/ուժը կորցրել է 09.08.96 թիվ 136 որոշում/
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ՎԱՐՉՈՒԹՅԱՆ
ՈՐՈՇՈՒՄ
12 հուլիսի 1996 թվականի թիվ 112
ԲԱՆԿԵՐԻ ՄԻՋՄԱՍՆԱՃՅՈՒՂԱՅԻՆ ՇՐՋԱՆԱՌՈՒԹՅԱՆ ՀԱՇՎԱՌՄԱՆ ՆՈՐ ԿԱՐԳ ՍԱՀՄԱՆԵԼՈՒ ՄԱՍԻՆ
Բանկերի հաշվեկշիռներում միջմասնաճյուղային շրջանառության արդյունքների կոնսոլիդացման, ինչպես նաև բանկերի ամփոփ հաշվեկշիռներից կոնսոլիդացված հաշվեկշիռների անցնելու նպատակով Հայաստանի Հանրապետության կենտրոնական բանկի վարչությունը որոշում է.
1. Սահմանել, որ մասնաճյուղեր ունեցող բանկերի կողմից Հայաստանի Հանրապետության կենտրոնական բանկ ներկայացվող հաշվետվություններում միջմասնաճյուղային շրջանառության հետևանքով հնարավոր փոփոխության ենթարկվող բոլոր հաշվեկշռային հաշիվները ենթակա են կոնսոլիդացման:
2. Հայաստանի Հանրապետության կենտրոնական բանկի վերահսկողության կարգավորման և արտոնագրման գլխավոր վարչությանը` մեկամսյա ժամկետում մշակել և Հայաստանի Հանրապետության տարածքում գործող բանկերին առաքել սույն որոշման դրույթները ամրագրող և հաշվապահական հաշվառման ձևակերպումները սահմանող շրջաբերականներ:
3. Սահմանել, որ սույն որոշման 1-ին կետը կիրառվում է 1996 թ. հոկտեմբերի 1-ից: