i
(ուժը կորցրել է 12.01.99թ` քրեական դատավարության օրենսգրքի մասով 01.07.98 թիվ ՀՕ-248 օրենք)
(ուժը կորցրել է 10.08.03 թվականից` քրեական օրենսգրքի մասով
(18.04.03 ՀՕ-529-Ն օրենք)
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ
Ընդունված է Ազգային Ժողովի կողմից
«4» նոյեմբերի 1996 թ.
ՎԱՐՉԱԿԱՆ ԻՐԱՎԱԽԱԽՏՈՒՄՆԵՐԻ ՎԵՐԱԲԵՐՅԱԼ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՍԳՐՔՈՒՄ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՐԵԱԿԱՆ ԵՎ ՔՐԵԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔԵՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
ՀՈԴՎԱԾ 1. Վարչական իրավախախտումների վերաբերյալ Հայաստանի Հանրապետության օրենսգրքում կատարել հետևյալ փոփոխությունները և լրացումները.
1. Օրենսգրքի 23 հոդվածի առաջին մասի 5 կետից, 29 հոդվածի վերնագրից և առաջին մասից հանել «տվյալ» բառը.
2. Օրենսգրքի 8 գլխի վերնագիրը շարադրել հետևյալ խմբագրությամբ`
«ԳԼՈՒԽ 8
Վարչական իրավախախտումներ արդյունաբերության,
էլեկտրական, ջերմային և ատոմային էներգիայի
օգտագործման բնագավառում».
3. Օրենսգրքի 97 հոդվածը շարադրել հետևյալ խմբագրությամբ`
«Հոդված 97. Ատոմային էներգիայի օգտագործման բնագավառում գործող նորմերը, կանոնները և հրահանգները խախտելը
Ատոմային էներգիայի օգտագործման բնագավառում գործող նորմերը, կանոնները և հրահանգները խախտելը`
առաջացնում է տուգանքի նշանակում սահմանված նվազագույն աշխատավարձի տասնապատիկից մինչև քսանապատիկի չափով».
4. Օրենսգիրքը լրացնել հետևյալ բովանդակությամբ 97,1, 97,2, 97,3, 97,4, 97,5, 97,6 հոդվածներով`
«Հոդված 97.1. Պետատոմհսկողության մարմինների կարգադրագրերի պահանջները խախտելը
Ատոմային էներգիայի օգտագործման բնագավառում գործունեություն իրականացնող անձանց կողմից պետատոմհսկողության մարմինների կարգադրագրերի պահանջները խախտելը`
առաջացնում է տուգանքի նշանակում սահմանված նվազագույն աշխատավարձի տասնապատիկից մինչև քսանապատիկի չափով».
Հոդված 97.2. Պաշտոնատար անձանց կողմից միջուկային տեղակայանքի, ռադիոակտիվ թափոնների տեղակայանքի, իոնացնող ճառագայթման աղբյուրի անձնակազմին շահագործման աշխատակարգը կամ անվտանգության կանոնները խախտել հարկադրելը
Պաշտոնատար անձանց կողմից միջուկային տեղակայանքի, ռադիոակտիվ թափոնների տեղակայանքի, իոնացնող ճառագայթման աղբյուրի անձնակազմին շահագործման աշխատակարգը կամ անվտանգության կանոնների խախտել հարկադրելը`
առաջացնում է տուգանքի նշանակում սահմանված նվազագույն աշխատավարձի քսանապատիկից մինչև հիսնապատիկի չափով կամ վարչական կալանք մինչև տասնհինգ օր ժամանակով.
Հոդված 97.3. Միջուկային տեղակայանքի, ռադիոակտիվ թափոնների տեղակայանքի, իոնացնող ճառագայթման աղբյուրի անձնակազմին և պաշտոնատար անձանց պաշտոնեական պարտականությունները կատարելուն խոչընդոտելը
Միջուկային տեղակայանքի, ռադիոակտիվ թափոնների տեղակայանքի, իոնացնող ճառագայթման աղբյուրի անձնակազմին և պաշտոնատար անձանց պաշտոնեական պարտականությունները կատարելուն խոչընդոտելը`
առաջացնում է տուգանքի նշանակում սահմանված նվազագույն աշխատավարձի քսանապատիկից մինչև հիսնապատիկի չափով կամ վարչական կալանք մինչև տասնհինգ օր ժամանակով.
Հոդված 97.4. Պետատոմհսկողության մարմինների պաշտոնատար անձանց պաշտոնեական պարտականությունների կատարելուն խոչընդոտելը
Պետատոմհսկողության մարմինների պաշտոնատար անձանց պաշտոնեական պարտականությունները կատարելուն խոչընդոտելը`
առաջացնում է տուգանքի նշանակում սահմանված նվազագույն աշխատավարձի քսանապատիկից մինչև քառասնապատիկի չափով.
Հոդված 97.5. Վթարի փաստը թաքցնելը, վթարի վերաբերյալ տեղեկությունների հաղորդման կարգը խախտելը, ճառագայթային իրավիճակի վերաբերյալ սխալ տեղեկություններ հաղորդելը
Միջուկային տեղակայանքում, ռադիոակտիվ թափոնների տեղակայանքում, իոնացնող ճառագայթման աղբյուրում վթարի փաստը թաքցնելը կամ վթարի վերաբերյալ տեղեկությունների հաղորդման կարգը խախտելը, շրջակա միջավայրի ճառագայթային աղտոտվածությանը վերաբերող տեղեկությունները թաքցնելը, իրավասու կազմակերպություններին ճառագայթային իրավիճակի վերաբերյալ սխալ տեղեկություններ հաղորդելը`
առաջացնում են տուգանքի նշանակում սահմանված նվազագույն աշխատավարձի երեսնապատիկից մինչև հիսնապատիկի չափով.
Հոդված 97.6. Միջուկային և ճառագայթային անվտանգության վերաբերյալ տեղեկությունները թաքցնելը կամ աղավաղելը
Ատոմային էներգիայի օգտագործման բնագավառում միջուկային և ճառագայթային անվտանգության վերաբերյալ տեղեկությունները թաքցնելը կամ աղավաղելը`
առաջացնում է տուգանքի նշանակում սահմանված նվազագույն աշխատավարձի տասնապատիկից մինչև երեսնապատիկի չափով».
5. Օրենսգրքի 223 հոդվածի առաջին մասում «53,1» թվից հետո լրացնել «97,2, 97,3 «թվերը:
6. Օրենսգրքի 232 հոդվածը շարադրել հետևյալ խմբագրությամբ`
«Հոդված 232. Պետատոմհսկողության մարմինները
Պետատոմհսկողության մարմինները քննում են սույն օրենսգրքի 97, 97,1, 97,4, 97,5, 97,6 հոդվածներով նախատեսված վարչական իրավախախտումների վերաբերյալ գործերը:
Պետատոմհսկողության մարմինների անունից վարչական իրավախախտումների վերաբերյալ գործերը քննելու և վարչական տույժեր նշանակելու իրավունք ունեն`
1/ սույն օրենսգրքի 97, 97,1, 7,4, 97,5, 97,6 հոդվածներով` պետատոմհսկողության մարմնի ղեկավարը.
2/ սույն օրենսգրքի 97, 97,1, 97,5, 97,6 հոդվածներով` նաև պետատոմհսկողության տեսչության պետը»:
ՀՈԴՎԱԾ 2. Հայաստանի Հանրապետության քրեական օրենսգրքում կատարել հետևյալ փոփոխությունները և լրացումները.
i
1. Օրենսգրքի 7,1 հոդվածի երկրորդ մասում «ռադիոակտիվ նյութեր հափշտակելը /237,3 հոդված/» բառերը փոխարինել «միջուկային կամ ռադիոակտիվ նյութեր հափշտակելը /237,3 հոդված/, ատոմային էներգիայի օգտագործման բնագավառում գործող նորմերը, կանոնները և հրահանգները խախատելը, եթե դա ծանր հետևանքներ է առաջացրել /237,7 հոդվածի երկրորդ մաս/, ատոմային էներգիայի օգտագործման օբյեկտներում, միջուկային տեղակայանքում, իոնացնող ճառագայթման աղբյուրում, ռադիոակտիվ թափոնների տեղակայանքում ստեղծված արտակարգ իրավիճակներում պաշտոնեական պարտականություններ չկատարելը, եթե դա ծանր հետևանքներ է առաջացրել /237,9 հոդվածի երկրորդ մաս/, պաշտոնատար անձանց կողմից միջուկային տեղակայանքի, ռադիոակտիվ թափոնների տեղակայանքի, իոնացնող ճառագայթման աղբյուրի անձնակազմին շահագործման աշխատակարգը կամ կանոնները խախտել հարկադրելը, եթե դա ծանր հետևանքներ է առաջացրել /237,10 հոդվածի երկրորդ մաս/, միջուկային տեղակայանքի, ռադիոակտիվ թափոնների տեղակայանքի իոնացնող ճառագայթման աղբյուրի անձնակազմին և պաշտոնատար անձանց պաշտոնեական պարտականությունների կատարելուն խոչնդոտելը, եթե դա ծանր հետևանքներ է առաջացրել /237,11 հոդվածի երկրորդ մաս/, վթարի փաստը թաքցնելը, վթարի վերաբերյալ տեղեկությունների հաղորդման կարգը խախտելը, ճառագայթային իրավիճակի վերաբերյալ սխալ տեղեկություններ հաղորդելը, եթե դրանք ծանր հետևանքներ են առաջացրել /237,12 հոդվածի երկրորդ մաս/» բառերով.
2. Օրենսգրքի 23,1 հոդվածի առաջին մասի 2 կետում, 49 հոդվածի վեցերորդ մասում և 50 հոդվածի վեցերորդ մասի 2 կետում «ռադիոակտիվ նյութեր հափշտակելու» բառերը փոխարինել «միջուկային կամ ռադիոակտիվ նյութեր հափշտակելու» բառերով.
i
3. Օրենսգրքի 237,3 հոդվածի վերնագրում և դիսպոզիցիայում «ռադիոակտիվ նյութեր» բառերից առաջ լրացնել «Միջուկային կամ» բառերը.
i
4. Օրենսգրքի 237,4 հոդվածի վերնագրում և առաջին ու երկրորդ մասերի դիսպոզիցիաներում «ռադիոակտիվ նյութեր» բառերից առաջ լրացնել «միջուկային կամ» բառերը.
5. Օրենսգիրքը լրացնել հետևյալ բովանդակությամբ 237,7, 237,8, 237,9, 237,10, 237,11, 237,12, 237,13 հոդվածներով`
«Հոդված 237.7. Ատոմային էներգիայի օգտագործման բնագավառում գործող նորմերը, կանոնները և հրահանգները խախտելը
Ատոմային էներգիայի օգտագործման բնագավառում գործող նորմերը, կանոնները և հրահանգները խախտելը, որը կատարվել է նույնպիսի խախտման համար վարչական տույժ նշանակելուց հետո մեկ տարվա ընթացքում`
պատժվում է ուղղիչ աշխատանքներով մինչև երկու տարի ժամանակով:
Նույն խախտումը, եթե դա առաջացրել է մարդկային զոհեր կամ այլ ծանր հետևանքներ`
պատժվում է ազատազրկմամբ երեքից մինչև ութ տարի ժամանակով:
Հոդված 237.8. Պետատոմհսկողության մարմինների պաշտոնատար անձանց պաշտոնեական պարտականությունները կատարելուն խոչընդոտելը
Պետատոմհսկողության մարմինների պաշտոնատար անձանց պաշտոնեական պարտականությունները կատարելուն խոչընդոտելը, որը կատարվել է նույնպիսի գործողության համար վարչական տույժ նշանակելուց հետո մեկ տարվա ընթացքում`
պատժվում է ուղղիչ աշխատանքներով մինչև մեկ տարի ժամանակով.
Հոդված 237.9. Ատոմային էներգիայի օգտագործման օբյեկտներում, միջուկային տեղակայանքում, իոնացնող ճառագայթման աղբյուրում, ռադիոակտիվ թափոնների տեղակայանքում ստեղծված արտակարգ իրավիճակներում պաշտոնեական պարտականությունները չկատարելը
Ատոմային էներգիայի օգտագործման օբյեկտներում, միջուկային տեղակայանքում, իոնացնող ճառագայթման աղբյուրում, ռադիոակտիվ թափոնների տեղակայանքում ստեղծված արտակարգ իրավիճակներում անձնակազմի և պաշտոնատար անձանց, ինչպես նաև հակավթարային պաշտպանական միջոցառումների պլաններով սահմանված պարտականությունները չկատարելը`
պատժվում է ազատազրկմամբ մինչև երկու տարի ժամանակով կամ ուղղիչ աշխատանքներով նույն ժամանակով:
Նույն գործողությունը, եթե դա առաջացրել է մարդկային զոհեր կամ այլ ծանր հետևանքներ`
պատժվում է ազատազրկմամբ հինգից մինչև տասը տարի ժամանակով.
i
Հոդված 237.10. Պաշտոնատար անձանց կողմից միջուկային տեղակայանքի, ռադիոակտիվ թափոնների տեղակայանքի, իոնացնող ճառագայթման աղբյուրի անձնակազմին շահագործման աշխատակարգը կամ կանոնները խախտել հարկադրելը
Պաշտոնատար անձանց կողմից միջուկային տեղակայանքի, ռադիոակտիվ թափոնների տեղակայանքի, իոնացնող ճառագայթման աղբյուրի անձնակազմին շահագործման աշխատակարգը կամ կանոնները խախտել հարկադրելը, որը կատարվել է նույնպիսի խախտումների համար վարչական տույժ նշանակելուց հետո մեկ տարվա ընթացքում`
պատժվում է ուղղիչ աշխատանքներով մինչև երկու տարի ժամանակով:
Նույն գործողությունը, եթե դա առաջացրել է մարդկային զոհեր կամ այլ ծանր հետևանքներ`
պատժվում է ազատազրկմամբ հինգից մինչև տասը տարի ժամանակով.
i
Հոդված 237.11. Միջուկային տեղակայանքի, ռադիոակտիվ թափոնների տեղակայանքի, իոնացնող ճառագայթման աղբյուրի անձնակազմին և պաշտոնատար անձանց պաշտոնեական պարտականությունները կատարելուն խոչընդոտելը
Միջուկային տեղակայանքի, ռադիոակտիվ թափոնների տեղակայանքի, իոնացնող ճառագայթման աղբյուրի անձնակազմին և պաշտոնատար անձանց պաշտոնեական պարտականությունները կատարելուն խոչընդոտելը, որը կատարվել է նույնպիսի խախտումների համար վարչական տույժ նշանակելուց հետո մեկ տարվա ընթացքում`
պատժվում է ազատազրկմամբ մինչև երկու տարի ժամանակով կամ ուղղիչ աշխատանքներով նույն ժամանակով:
Նույն խախտումը, եթե դա առաջացրել է մարդկային զոհեր կամ այլ ծանր հետևանքներ`
պատժվում է ազատազրկմամբ հինգից մինչև տասը տարի ժամանակով:
i
Հոդված 237.12. Վթարի փաստը թաքցնելը, վթարի վերաբերյալ տեղեկությունների հաղորդման կարգը խախտելը, ճառագայթային իրավիճակի վերաբերյալ սխալ տեղեկություններ հաղորդելը
Միջուկային տեղակայանքում, ռադիոակտիվ նյութերի տեղակայանքում, իոնացնող ճառագայթման աղբյուրում վթարի փաստը թաքցնելը կամ վթարի վերաբերյալ տեղեկությունների հաղորդման կարգը խախտելը, շրջակա միջավայրի ճառագայթային աղտոտվածությանը վերաբերող տեղեկությունները թաքցնելը, ճառագայթային իրավիճակի վերաբերյալ սխալ տեղեկություններ հաղորդելը, որ կատարվել են նույնպիսի խախտումների համար վարչական տույժ նշանակելուց հետո մեկ տարվա ընթացքում`
պատժվում են ազատազրկմամբ մինչև երեք տարի ժամանակով կամ ուղղիչ աշխատանքներով մինչև երկու տարի ժամանակով:
Նույն խախտումները, եթե դրանք առաջացրել են մարդկային զոհեր կամ այլ ծանր հետևանքներ`
պատժվում են ազատազրկմամբ հինգից մինչև տասը տարի ժամանակով.
i
Հոդված 237.13. Միջուկային և ճառագայթային անվտանգության վերաբերյալ տեղեկությունները թաքցնելը կամ աղավաղելը
Ատոմային էներգիայի օգտագործման բնագավառում միջուկային և ճառագայթային անվտանգության վերաբերյալ տեղեկությունները թաքցնելը կամ աղավաղելը, որը կատարվել է նույնպիսի խախտման համար վարչական տույժ նշանակելուց հետո մեկ տարվա ընթացքում`
պատժվում է ազատազրկմամբ մինչև երկու տարի ժամանակով կամ ուղղիչ աշխատանքներով նույն ժամանակով»:
i
ՀՈԴՎԱԾ 3. Հայաստանի Հանրապետության քրեական դատավարության օրենսգրքում կատարել հետևյալ լրացումները.
i
1. Օրենսգրքի 28 հոդվածի առաջին մասում «209,1 հոդվածներով» բառերից հետո լրացնել «237,9 հոդվածի երկրորդ մասով, 237,10 հոդվածի երկրորդ մասով, 237,11 հոդվածի երկրորդ մասով, 237,12 հոդվածի երկրորդ մասով» բառերը.
2. Օրենսգրքի 117 հոդվածի երրորդ մասում «237,6» թվից հետո լրացնել «237,7, 237,8, 237,9, 237,10, 237,11, 237,12, 237,13,» թվերը:
ՀՈԴՎԱԾ 4. Սույն օրենքն ուժի մեջ է մտնում հրապարակման պահից:
30 նոյեմբերի 1996 թ.
ՀՕ-85