040.0043.040204
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«4» փետրվարի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
22 հունվարի 2004 թվականի N 43-Ա
ԳՈՒՅՔ ՕՏԱՐԵԼՈՒ ՄԱՍԻՆ
i
«Բաժնետիրական ընկերությունների մասին» Հայաստանի Հանրապետության օրենքի 68-րդ հոդվածի 7-րդ կետին և Հայաստանի Հանրապետության կառավարության 2003 թվականի հունիսի 13-ի N 882-Ն որոշմանը համապատասխան` Հայաստանի Հանրապետության կառավարությունը որոշում է.
1. «Պրոտեզավորման և կադրերի պատրաստման կենտրոն» փակ բաժնետիրական ընկերության (այսուհետ` ընկերություն) գույքի կազմից առանձնացնել Երևանի Ռուբինյանց 39 հասցեում գտնվող` 2087.87 քառակուսի մետր ընդհանուր մակերեսով, և Հայաստանի Հանրապետության կառավարության 1998 թվականի մարտի 27-ի N 209 որոշմամբ սահմանված կարգով 12090.87 հազ. դրամ գնահատված արժեք ունեցող 11 շենքերն ու շինությունները (այսուհետ` գույք) և ուղղակի եղանակով վաճառել դրա վարձակալ «Ինտերօրթո» սահմանափակ պատասխանատվությամբ ընկերությանը (այսուհետ` գնորդ)` գույքի գնահատված արժեքի և գույքի առանձնացման ժամանակ առաջացող ավելացված արժեքի հարկի հանրագումարի չափով նվազեցնելով ընկերության կանոնադրական կապիտալը:
2. Սահմանել գույքի վաճառքի գինը` 18 000 հազ. դրամ:
3. Սահմանել, որ գնորդը պարտավոր է`
ա) մեկամսյա ժամկետում «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին վճարել սույն որոշման 2-րդ կետով սահմանված գումարը.
բ) իր միջոցների հաշվին վճարել անշարժ գույքի վաճառքից ծագող գույքային իրավունքի պետական գրանցման հետ կապված վճարներն ու տուրքերը.
գ) 5 տարվա ընթացքում իրականացնել 30 մլն դրամի չափով ներդրում.
դ) հետագա տաս տարվա ընթացքում չփոխել ընկերության մասնագիտական ուղղվածությունը:
4. Հայաստանի Հանրապետության կառավարությանն առընթեր պետական գույքի կառավարման վարչության պետին` մեկամսյա ժամկետում գնորդի հետ կնքել առուվաճառքի պայմանագիր:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ՀՈՒՆՎԱՐԻ 26-ԻՆ