i
(ուժը կորցրել է 10.05.12 թիվ 584-Ն որոշում, որի գործողությունը տարածվում է 2012 թվականի հունվարի 1-ից հետո ծագած հարաբերությունների վրա)
040.1445.241103
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«24» նոյեմբերի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
6 նոյեմբերի 2003 թվականի N 1445-Ն
i
ՕԳՏԱԿԱՐ ՀԱՆԱԾՈՆԵՐԻ ՀԱՆՔԱՎԱՅՐԵՐԻ (ԲԱՑԱՌՈՒԹՅԱՄԲ ՍՏՈՐԵՐԿՐՅԱ ՔԱՂՑՐԱՀԱՄ ԵՎ ՀԱՆՔԱՅԻՆ ՋՐԵՐԻ) ՇԱՀԱԳՈՐԾՄԱՆ ՀԱՄԱՐ ԼԵՌՆԱՀԱՏԿԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Ընդերքի մասին» Հայաստանի Հանրապետության օրենսգրքի 36-րդ հոդվածով` Հայաստանի Հանրապետության կառավարությունը որոշում է.
1. Հաստատել`
ա) օգտակար հանածոների հանքավայրերի (բացառությամբ ստորերկրյա քաղցրահամ և հանքային ջրերի) շահագործման համար լեռնահատկացման կարգը` համաձայն N 1 հավելվածի.
բ) լեռնահատկացման ակտի ձևը` համաձայն N 2 հավելվածի.
գ) օգտակար հանածոների հանքավայրերի շահագործման (բացառությամբ ստորերկրյա քաղցրահամ և հանքային ջրերի) համար տրված լեռնահատկացման ակտերի հաշվառման գրանցամատյանի ձևը` համաձայն N 3 հավելվածի:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ՆՈՅԵՄԲԵՐԻ 18-ԻՆ
Հավելված N 1
ՀՀ կառավարության
2003 թվականի նոյեմբերի 6-ի
N 1445-Ն որոշման
ԿԱՐԳ
ՕԳՏԱԿԱՐ ՀԱՆԱԾՈՆԵՐԻ ՀԱՆՔԱՎԱՅՐԵՐԻ (ԲԱՑԱՌՈՒԹՅԱՄԲ ՍՏՈՐԵՐԿՐՅԱ ՔԱՂՑՐԱՀԱՄ ԵՎ ՀԱՆՔԱՅԻՆ ՋՐԵՐԻ) ՇԱՀԱԳՈՐԾՄԱՆ ՀԱՄԱՐ ԼԵՌՆԱՀԱՏԿԱՑՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգը սահմանում է «Ընդերքի մասին» Հայաստանի Հանրապետության օրենսգրքի, «Ընդերքն օգտակար հանածոների շահագործման նպատակով ուսումնասիրության և արդյունահանման համար տրամադրելու (կոնցեսիայի) մասին» Հայաստանի Հանրապետության օրենքի, Հայաստանի Հանրապետության հողային օրենսգրքի պահանջներին համապատասխան Հայաստանի Հանրապետության տարածքում օգտակար հանածոների հանքավայրերի (բացառությամբ ստորերկրյա քաղցրահամ և հանքային ջրերի) շահագործման նպատակով լեռնահատկացման պայմանները:
2. «Ընդերքի մասին» Հայաստանի Հանրապետության օրենսգրքով սահմանված դեպքերում (բացառությամբ ստորերկրյա քաղցրահամ և հանքային ջրերի) լիցենզային պայմանագրի հիման վրա կատարվում է լեռնահատկացում:
i
3. Օգտակար հանածոների հանքավայրերի շահագործման համար լեռնահատկացումը կատարվում է Հայաստանի Հանրապետության առևտրի և տնտեսական զարգացման նախարարության կողմից (այսուհետ` լիազորված մարմին):
(3-րդ կետը փոփ. 12.08.04 թիվ 1167-Ն որոշում)
II. ԼԵՌՆԱՀԱՏԿԱՑՄԱՆ ՆԿԱՏՄԱՄԲ ՊԱՀԱՆՋՆԵՐԸ
4. Լիցենզառուին լեռնահատկացումը կատարվում է օգտակար հանածոների հանքավայրերի շահագործման նպատակով տրված լիցենզիայով սահմանված ժամկետով: Լիցենզիայի ժամկետի երկարաձգման դեպքում համապատասխանաբար երկարաձգվում է նաև լեռնահատկացման ժամկետը:
5. Նույն տարածքում տարբեր տեսակի օգտակար հանածոների հանքավայրերի շահագործման դեպքում լեռնահատկացումը կատարվում է յուրաքանչյուր հանքավայրի համար առանձին:
Միևնույն հանքավայրը տարբեր ընդերքօգտագործողների կողմից շահագործվելու դեպքում յուրաքանչյուր ընդերքօգտագործողի համար կատարվում է առանձին լեռնահատկացում:
6. Լեռնահատկացման սահմանները որոշվում են հանքարդյունահանման նախագծում արտացոլված պաշարների եզրագծերով` հաշվի առնելով լեռնային ապարների տեղաշարժման գոտին և հանքերի կողերի ընդլայնումը:
III. ԼԵՌՆԱՀԱՏԿԱՑՄԱՆ ՀԱՅՏԻ ԲՈՎԱՆԴԱԿՈՒԹՅՈՒՆԸ
7. Օգտակար հանածոների հանքավայրերի շահագործման համար լեռնահատկացում ստացող լիցենզառուն լիազորված մարմին է ներկայացնում հայտ, որտեղ նշվում է լիցենզառուի անվանումը (անունը, ազգանունը), գտնվելու վայրը (բնակության վայրը), լեռնահատկացման տեղադրավայրը: Հայտին կից ներկայացվում են`
ա) ընդհանուր տեղեկություններ հանքավայրի և հարակից հանքավայրերի լեռնահատկացումների մասին,
բ) գծագրական փաստաթղթեր,
գ) հանքարդյունահանման լիցենզիայի և լիցենզային պայմանագրի պատճենը:
8. Գծագրական փաստաթղթերը բաղկացած են մակերեսի տեղագրական հատակագծից, երկրաբանական քարտեզներից և կտրվածքներից`
ա) մակերեսի տեղագրական հատակագծի վրա ցույց են տրվում մակերեսի ռելիեֆը և գեոդեզիական ցանցի հենակետերը, օգտակար հանածոների ելքերը երկրի մակերեսի կամ նստվածքների տակ, գոյություն ունեցող լեռնային փորվածքները (հանքահորեր, բովանցքներ, հետախուզահորեր և այլն), հետախուզական ու այլ հորատանցքերը, գյուղատնտեսական հանդակների, անտառային տարածքների, հողօգտագործման և բնակավայրերի սահմանները, հանքավայրի տարածքին սահմանակից շենքերը, շինությունները, կառույցները, դրանց հարկայնությունը, ինժեներական ենթակառուցվածքները, տրվող լեռնահատկացման ու հողահատկացման սահմանները (անկյունային կետերի նշումով) և լեռնային աշխատանքների հնարավոր վնասակար ազդեցության սահմանները,
բ) տեղագրական հատակագծի ազատ մասում նշվում է լեռնահատկացման տարածական պատկերների գծագրման (պրոյեկցիա) մակերեսը (հեկտարներով) հորիզոնական հարթության վրա, կատարվող լեռնահատկացման անկյունակետերի X, Y, Z կոորդինատները,
գ) տեղագրական հատակագծի վերևի աջ մասում տեղ է թողնվում լեռնահատկացման վավերացման մասին նշումների համար,
դ) տեղագրական հատակագծի մասշտաբն ընդունվում է ելնելով պատկերված չափերից, օգտակար հանածոների հանքավայրի շահագործող կազմակերպության բնույթից, բայց ոչ փոքր 1:5000 մասշտաբից:
9. Քարածխի հանքավայրի շահագործման համար հայտին կից լրացուցիչ ներկայացվում են նաև բոլոր հետախուզված շերտերի հիպսոմետրիկ պլանները` 1:2000 մասշտաբով, դրանց վրա տեղադրված լեռնահատկացման նախագծային ուրվագիծը:
10. Նավթի և գազի հանքավայրերի շահագործման համար լեռնահատկացում կատարելու դեպքում երկրաբանական քարտեզի փոխարեն ներկայացվում են կառուցվածքային քարտեզներ նավթի և գազի արդյունաբերական բոլոր հորիզոնների համար առանձին` նշելով A + B + C1 + C2 խմբի պաշարների սահմանները 1:2000-ից ոչ փոքր մասշտաբով:
IV. ԼԵՌՆԱՀԱՏԿԱՑՈՒՄ
11. Լիազորված մարմինը հայտն ստանալու օրվանից 10-օրյա ժամկետում քննարկում է ներկայացված հայտն ու փաստաթղթերը և ընդունում որոշում:
12. Սահմանված ժամկետում որոշում չընդունվելու դեպքում լեռնահատկացումը համարվում է կատարված: Լիազորված մարմնի ընդունած որոշման դրական լինելու դեպքում լեռնահատկացումը կատարվում է եռօրյա ժամկետում:
13. Սույն կարգի 8-րդ կետում նշված պահանջների չբավարարման դեպքում լիազորված մարմինը հայտի վերաբերյալ կազմում է եզրակացություն որտեղ նշվում են թերություններն ու պահանջները չբավարարող դրույթները, և վերադարձվում է լիցենզառուին: Լիցենզառուն նշված եզրակացությունն ստանալուց հետո 10-օրյա ժամկետում կարող է վերացնել հայտին կից ներկայացված փաստաթղթերի թերությունները և դրանք ներկայացնել լիազորված մարմին:
14. Լեռնահատկացման կատարումը ձևակերպվում է ակտով, ինչպես նաև տեղագրական հատակագծի վերևի աջ մասում արված վավերացմամբ:
15. Լեռնահատկացման ակտը կազմվում է 2 օրինակից, վավերացվում լիազորված մարմնի ղեկավարի կողմից` կնքված զինանշանային կնիքով:
Լիազորված մարմինը լեռնահատկացման ակտի պատճենը 5-օրյա ժամկետում ուղարկում է Հայաստանի Հանրապետության բնապահպանության նախարարության «Հանրապետական երկրաբանական ֆոնդ» պետական ոչ առևտրային կազմակերպություն` գրանցելու և պահելու նպատակով:
16. Տրված լեռնահատկացման ակտերի հաշվառումը կատարվում է լիազորված մարմնի հատուկ գրանցամատյանում (ձևը կցվում է):
Հավելված N 2
ՀՀ կառավարության
2003 թվականի նոյեմբերի 6-ի
N 1445-Ն որոշման
Ձև
ՀՀ ԶԻՆԱՆՇԱՆ
Հայաստանի Հանրապետության_________________________________________
(լիազորված մարմնի անվանումը)
ԼԵՌՆԱՀԱՏԿԱՑՄԱՆ ԱԿՏ
Սույն ակտը հավաստիացնում է____________________________________________
(հանքավայրի և օգտակար հանածոների անվանումը)
____________________________ ստորգետնյա (բաց) եղանակով շահագործելու համար,
տրամադրված է__________________________________________________________
(ընդերքօգտագործողը, որին տրամադրված է լեռնահատկացումը)
տրված է լիցենզիա______________________________________________________
(N _____, տարեթիվը, ամիսը, ամսաթիվը)
Լեռնահատկացումը գտնվում է ____________________________________________
__________________________________________________________________________
(մարզի, բնակավայրի անվանումը)
և կցվող տեղագրական հատակագիծը նշված է անկյունային կետերով __________ _____________________________________________________________, ինչպես նաև
(անկյունային կետերի թվարկումը)
երկրաբանական քարտեզների և ուղղաձիգ կտրվածքների վրա___________________ ____________________________________________:
(քարտեզների և կտրվածքների համարները)
Լեռնահատկացման տարածական պատկերների գծագրման (պրոյեկցիա) մակերեսը, նշված տեղագրական հատակագծի վրա, անկյունային կետերում կազմում է ___________ __________________ հեկտար:
(տառերով)
Լեռնահատկացման գործողության ժամկետը__________________________________
Լեռնահատկացումը հավաստիացնող ակտը տրված է ____________________________
(լիազորված մարմնի անվանումը) կողմից 200 թ.____________________________________________________:
(ամիսը, ամսաթիվը)
Սույն ակտը կազմված է 2 օրինակից և գրանցված է_________________________
(լիազորված մարմնի
անվանումը) գրանցամատյանում, N __________________:
Լիազորված մարմնի __________________ ____________________
ղեկավար (ստորագրությունը) (անունը, ազգանունը)
Կ.Տ.
Հավելված N 3
ՀՀ կառավարության
2003 թվականի նոյեմբերի 6-ի
N 1445-Ն որոշման
Ձև
ԳՐԱՆՑԱՄԱՏՅԱՆ
ՕԳՏԱԿԱՐ ՀԱՆԱԾՈՆԵՐԻ ՀԱՆՔԱՎԱՅՐԵՐԻ ՇԱՀԱԳՈՐԾՄԱՆ ՀԱՄԱՐ ՏՐՎԱԾ ԼԵՌՆԱՀԱՏԿԱՑՈՒՄՆԵՐԻ ՀԱՇՎԱՌՄԱՆ
._____________________________________________________________________.
|1.|Լեռնահատկացման ակտի գրանցման N | |
|__|___________________________________________________|______________|
|2.|Լեռնահատկացման ակտի տրամադրման տարեթիվը, ամիսը, | |
| |ամսաթիվը, գործածության ժամկետը | |
|__|___________________________________________________|______________|
|3.|Լեռնահատկացում ստացող ընդերքօգտագործողի անվանումը | |
|__|___________________________________________________|______________|
|4.|Օգտակար հանածոների հանքավայրի անվանումը | |
|__|___________________________________________________|______________|
|5.|Արդյունահանվող օգտակար հանածոների անվանումները | |
|__|___________________________________________________|______________|
|6.|Լեռնահատկացման մակերեսը (հեկտար) | |
|__|___________________________________________________|______________|
|7.|Օգտակար հանածոների հաստատված պաշարներն ըստ խմբերի | |
| |(A, B, C1, C2,) | |
| | | |
| |200 թ. ___________ _____ դրությամբ | |
|__|___________________________________________________|______________|
|8.|Ծանոթագրություն | |
._____________________________________________________________________.