ՀԱՍՏԱՏՎԱԾ Է ՀԱՍՏԱՏՎԱԾ Է
ՀՀ ՖԻՆԱՆՍՆԵՐԻ ՆԱԽԱՐԱՐՈՒԹՅՈՒՆ ՀՀ ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ
1996թ հունիսի 20-ի 1996թ հունիսի 27-ի
թիվ 233 հրամանով թիվ 148 հրամանով
Կ Ա Ր Գ
ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՆՈՐ ՆՄՈՒՇԻ ՊԵՏԱԿԱՆ ՀԱՄԱՐԱՆԻՇՆԵՐԻ
ԻՐԱՑՈՒՄԻՑ ՍՏԱՑՎԱԾ ԳՈՒՄԱՐԸ ՀԱՆՐԱՊԵՏԱԿԱՆ ԲՅՈՒՋԵԻ ԵԿԱՄՈՒՏՆԵՐԻՆ
ՀԱՇՎԱՆՑԵԼՈՒ ԵՎ ԱՅԴ ՄԻՋՈՑՆԵՐԻ ՀԱՇՎԻՆ ԳԵՐՄԱՆԱԿԱՆ «ԴՑԴ» ՖԻՐՄԱՅԻՆ ԳՈՒՄԱՐՆԵՐ ՓՈԽԱՆՑԵԼՈՒ
i
1. Սույնով սահմանվում է ՀՀ կառավարության 1996 թ. մայիսի 20-ի թիվ 155 որոշմանը համաձայն մշակված տրանսպորտային միջոցների նոր նմուշի պետական համարանիշների իրացումից ստացված գումարները հանրապետական բյուջեի եկամուտներին մուտքագրելու և այդ գումարներից համարանիշների պատրաստումը իրականացնող գերմանական «ԴՑԴ» ֆիրմային ՀՀ ներքին գործերի նախարարության հետ կնքված պայմանագրին համաձայն հասանելիք գումարներ վճարելու կարգը:
ԳՈՒՄԱՐՆԵՐԻ ԳԱՆՁՈՒՄ
2. Ավտոտրանսպորտային միջոցները գրանցելիս քաղաքացիները նոր նմուշի պետհամարանիշներ առաջին անգամ ստանալու համար Հայխնայբանկի լիազորված բաժանմունքներում վճարում են ՀՀ կառավարության կողմից սահմանված` 12,5 ԱՄՆ դոլարին համարժեք դրամ ՀՀ Հանրապետական բյուջեի թիվ 2141331 տարանցիկ հաշվին:
3. Կորցրած պետական համարանիշների փոխարեն նոր պետհամարանիշի տրման համար գանձվում է սույն կարգի 2-րդ կետում նշված գումարի կրկնակի չափով գումար:
4. Ավտոտրանսպորտային միջոցները գրանցելիս իրավաբանական անձի կարգավիճակ ունեցող և իրավաբանական անձի կարգավիճակ չունեցող ձեռնարկությունները, կազմակերպություններն ու հիմնարկները անկախ սեփականության ձևից և կազմակերպա-իրավական տեսակից նոր նմուշի պետական համարանիշներ ստանալու համար սույն կարգի 2. կետում նշված հաշվին են փոխանցում կամ մուծում նույն կետով սահմանված չափով գումար:
ԳԵՐՄԱՆԱԿԱՆ «ԴՑԴ» ՖԻՐՄԱՅԻՆ
ԾԱԽՍԵՐԻ ՀԱՏՈՒՑՈՒՄ
5. ՀՀ ներքին գործերի նախարարությունը մինչև հաջորդ ամսվա 10-ը ՀՀ ֆինանսների նախարարություն է ներկայացնում տեղեկանք, որում նշվում են Պետավտոտեսչության գրանցման-քննման բաժանմունքների /խմբերի/ կողմից նախորդ ամսվա ընթացքում իրացված պետհամարանիշների քանակները /նշելով կորցրած պետական համարանիշների փոխարեն տրված նոր պետհամարանիշների քանակը և դրանց դիմաց գանձված գումարի չափը/:
6. ՀՀ ֆինանսների նախարարությունը համեմատելով ՀՀ Կենտրոնական բանկի և ՀՀ Ներքին գործերի նախարարության կողմից ներկայացված տեղեկությունները 2 աշխատանքային օրվա ընթացքում ՀՀ Կենտրոնական բանկին է ուղարկում հանձնարարագիր գերմանական «ԴՑԴ» ֆիրմայի համապատասխան բանկային հաշվին գումարը փոխանցելու համար:
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅՈՒՆ ԿՈՂՄԻՑ
05.08.1996թ.
ՊԵՏԱԿԱՆ ԳՐԱՆՑՄԱՆ ԹԻՎ 20960041