040.0931.070803
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«7» օգոստոսի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
31 հուլիսի 2003 թվականի N 931-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐՈՒ ՔԱՂԱՔԱՅԻՆ ԵՎ ՋԱՋՈՒՌ ԿԱՅԱՐԱՆԻ ԳՅՈՒՂԱԿԱՆ ՀԱՄԱՅՆՔՆԵՐԻՆ ՊԵՏԱԿԱՆ ԲՆԱԿԱՐԱՆԱՅԻՆ ՖՈՆԴ ՀԱՆԴԻՍԱՑՈՂ ԲՆԱԿԵԼԻ ՇԵՆՔԵՐԸ ԵՎ ԱՆՀԱՏԱԿԱՆ ԲՆԱԿԵԼԻ ՏՆԵՐԸ ՆՎԻՐԱԲԵՐԵԼՈՒ ՄԱՍԻՆ
Հայաստանի Հանրապետության Շիրակի մարզի Գյումրի քաղաքում և Ջաջուռ կայարանին կից գյուղում Հայաստանի Հանրապետության պետական բյուջեի միջոցների հաշվին կառուցված բնակարանային ֆոնդի մասնավորեցման գործընթացը խթանելու, բնակարանների շահագործումն ու սպասարկումը բարելավելու նպատակով և համաձայն Հայաստանի Հանրապետության քաղաքացիական օրենսգրքի 605-րդ հոդվածի` Հայաստանի Հանրապետության կառավարությունը որոշում է.
i
1. Մինչև Հայաստանի Հանրապետության կառավարության 2002 թվականի նոյեմբերի 21-ի N 1935-Ն որոշումն ուժի մեջ մտնելը` Հայաստանի Հանրապետության Շիրակի մարզում պետական միջոցների հաշվին կառուցված և շահագործման հանձնված պետական բնակարանային ֆոնդ հանդիսացող` Գյումրի քաղաքի Անի թաղամասի NN 9-1-1ա, 9-1-2ա, 6-1-6գ, 5-1-15ա բնակելի շենքերը և Ջաջուռ կայարանին կից գյուղի N 1-10 անհատական բնակելի տները նվիրաբերել համապատասխանաբար Գյումրու քաղաքային և Ջաջուռ կայարանի գյուղական համայնքներին` դրանք, վերջիններիս համաձայնությամբ, Հայաստանի Հանրապետության օրենսդրությամբ սահմանված կարգով նշված շենքերում և բնակելի տներում բնակվող վարձակալներին անհատույց, սեփականության իրավունքով հատկացնելու համար:
2. Հայաստանի Հանրապետության Շիրակի մարզպետին` համապատասխան համայնքների ղեկավարների հետ համատեղ մեկամսյա ժամկետում ավարտել սույն որոշման 1-ին կետում նշված բնակելի շենքերի և տների` սահմանված կարգով հանձնման-ընդունման աշխատանքների կատարումը և գույքային իրավունքների պետական գրանցումը:
Սահմանել, որ գույքային իրավունքների պետական գրանցման հետ կապված ծախսերն իրականացվում են Գյումրու քաղաքային և Ջաջուռ կայարանի գյուղական համայնքների բյուջետային միջոցների հաշվին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ՀՈՒԼԻՍԻ 31-ԻՆ