106.0140.250803
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«25» 08 2003 Թ.
ՊԵՏԱԿԱՆ ԳՐԱՆՑՄԱՆ ԹԻՎ 10603253
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐ ՀՐԱՄԱՆ
1 օգոստոսի 2003 թվականի N 140-Ն
i
ՀԱՐԿՄԱՆ ՆՊԱՏԱԿՈՎ ՀԱՄԱԽԱՌՆ ԵԿԱՄՏԻՑ ՆՎԱԶԵՑՎՈՂ ԳԱՐԵՋՐԱՈՉԱԼԿՈՀՈԼԱՅԻՆ ԱՐԴՅՈՒՆԱԲԵՐՈՒԹՅՈՒՆՈՒՄ ԱՌԱՋԱՑՈՂ ՓԱՍՏԱՑԻ ԿՈՐՍՏԻ (ԲՆԱԿԱՆ ԿՈՐՍՏԻ) ՉԱՓԵՐԸ ՀԱՍՏԱՏԵԼՈՒ ՄԱՍԻՆ
Հայաստանի Հանրապետության կառավարության 1999թ. ապրիլի 29-ի «Հարկման նպատակով համախառն եկամտից նվազեցվող գույքի փաստացի կորստի (բնական կորստի) չափերը սահմանելու կարգի մասին» N 272 որոշման համաձայն
ՀՐԱՄԱՅՈՒՄ ԵՄ`
1. Հաստատել «Հարկման նպատակով համախառն եկամտից նվազեցվող գարեջրաոչալկոհոլային արդյունաբերությունում առաջացող փաստացի կորստի (բնական կորստի) չափերը» (հավելվածը կցվում է):
2. Նախարարության ագրովերամշակման և գործարարության աջակցության վարչությանը (Մ. Գրիգորյան)` յոթօրյա ժամկետում «Հարկման նպատակով համախառն եկամտից նվազեցվող գարեջրաոչալկոհոլային արդյունաբերությունում առաջացող փաստացի կորստի (բնական կորստի) չափերը» ներկայացնել ՀՀ կառավարությանն առընթեր Հարկային պետական ծառայություն` համաձայնեցման և ՀՀ արդարադատության նախարարություն` պետական գրանցման, համաձայն «Իրավական ակտերի մասին» ՀՀ օրենքի:
3. Սույն հրամանի կատարման հսկողությունը վերապահել նախարարի տեղակալ Ս. Գալստյանին:
Համաձայնեցված է Հաստատված է
ՀՀ կառավարությանն առընթեր ՀՀ գյուղատնտեսության նախարարի
Հարկային պետական ծառայություն «01» 08, 2003 թ.
«06» 08, 2003 թ. N 140-Ն հրամանով
ՉԱՓԵՐ
ՀԱՐԿՄԱՆ ՆՊԱՏԱԿՈՎ ՀԱՄԱԽԱՌՆ ԵԿԱՄՏԻՑ ՆՎԱԶԵՑՎՈՂ ԳԱՐԵՋՐԱՈՉԱԼԿՈՀՈԼԱՅԻՆ ԱՐԴՅՈՒՆԱԲԵՐՈՒԹՅՈՒՆՈՒՄ ԱՌԱՋԱՑՈՂ ՓԱՍՏԱՑԻ ԿՈՐՍՏԻ (ԲՆԱԿԱՆ ԿՈՐՍՏԻ)
Ընդհանուր դրույթներ
Սույն նորմատիվ ակտը մշակված է հիմք ընդունելով «Շահութահարկի մասին» Հայաստանի Հանրապետության օրենքի 21 հոդվածը և սահմանում է գարեջրաոչալկոհոլային արդյունաբերությունում առաջացող բնական կորուստների թույլատրելի սահմանային չափերը:
I. Գարու և ածիկի պահպանման ժամանակ առաջացող բնական կորուստների չափերը
._______________________________________________________________________.
|անվանումը |պահպանման |Բնական կորուստների չափերը (%-ով քանակի նկատ.) |
| |ժամկետը |______________________________________________|
| | | պահեստում |էլեվատորներում|հարմարեցված |
| | |________________| |հրապարակներում|
| | |սորուն|տարաներով| | |
|__________|_____________|______|_________|______________|______________|
|Գարի, ածիկ|մինչև 3 ամիս|0.07% |0.04% |0.05% |0.12% |
| |_____________|______|_________|______________|______________|
| |մինչև 3 ամիս|0.09% |0.06% |0.07% |0.16% |
| |_____________|______|_________|______________|______________|
| |մինչև 1 տարի|0.12% |0.09% |0.1% |- |
._______________________________________________________________________.
1. Մինչև 3 ամիս պահպանման դեպքում բնական կորուստների չափերը կիրառվում են փաստացի պահպանման օրերի հաշվարկով` հետևյալ բանաձևով Կ=ԱxԲ/90, որտեղ Ա-ն մինչև 3 ամիս պահպանման չափն է, իսկ Բ-ն` փաստացի պահպանված օրերի քանակը: Մինչև 6 ամիս և մինչև 1 տարի պահպանման դեպքում փաստացի պահպանված ամիսների հաշվարկով` հետևյալ բանաձևով Կ=Ա+Բ, որտեղ Ա-ն պահպանման նախորդ ժամանակահատվածի կորստի չափն է, իսկ Բ-ն հաշվարկվում է հետևյալ բանաձևով` Բ=ԴxԶ, որտեղ Դ-ն նախորդ կիրառված չափից ավել պահպանված ամիսների քանակն է, Զ-ն ստացվում է պահպանվող առավելագույն ժամանակի համար տրված չափի և նախորդ չափի տարբերությունը բաժանելով 3-ի` մինչև 6 ամիս պահպանման կամ 6-ի` մինչև 1 տարի պահպանման դեպքում:
2. Մեկ տարուց ավել պահպանելու դեպքում կորուստների չափերը ավելանում են յուրաքանչյուր լրիվ ամսվա համար 0. 0033%-ով, բազմապատկելով այն փաստացի ամիսների թվով (կամ 0. 04%-ով ավելանում է հաջորդ լրիվ տարվա համար):
II. ԱԾԻԿԻ ՀՂԿՄԱՆ ԵՎ ԱԾԻԿԻ ՈՒ ԳԱՐՈՒ ՆԵՐԳՈՐԾԱՐԱՆԱՅԻՆ ՏԵՂԱՓՈԽՄԱՆ ԺԱՄԱՆԱԿ ԱՌԱՋԱՑՈՂ ԲՆԱԿԱՆ ԿՈՐՈՒՍՏՆԵՐԻ ՉԱՓԵՐԸ
.______________________________________________________________________.
|Կորուստի չափերի անվանումը |Չափի միավոր |Կորուստի|
| | |չափերը |
|_________________________________|___________________________|________|
|1. Ածիկի և գարու ներգործարանային|Տոկոսով արտադրություն բաց |0.03% |
|տեղափոխման ժամանակ առաջացող |թողնվող ածիկի ու գարու | |
|անորսալի կորուստները |տեղափոխվող քանակի նկատմամբ | |
|_________________________________|___________________________|________|
|2. Անորսալի կորուստները ածիկի |Տոկոսով հղկման նպատակով |0.2% |
|հղկման ժամանակ |ընդունվող ածիկի քանակության| |
| |նկատմամբ | |
.______________________________________________________________________.
1. Անորսալի կորուստներին են դասվում հատիկների փոշենման մասնիկների այն մեխանիկական կորուստները, որոնք հնարավոր չէ հավաքել ֆիլտրերի միջոցով:
2. Մյուս բոլոր կորուստները, որոնք առաջանում են հղկման ժամանակ` հավաքվում, կշռվում և գործարանային լաբորատորիայի կողմից տրված գրավոր եզրակացության հիման վրա ուղղվում են արտադրություն` որպես օգտագործելի (վերադարձվող) թափոններ» կամ ոչնչացվում են» կամ օգտագործվում են կենդանիների կերի համար, որպես արտադրությունում անօգտագործելի (անվերադարձ) թափոններ:
III. ԳԱՐՈՒ ԵՎ ԱԾԻԿԻ ՏԵՂԱՓՈԽՄԱՆ ԺԱՄԱՆԱԿ ԱՌԱՋԱՑՈՂ ԲՆԱԿԱՆ ԿՈՐՈՒՍՏՆԵՐԻ ՉԱՓԵՐԸ
Գարու և ածիկի տեղափոխման ժամանակ առաջացող բնական կորուստների չափերը կազմում են (տոկոսով քանակի նկատմամբ)`
ա/. Երկաթուղային և ջրային փոխադրիչ տրանսպորտային
միջոցներով խառը տեղափոխման ժամանակ` 0.15 %
բ/. Ավտոմոբիլային տրանսպորտով`
առանց տարայի 0.09 %
տարայով 0.07 %
գ/. Երկաթուղային ուղղակի տեղափոխման
ժամանակ 0.5 %
Խառը տեղափոխման ժամանակ բնական կորուստների չափերը հաշվարկվում են տրանսպորտի առանձին տեսակների համար առանձին-առանձին և ավելացվում են 30%-ով երկաթուղայինից ջրային կամ հակառակը բեռնաբարձման, 20%-ով նավից-նավ և 30%-ով վագոնից-վագոն կամ վագոնից-ավտոմեքենա բեռնաբարձման դեպքում:
IV. ԲՆԱԿԱՆ ԵՎ ՍԻՆԹԵՏԻԿ ՀՈՏԱՎԵՏ ՆՅՈՒԹԵՐԻ, ԵԹԵՐԱՅՈՒՂԵՐԻ, ԲՈՒՐԱՎԵՏԻՉՆԵՐԻ ԵՎ ՇԱՔԱՐԱՎԱԶԻ ՊԱՀՊԱՆՄԱՆ ԺԱՄԱՆԱԿ ԱՌԱՋԱՑՈՂ ԲՆԱԿԱՆ ԿՈՐՈՒՍՏՆԵՐԻ ՉԱՓԵՐԸ
._________________________________________________________________________.
|Գործողության անվանումը, պահպանման ժամկետը |Բնական կորուստների|
| |չափերը %-ով քանակի|
| |նկատմամբ |
|______________________________________________________|__________________|
|1. Տակառներում, անոթներում (ֆլյագաներում), շշերում և |0.02% |
|այլ փոքր փաթեթավորումներով պահպանման ժամանակ | |
|յուրաքանչյուր լրիվ ամսվա համար | |
|______________________________________________________|__________________|
|2. 2.1. Պահեստից արտադրություն բաց թողնման ժամանակ |0.11% |
|(բացառությամբ էքստրակցիայի մեթոդով ստացված վարդագույն | |
|և նրբերանգ յուղերից) | |
|______________________________________________________|__________________|
| 2.2. Էքստրակցիայի մեթոդով ստացված վարդագույն և |0.01% |
|նրբերանգ յուղերի բացթողնման ժամանակ | |
|______________________________________________________|__________________|
|3. 3.1. Շաքարավազ պարկերով փաթեթավորված, փակ |0.009% |
|պահեստային տարածքում մինչև 1 ամիս պահպանման ժամանակ | |
|______________________________________________________|__________________|
| 3.2. Պահպանվող յուրաքանչյուր հաջորդ ամսվա համար |0.003% |
|______________________________________________________|__________________|
| 3.3. Գույքագրման և լրացուցիչ կշռման համար |0.007% |
._________________________________________________________________________.
Հերմետիկ տարաներում պահպանման ժամանակ բնական կորուստների չափեր չեն կիրառվում:
V. ՀԱՆՔԱՅԻՆ ՋՐԵՐԻ ՏԵՂԱՓՈԽՄԱՆ ԺԱՄԱՆԱԿ ԱՌԱՋԱՑՈՂ %-ՆԵՐՈՎ ԲԱՐՁՎՈՂ
ԲՆԱԿԱՆ ԿՈՐՈՒՍՏՆԵՐԻ ՉԱՓԵՐԸ ՔԱՆԱԿՈՒԹՅԱՆ ՆԿԱՏՄԱՄԲ
1. Հանքային ջրերի ավտոմոբիլային և երկաթուղային
ցիստերնների բարձման ժամանակ (դրանց նախնական
ողողման հետ միասին) առաջացող կորստի չափը` 1.0 %
2 . Հանքային ջրի ավտոմոբիլային և երկաթուղային
ցիստերններով տեղափոխման և հետագա ընդունման ժամանակ` 1.0 %
3. Խողովակներով տեղափոխման և հետագա ընդունման ժամանակ 0.5 %
VI. ԱՊԱԿԵ ՇՇԵՐՈՎ ՊԱՏՐԱՍՏԻ ԱՐՏԱԴՐԱՆՔԻ ՊԱՀՊԱՆՄԱՆ ԺԱՄԱՆԱԿ ԱՌԱՋԱՑՈՂ ԲՆԱԿԱՆ ԿՈՐՈՒՍՏՆԵՐԻ ՉԱՓԵՐԸ
Ապակե շշերով պատրաստի արտադրանքի ներգործարանային տեղափոխման, պահպանման և բեռնաբարձման ժամանակ առաջացող բնական կորուստների չափերը
1. Գարեջուր %-ով ընդունված և բացթողնված
քանակությունների գումարի 0.09 %
կեսի նկատմամբ
2. Ոչ ալկոհոլային խմիչքներ,
կվաս և հանքային ջուր - «- 0.1 %
3. Հանքային ջուրը առանց %-ով ընդունված
արկղերի դարսակով քանակության նկատմամբ 0.8 %
պահպանման դեպքում
VII. ԱՊԱԿԵ ՇՇԵՐՈՎ ՊԱՏՐԱՍՏԻ ԱՐՏԱԴՐԱՆՔԻ ՏԵՂԱՓՈԽՄԱՆ ԺԱՄԱՆԱԿ ԱՌԱՋԱՑՈՂ ԲՆԱԿԱՆ ԿՈՐՈՒՍՏՆԵՐԻ ՉԱՓԵՐԸ
Բոլոր տեսակի տարաներով (տոկոսով քանակության նկատմամբ)
1. Հանքային ջրեր 0.06 %
2. Ոչ ալկոհոլային խմիչքներ և գարեջուր 0.04 %