040.0614.040603
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«4» հունիսի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
15 մայիսի 2003 թվականի N 614-Ա
«ՀՐԱԶԴԱՆ-6» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԲԱԺՆԵՏՈՄՍԵՐԸ ՄԱՍՆԱՎՈՐԵՑՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հաշվեկշռային մեթոդով 89819 հազար դրամ գնահատված ակտիվներ ունեցող «Հրազդան-6» փակ բաժնետիրական ընկերության բաժնետոմսերն ուղղակի վաճառքի ձևով մասնավորեցնել նախօրոք հայտնի գնորդ «ՇԻՆ ԻՆԺ Սերվիս» սահմանափակ պատասխանատվությամբ ընկերությանը (այսուհետ` գնորդ):
2. Սահմանել «Հրազդան-6» փակ բաժնետիրական ընկերության ուղղակի վաճառքի ձևով մասնավորեցման ենթակա բաժնետոմսերի գնահատված արժեքը` 28566 հազար դրամ:
3. Սահմանել ուղղակի վաճառքի ձևով մասնավորեցման ենթակա բաժնետոմսերի գինը` 7142 հազար դրամ:
4. «Հրազդան-6» փակ բաժնետիրական ընկերության պարտավորությունները 2003 թվականի հունվարի 1-ի դրությամբ կազմել են 61253 հազար դրամ, այդ թվում`
Հայաստանի Հանրապետության պետական բյուջեի նկատմամբ առևտրական կրեդիտորական պարտքի գծով` 8950 հազար դրամ,
անձնակազմին աշխատանքի վարձատրության գծով` 2718 հազար դրամ,
կարճաժամկետ բանկային վարկերի և փոխառությունների գծով` 5433 հազար դրամ,
առևտրական կրեդիտորական պարտքի գծով` 3265 հազար դրամ,
ստացված ընթացիկ կանխավճարների գծով` 33663 հազար դրամ,
սոցիալական ապահովագրության գծով` 7224 հազար դրամ:
5. «Հրազդան-6» փակ բաժնետիրական ընկերությունը 1998-2001 թվականների տնտեսական գործունեության արդյունքներով վճարման ենթակա շահութաբաժինների գծով պարտավորություններ չունի:
6. Հայաստանի Հանրապետության կառավարությանն առընթեր պետական գույքի կառավարման վարչության պետին` մասնավորեցման պայմանագրում նախատեսել, որ`
ա) գնորդը պարտավորվում է կատարել ներդրումներ և ստեղծել նոր աշխատատեղեր.
բ) գույքային իրավունքների պետական գրանցման և գույքի արժեքի որոշման հետ կապված վճարները և տուրքերը վճարվում են գնորդի հաշվին` Հայաստանի Հանրապետության օրենսդրությամբ սահմանված կարգով:
7. Վճարումներն իրականացնել եռամսյա ժամկետում` Հայաստանի Հանրապետության արժույթով:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ՄԱՅԻՍԻ 22-ԻՆ