(ուժը կորցրել է 29.12.10 թիվ 59-Ն որոշում)
i
603.0116.161202
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«16» 12 2002 Թ.
ՊԵՏԱԿԱՆ ԳՐԱՆՑՄԱՆ ԹԻՎ 60302360
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ
ՈՐՈՇՈՒՄ
9 օգոստոսի 2002 թվականի N 116-Ն
«ՀԱՇՎԵՏՎՈՒԹՅՈՒՆ ԿԱԹԻ ԳՆՈՒՄՆԵՐԻ ՄԱՍԻՆ» ՁԵՎ ԹԻՎ 13 (ԱՄՍԱԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի 3-րդ մասի ե/ կետով` Հայաստանի Հանրապետության վիճակագրության պետական խորհուրդը որոշում է`
Հաստատել «Հաշվետվություն կաթի գնումների մասին» Ձև թիվ 13-գնում (եռամսյակային) վիճակագրական հաշվետվության ձևը և լրացման հրահանգը` համաձայն հավելված 1-ի:
Հավելված 1
Հաստատված է
Հայաստանի Հանրապետության
վիճակագրության պետական խորհրդի
9 օգոստոսի 2002 թվականի
թիվ 116-Ն որոշմամբ
ՀՐԱՀԱՆԳ «ՀԱՇՎԵՏՎՈՒԹՅՈՒՆ ԿԱԹԻ ԳՆՈՒՄՆԵՐԻ ՄԱՍԻՆ» ՁԵՎ ԹԻՎ 13-ԳՆՈՒՄ (ԵՌԱՄՍՅԱԿԱՅԻՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆՆԵՐԻ ԼՐԱՑՄԱՆ
1. ԸՆԴՀԱՆՈՒՐ ԴՐՈՒՅԹՆԵՐ
1. Հրահանգը սահմանում է ձև թիվ 13-գնում (եռամսյակային) հաշվետվությունների լրացման կարգը:
2. Հաշվետվությունները լրացվում են գյուղատնտեսական մթերքի և հումքի գնումներ իրականացնող իրավաբանական անձանց կողմից, որոնք այդ մասին նախապես տեղեկացվում են, միայն հանրապետությունում արտադրված ծավալներից գնված գյուղատնտեսական մթերքի համար, հաշվետվության ձևերի վրա նշված ժամկետներին և պարբերականությամբ:
3. Հաշվետվության ցուցանիշները լրացվում են աճողական կարգով, տարվա սկզբից:
4. Վիճակագրական տեղեկությունների ներկայացման հետ խնդիրները կարգավորվում են Հայաստանի Հանրապետության օրենսդրությամբ:
2. ԼՐԱՑՄԱՆ ԿԱՐԳԸ
5. «Գնվել է կաթ և կաթնամթերք (ներառյալ ոչխարի և այծի կաթը), վերածած կովի կաթի, ընդամենը» թիվ 01 տողով, 1 և 2 սյունակներում, լրացվում են հաշվետու ժամկետում գնված կաթի և կաթնամթերքի (ներառյալ ոչխարի և այծի կաթը) ընդհանուր քանակը և արժեքը: Ոչխարի և այծի կաթը, կովի կաթի վերածելու համար օգտագործվում է 1,4 գործակիցը, այսինքն, ոչխարի կաթի քանակությունը բազմապատկվում է 1,4-ով:
6. «որից` առևտրային կազմակերպություններից»` թիվ 02 տողի թիվ 1 և 2 սյունակներում, լրացվում են կաթի արտադրությամբ զբաղվող բոլոր առևտրային կազմակերպություններից գնված կաթի ընդհանուր քանակը և արժեքը:
7. «Գնվել է անարատ կաթ, ընդամենը» թիվ 03 տողի 1 և 2 սյունակներում, լրացվում են հաշվետու ժամկետում գնված անարատ` (չզտված) կաթի քանակը և արժեքը:
8. «Վերահաշվարկված բազիսային յուղայնության» թիվ 04 տողի 1 և 2 սյունակներում լրացվում են հաշվետու ժամկետում գնված կաթը, վերահաշվարկված բազիսային յուղայնության: Կաթնամթերքը կաթի վերածելու համար` բազիսային յուղայնության դեպքում` 3,6 տոկոս, օգտագործում են հետևյալ նորմաները.
7,5 լ. կովի կաթից ստացվում է մոտ մեկ կգ. պանիր,
5 լ. ոչխարի կաթից` մեկ կգ. պանիր,
22 լ. կովի կաթից ստացվում է մոտ մեկ կգ. կարագ
9. «Այդ թվում` 1 տեսակի» թիվ 05, «2 տեսակի» թիվ 06 և «ոչ տեսակային» թիվ 07 տողերի 1 և 2 սյունակներում լրացվում է հաշվետու ժամկետում գնված կաթն ըստ տեսակների:
-----------------------------------------------
ԻՐՏԵԿ - հաշվետվության ձևը չի բերվում