040.1643.171203
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«17» դեկտեմբերի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
11 դեկտեմբերի 2003 թվականի N 1643-Ա
ԳՈՒՅՔ ՕՏԱՐԵԼՈՒ ՄԱՍԻՆ
i
Հայաստանի Հանրապետության կառավարության 2003 թվականի հունիսի 13-ի N 882-Ն որոշմանը համապատասխան` Հայաստանի Հանրապետության կառավարությունը որոշում է.
1. Թույլատրել Հայաստանի Հանրապետության առևտրի և տնտեսական զարգացման նախարարությանն աճուրդով վաճառել հետևյալ ավտոմեքենաները (այսուհետ` գույք)`
ա) «ԳԱԶ - 31029» (1996 թվականի արտադրության, պետհամարանիշը` 706 ԼՕ 64, (շարժիչը` 020153, թափքը` 306603, հենասարքը` 410536)` 2275 հազ. դրամ մեկնարկային գնով (գնահատվել է 2003 թվականի նոյեմբերի 20).
բ) «ԳԱԶ - 31029», (1994 թվականի արտադրության, պետհամարանիշը` 900 ԼԼ 02, շարժիչը` 0111127, թափքը` 0244011, հենասարքը` 246440)` 1456,6 հազ. դրամ մեկնարկային գնով (գնահատվել է 2003 թվականի նոյեմբերի 20):
2. Սահմանել, որ առաջին աճուրդի ժամանակ չվաճառված գույքի վաճառքի նպատակով կազմակերպվում են աճուրդներ, ընդ որում` յուրաքանչյուր հերթական աճուրդի ժամանակ յուրաքանչյուր միավոր գույքի մեկնարկային գինը նվազեցվում է վերջին աճուրդի մեկնարկային գնի քսան տոկոսի չափով:
3. Հայաստանի Հանրապետության առևտրի և տնտեսական զարգացման նախարարին` եռօրյա ժամկետում «Աճուրդի կենտրոն» պետական ոչ առևտրային կազմակերպությանը տրամադրել Հայաստանի Հանրապետության կառավարության 2003 թվականի հունիսի 13-ի N 882-Ն որոշմամբ հաստատված կարգի 13-րդ կետով պահանջվող տեղեկությունները:
4. Հայաստանի Հանրապետության կառավարությանն առընթեր պետական գույքի կառավարման վարչության պետին` ապահովել «Աճուրդի կենտրոն» պետական ոչ առևտրային կազմակերպության կողմից գույքի` աճուրդով վաճառելու մասին հայտարարության հրապարակումն ու աճուրդների կազմակերպումը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ԴԵԿՏԵՄԲԵՐԻ 16-ԻՆ