ՄԵԽԱՆԻԶՄԸ ԵՎ ԿԱՐԳԸ ՍԱՀՄԱՆԵԼՈՒ ՄԱՍԻՆ
i
«Ընդերքն օգտակար հանածոների շահագործման նպատակով ուսումնասիրության և արդյունահանման համար տրամադրելու (կոնցեսիայի) մասին» Հայաստանի Հանրապետության օրենքի 49-րդ հոդվածին համապատասխան` Հայաստանի Հանրապետության կառավարությունը որոշում է.
i
1. Սահմանել բոնուսի մեծության հաշվարկման հետևյալ մեխանիզմը և կարգը` հանքային իրավունքով տրամադրված ընդերքի տեղամասի` Հայաստանի Հանրապետության ընդերքի մասին օրենսգրքով սահմանված օգտակար հանածոյի կորզվող արժեքի և Հայաստանի Հանրապետության օրենսդրությամբ սահմանված կարգով հաստատված պաշարների արտադրյալի 0,2 տոկոսը: Ընդ որում, վճարվող բոնուսի մեծությունը պետք է պակաս չլինի Հայաստանի Հանրապետության պետական բյուջեի հաշվին իրականացված` տվյալ ընդերքի տեղամասի ուսումնասիրության համար կատարված ծախսերի չափից:
(1-ին կետը փոփ. 03.12.09 թիվ 1407-Ն որոշում)
2. Բոնուսը վճարվում է Հայաստանի Հանրապետության պետական բյուջե` «Ընդերքն օգտակար հանածոների շահագործման նպատակով ուսումնասիրության և արդյունահանման համար տրամադրելու (կոնցեսիայի) մասին» Հայաստանի Հանրապետության օրենքի 51-րդ հոդվածով նախատեսված կոնցեսիոն պայմանագրով սահմանված ժամկետում, իսկ կոնցեսիոն պայմանագիր չկնքվելու դեպքում` համապատասխան լիցենզիան ուժի մեջ մտնելուց հետո եռամսյա ժամկետում:
3. Բոնուսի գանձումն ապահովվում է հանքավայրի մասին առևտրային արժեք ներկայացնող տեղեկատվությունը տրամադրող պետական կառավարման մարմնի կողմից:
4. Սույն որոշումն ուժի մեջ է մտնում 2003 թվականի հուլիսի 1-ից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ՄԱՅԻՍԻ 20-ԻՆ